Tesaloniki2 2:10 - LAWA A BOO SONBORE

¹⁰ Min mɛnɛn bɛ́ re bɔ̀n biɛ, á re baraabaa zɛnɛɛ a yɔrɔ din tumaa li, a bɛn yiri sã nɛ. Maǹ die bɔ̀n biɛ, a giala, sonbore mɛn bɛ́ ǹ kirisibiɛ, ǹ lɛ kɔ bɛ lɛ ganaa lɛlɛ ǹ nə́ narɛ wa.

LAWA A BOO SONBORE 2011

¹⁰ Min mɛnɛn bɛ́ re bɔ̀n biɛ, á re baraabaa zɛnɛɛ a yɔrɔ din tumaa li, a bɛn yiri sã nɛ. Maǹ die bɔ̀n biɛ, a giala, sonbore mɛn bɛ́ ǹ kirisibiɛ, ǹ lɛ kɔ bɛ lɛ ganaa lɛlɛ ǹ nə́ narɛ wa.

Tesaloniki2 2:10 ပူးပေါင်းရင်းမြစ်များ

Suusun 1:7

Nyɛ́ɛbaa Dɛnaa Lawa yii ni n sii-doɛ̃ a giala kɔ ǹ bǎã lɛa. Min mɛnɛn laadoo bɛ́ a bie ka bɛa daraan laanka bɛa doroon kɛn nɛ wa, baãnaan manɛ.

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Zaã a sɛ́wɔ 3:17

Lawa bie a ná a Nɛgiĩ lɛ dia kanaa gɔ́ɔ̃ nɛ, mà a da kiri wɔ kanaa minin ganaa wa, sɛnɛ, a na á dia mà a da ǹ kirisibaa.

Zaã a sɛ́wɔ 5:34

Bɛ̀ ń yaa masɛ á bɛ pii, a bie ka masɛ laadoo na a ganaa, minbuiinin nə masɛ a siére baa wa. Sɛnɛ, man má ZAÃ boo da màn mɛn bɛ́ toɛ, ka dinin nə kirisibaa yɛ.

Rɔmu minin 10:1

Dɔɔ̃nɔn lɛn, ma bɛ́ giɛ màn mɛn li taãn-taãnɛ, ma ná a nyan dɔ koe Lawa lon Zuifun lɛa, bɛ n ka kɛ nɛ, ǹ kirisibaa yɛ.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Rɔmu minin 6:17

Ka daa wɔ barka da Lawa nɛ. Ka n ká goã sii baraa a bɛ̀rɛn lɛa lɛlɛ, sɛnɛ, daraa ke á n kɔ ka la, sii yɔrɔ sonbore mɛn bɛ́ a nɛ, ká bɛ si ka ka foo din tumaa nɛ.

Korɛnti1 1:18

Sonbore, min mɛnɛn bɛ́ papaɛ̃, Krita a gã dere ǹ gɔn ganaa boo kɛ n gàãnaabaa lɛa bɛn yii li. Sɛnɛ, wɔsɛn mɛnɛn bɛ́ kirisibaa ǹ zii la, a n Lawa a pàãyiidɛnaabaa lɛa wɔsɛn yii li.

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Korɛnti2 11:13

Bɛa minin kɛn lɛn ba dia dí-a wole taãnan lɛa wa. Maǹ soɛ boe ka ǹ nya ǹ dí ni, ǹ nə́ n dinin biɛ Krita a dia dí-a wolen lɛa.

Korɛnti2 11:15

Bɛ̀ bɛa dí-nyalin kɛn lɛn dɔn nə́ n bɔyaa, ǹ nə́ n dinin baa dí pepere nyalin lɛa, a sii soree lɛa wa. Sɛnɛ, ǹ giala-nyɔmɔɔ waáraa, ǹ màn mɛn zɛnaa, bɛ lɛ n die doe ǹ ganaa.

Korɛnti2 2:15

A bɛ́ miɛ̃, wɔ ǹ ka nyɔɔ gìĩ kɔɔ̃n bɛ́ lɔn, Krita n koe Lawa la *wúlu màn lɛa. Wɔ ǹ bɛ lɛ lɛa kirisibaalin laanka papaã wolen dɔn yii li.

Korɛnti2 2:17

Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Tesaloniki1 2:16

Min mɛnɛn bɛ́ ǹ ba Zuifun lɛa wa maǹ wɔ kurii, mà wɔ baran kirisibaa ǹ boo kɛ pɛ bɛn man wa. Maǹ màn diɛ ǹ dinin sii baraa li miɛ̃ biikoo tumaa li, ǹ tá a lɛ piɛ̃. Sɛnɛ, a giala-nyɔmiɛ li, Lawa a foo-busii yu ǹ mìi ni.

Tesaloniki2 2:12

Bɛ lɛ n die toɛ, min mɛn tumaa bɛ́ a golee sonbore li wa, baraabaa kɔɔ̃n kɔ ǹ ganaa, dɔlɔ nə n bɔ bɛn ganaa.

Tesaloniki2 2:13

Dɔɔ̃nɔn lɛn, Dɛnaa bɛ́ á kasɛn mɛnɛn narɛ, wɔsɛn kɛn doamaa nɛ, wɔ barka da Lawa-n biikoo tumaa li kaa lɛa. Lawa na á ka bɔ bibinaanɛ, á n die ka kirisibiɛ. A n die ka kirisibiɛ, a giala, ká a wɔn baa ka a Yiri barka nɛ, ká golee Lawa a sonbore dɔ li.

Timote1 2:4

Asɛ lɛ n giɛ li, mà minbuiin din tumaa kirisibaa, ǹ boo la ǹ sonbore dɔ̃.

Ebrəə 3:13

Sɛnɛ, Lawa bɛ́ tɔn boo diɛ ka-n "pelo" ke, a n mà ka kɔ́n baran toa sii baraa sã, a na a too kaka kɔ wa. Ka n gɔn waa kɔn nɛ baraabaraa.

Piɛrɛ2 2:12

Sɛnɛ, minin kɛn lɛn manə ǹ sii tumaa zɛnɛɛ ka baãnaabaa nɛ, ka tɔɔn bɛ́ lɔn, tɔɔn mɛnɛn bɛ́ ǹ tan kũ a dɛ a lɛa. Ǹ ba màn mɛn giala miɛ wa, maǹ sɔ koe bɛ ganaa. Maǹ die ǹ dɔn dii ka ǹ bɛ́ tɔɔn dii lɔn.

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.