Tesaloniki1 5:4 - LAWA A BOO SONBORE

⁴ Sɛnɛ, dɔɔ̃nɔn lɛn, kasɛn yii a tì bɛa sii lɛ gɔ́ɔ̃ nɛ, a lɛawaa tɔn da ka tɔwaa ka wurumu bɛ́ lɔn wa.

LAWA A BOO SONBORE 2011

⁴ Sɛnɛ, dɔɔ̃nɔn lɛn, kasɛn yii a tì bɛa sii lɛ gɔ́ɔ̃ nɛ, a lɛawaa tɔn da ka tɔwaa ka wurumu bɛ́ lɔn wa.

Tesaloniki1 5:4 ပူးပေါင်းရင်းမြစ်များ

Zeremii 42:16

ka bɛ́ nyɛ́ɛ biɛ zia mɛn lɛ nɛ, bɛ á die ka kio lui yǎa walan. Bòo mɛn lɛ á ke ka foo biɛ niɛ̃, bɛ á re doe ka-a Ezipti gána nɛ. Walan lɛ nɛ ka á re giɛ̃.

Ozee 10:9

A saa Gibeya a lɛawaan kɛn ganaa, ń sii baraa zɛnaa Izirayeli, n nə n giã ǹ gɔn bɔyaa wa. Zia ke á yoo gɛ̀-dɛlen wɔ lɛa, bɛ lɛn die n yiɛ Gibeya.

Zakarii 1:6

A da yaa ma boo laanka gɔn waan mɛnɛn kɔ maa dí-nyalin, Lawa a boo gii-dalin la, máa ǹ pɛ ǹ nɛ, á dɔ ǹ li ǹ nə́ golee li. Ǹ nə́ ǹ giã ǹ gɔn bɔyaa, ǹ nə́ pɛ: Dɛnaa Lawa Pàãyiidɛnaa na á golee li mà a n die wɔ kuĩ wɔa giã ǹ gɔn li ka wɔa sii zɛnaan nɛ. A na á bɛ lɛ zɛnaa.»

Matiə 10:15

Lawa bɛ́ re kiri we Sodɔmu laanka Gomɔɔrɔ kiwi min baraan kɛn ganaa ǹ mɛn pinaa, bɛn dɔlɔ á re goɛ̃ puusə ǹ wɔ ganaa.

Luku 21:34

Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Timəə dí-pɛn 19:6

Sɛnɛ, gɛ̀ dòo-bɔle baran n gɔn kũ zii lɛ a sasabaa kɛ ganaa, a yoo ka a foo ne, a mɛ gɛ̀-dɛle lɛ kio a loo, a dɔ a ganaa a dɛ wa. A giala, a bɛ́ a bie ǹ miã lɛ biɛ zɔ́ɔ lɛlɛ wa, gɛ̀-dɛle lɛ doamaa bie ka gɛ̀-n wa.

Timəə dí-pɛn 28:15

Sɛnɛ, bɛ̀ ka n too kɔ kaa Lawa, Dɛnaa Lawa lɛ lon wa, ma bɛ́ a gɔn waa ǹ boon laanka a landa boon mɛnɛn tumaa pii ka-n pelo, bɛ̀ ka n yiri koa bɛn li ká kɔ ǹ lɛ wa, bɔ̀n da ǹ siin mɛnɛn bɛ́ re ka yii, bɛn man ka kɛn nɛ:

Timəə dí-pɛn 28:45

Bɛa bɔ̀n gigiã kɛ lɛ tumaa n die n yui ka la, a goã ka kio miɛ̃ yǎa a doe ka ganaa a wɛɛ ka la. A giala, ka n ká kaa Lawa, Dɛnaa Lawa bɔlɔ tii: A gɔn waa ǹ boon laanka landa boon mɛnɛn lɛn kɔ ka la, ka kɔ bɛn lɛ wa.

Kolɔɔsi minin 1:13

Sonbore, Lawa na á wɔ bɔ wɔlɔ tì a goledɛnaa *Sɛtaan pàã giulun, á wɔ kaa a din a Nɛgiĩ narɛɛ wole kɛ a kiibaa nɛ.

Tesaloniki1 5:2

Ka dininmaan tá doɛ̃ parsiini. Dɛnaa a daa pinaa lɛ n die wɔ tɔwɛɛ, ka wurumu bɛ́ die min tɔwɛɛ tèlò-n lɔn.

Piɛrɛ2 3:10

Dɛnaa a lɛawaa lɛ a daa n die goɛ̃ ka wurumu wɔ bɛ́ lɔn, min yiri ná a ba li wa. Bɛa pinaa kɛ nɛ, lon nə die nyɛɛ ka nyɛ́ɛ da ǹ màn wuu gole ne, a màn tumaa n die kuĩ ǹ papaã. Kanaa laanka a gɔ́ɔ̃gɔ́ɔ̃ ǹ mànan tumaa á re nyɛɛ.

Zaã1 2:8

Sɛnɛ, a n dí-pɛ dii dɔ lɛa man diɛ ka la, a taãnbaa n yii Krita nɛ, ka kasɛn dɔn nɛ. A giala, wɔlɔ tì n kiɛ̃ wɔlɔ fúlu taãn nə tɛ pii gɔrɔ.

Sii-nyaan 16:15

Á ke, Dɛnaa boo mɛn da: «Man die ka tɔwɛɛ ka wurumu wɔ bɛ́ lɔn. Min mɛn bɛ́ n yiri koɛ a din li, a ná a mɔnaan we, bɛa dɛnaa wɔ á bǐɛ̃ koe, a re woe ka a gɔ̀nɔn kooro ne, ǹ na a sìi yɛ kanaa wa.»

Sii-nyaan 3:3

N Boo Tii Kɔɔ̃n mɛn ma, a si ka we ne, n nə n yiri koa bɛ li. N foo doa a ganaa, n wusoo n sii baraan kio. Bɛ̀ n nə n gù kaa wa, n ba re maa daa biikoo doɛ̃ wa, ma á re die n tɔwɛɛ tán ka wurumu wɔ bɛ́ lɔn.