Tesaloniki2 1:9 - LAWA A BOO SONBORE

⁹ Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.

LAWA A BOO SONBORE 2011

⁹ Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.

Tesaloniki2 1:9 ပူးပေါင်းရင်းမြစ်များ

Siin Giala 3:8

Wasamiɛ̃nɛ, piɛ̃ lɔlɔɔ bɛ́ boe ǹ mɛn waáraa, ǹ nə́ Dɛnaa Lawa lɛ ma, n bibiĩ dù gɔrɔ lɛ gɔ́ɔ̃ nɛ. Ǹ nə́ nɔmaa ǹ nə́ n duru a nyɛɛnɛ dù gɔrɔ lɛ a dan bii.

Siin Giala 4:16

Kanyɛ ná a din wɔlɔ lui Dɛnaa ganaa, á woo gána kɔ́n nɛ Edɛn a lɛ̀giala gɔn la, ǹ nə́ bíi Nɔdi (bɛ giala mà "Gùli kɔ ǹ bǎã").

Zɔbu 21:14

A da yaa, ǹ dinin lɛn man pii Lawa nɛ: «Wɔ toa kiĩni. Wɔ ba li wɔ n zii kɛ dɔ̃ wa.

Zɔbu 22:17

Ǹsɛn mɛnɛn nə goã pii Lawa-n kɛnɛn: «N bɔ wɔ wɔlɔ li. Pàãyiidɛnaa n boe la a wàa zɛnaa wɔ nɛ?»

Loen 16:11

N din nə yiikoonaabaa ǹ zii nyɛɛ ma nɛ. Nyɛnyɛɛ nə n din li, foo kɔɔ̃nbaa mɛn bɛ́ a ba nyɛɛ wa, bɛ n yii n din li.

Loen 51:11

N yɔrɔ bɔyaa n bɔ maa sã ǹ siin kɛn la, n maa kɔkɔrɔbaa ǹ siin kɛn tumaa tuturu.

Izayii 1:28

Sɛnɛ, gòãn dii wolen kɛn, ka sii baraa-zɛnaalin kɛn nɛ, bɛn tumaa wɔ n ka bɔ̀n nɛ. Min mɛnɛn bɛ́ n dɔ̀ɔ̃ we Dɛnaa Lawa nɛ, bɛn man die bɔ̀n biɛ.

Izayii 2:10

Ka n duru gɛ̀fun bii, ka wɔ tii li, ń giɛ Dɛnaa Lawa a foo yoo ka a gugurubaa a tɛ pɛ kɛ nyan dɔ ka-a wa!

Izayii 2:19

Dɛnaa Lawa bɛ́ re yui pin mɛn-a, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ pɛ kɛ nyan dɔ ka-a wa.

Izayii 2:21

Dɛnaa Lawa bɛ́ re yui pin mɛnaa, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ-pɛ kɛ nyan dɔ ka-a wa.

Izayii 33:14

Siɔn kiwi, nyɛ́ɛ n zɛ̀rɛdɛnan ganaa. Min baraan gɔ̀nɔn nə bìn diɛ. Maǹ nɔ̀n diɛ: «Wɔ bii, die n boe la a n mɔrɔ tɛ baraa kɛ ganaa, hinlaa a diri tɛ girigiri kɛ la, a ná a nimi duduu wa?»

Izayii 66:24

Bɛ̀ ǹ tá soe kiwi lɛ nɛ, min mɛnɛn nə goã ǹ nə́ n gòã dii ma ganaa, ǹ tá re bɛn gere yii tán. Nyuunun mɛnɛn bɛ́ ǹ soɛ̃, bɛn ba re giɛ̃ duduu wa. Tɛ mɛn bɛ́ ǹ kuĩ, bɛa nimi wa. Bɛ ǹ die goɛ̃ sii bɔbɔnɛɛ lɛa minbuiin nɛ tumaa ganaa.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 22:13

Kii lɛ tɔ́n pɛ a dí-nyalin manɛ: «Ka kũ ka a gòã laanka a gɔnɔn yii, ka saa ka zũ kanaa wɔlɔ tì li. Á die wuu pii walan, a sɔ kere bɔ.»

Matiə 24:30

Bɛa biikoo li, Min a Nɛgiĩ a daa a sii a kɔnbɔ á die soe lon. Kanaa a tɔrɔn tumaa á re n lala diɛ. N tá re Min a Nɛgiĩ yii labaran la, ka pàã gole laanka gugurubaa gole ne.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Matiə 26:24

Min a Nɛgiĩ á re giɛ̃, ka a bɛ́ á n kiɛ̃ a wɔ gɔn la Lawa a boo-n lɔn. Sɛnɛ, min mɛn bɛ́ re Min a Nɛgiĩ we a zɔ́ɔn gɔn, bɛa dɛnaa wɔ n ka bɔ̀n nɛ! Bɛ̀ n dɛnaa din na a yɛ wa, bɛ á soɛ a ganaa!»

Matiə 7:23

Ma á re pii ǹ ni: «Ma bin ka dɔ̃ wa. Ka n tan, ka n bɔ ma li, sii baraa-zɛnaalin kɛn!»

Luku 13:27

A n die pii ǹ ni mà asɛ ba ǹ bɔ ǹ bǎã doɛ̃ wa. Mà ǹ nə n zɔ̃ ǹ nə n bɔ asɛ ganaa. Mà ǹ tumaa n sii baraa-zɛnaalin lɛa.

Zaã a sɛ́wɔ 5:14

Bɛ kio, a belebɔ wa, Yezu wusoo á yɛ Lawa kion, á pɛ nɛ: «Haya, n bɛ́ ke kakabaa la kanna, n nyan wusoo n sii baraa zɛnaa doo, sii kɔsɔ yaa kiɛ̃ n yii, bɛ n baraa á la kɛ-n wa.»

Timəə dí-pɛn 33:2

A na á pɛ kɛnɛn: «Dɛnaa Lawa bɔ Sinayii kele la á daa, a na á n toa Seyiiri gána nɛ á daa ǹ lɛa, ka wasa bɛ́ lɔn, á n toa Paran kele la, á wasa kaa a minin lɛn ganaa. Á daa a minin li, kun ka lon a dia dí-a wole duu damata nɛ, ka a dí-pɛ tɛdɛnaa kɛ nɛ a gɔn.

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.

Tesaloniki2 2:8

Bɛa biikoo li, Lawa a Zɔ́ɔ lɛ á die n din nyɛɛ, sɛnɛ, bɛ̀ Dɛnaa Yezu soo lɔn gɔrɔ, a n die a din lɛ dii a yɔyɔrɛ ka a lɛ gɔ́ɔ̃ ǹ piɛ̃ nɛ, a toa a papaã duduu ka a din a gugurubaa kɛ a daa nɛ.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Piɛrɛ2 2:17

Bɛa minin-daraali soɛ-bɔlen kɛn lɛn man goon ka mu yalan nɛ, mu ba ǹ nɛ wa. Maǹ ka labaran mɛnɛn bɛ́ piɛ̃ nə́ ǹ goɛ kiɛ̃ ǹ nɛ. Nɔmaa ǹ bǎãn mɛnɛn bɛ́ wɔlɔ tì lɛa taãn-taãnɛ, Lawa n bɛn koɛ ǹ nɛ.

Piɛrɛ2 3:7

Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.

Zude 1:13

Bɛa minin kɛn lɛn man ka yìsi mu a bìn-diɛ gàãnaa bɛ́ lɔn, yìsi mu bɛ́ woe lɔn a kaã gɔgɔrɛ toa walan, ǹ nya ǹ dín là n ka ǹ dinin sìi ni. Maǹ goon ka leeren bibiə̃ wolen kɛn nɛ, Lawa na á ǹ koa wɔlɔ tì biribiri kɛ wɔn lɛa yǎa duduu.

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.

Sii-nyaan 20:14

Ǹ nə́ gɛ̀ laanka geren piɛ kũ ǹ nə́ ǹ zũ tɛ panapana kɛ nɛ. Bɛa tɛ panapana kɛ lɛ n gɛ̀ a paabaa ǹ wɔ lɛ lɛa.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.