Tesaloniki1 5:19 - LAWA A BOO SONBORE

¹⁹ Ka baran Yiri Fu a nya ǹ dí sàabaa wa.

LAWA A BOO SONBORE 2011

¹⁹ Ka baran Yiri Fu a nya ǹ dí sàabaa wa.

Tesaloniki1 5:19 ပူးပေါင်းရင်းမြစ်များ

Siin Giala 6:3

Dɛnaa tɔ́n pɛ kɛnɛn: «Ma fɔfoã mɛn kɔ minbuiin nɛ la, ma a re lɛ koe, bɛ goã a nɛ yǎa duduu wa. A bɛ́ gɔ̀nɔn siĩ gɛ̀-wɔle lɛa, a die kiɛ̃ lɛ̀ paabiɛ ka fuə (120) la kanaa doo wa.»

Nehemii 9:30

Ń nə́ ǹ sii si n ganaa lɛ̀ damata gɔ́ɔ̃ nɛ, ń nə́ n din yiri kɛ kɔ n boo gii-dalin la, bɛn nə́ goã miɛ ǹ ganaa. Sɛnɛ ǹ dɔ̃ mà boo-n wa. Ń tɔ́n nə ǹ wɔ gána kɔsɔn minin gɔn.

Loen 51:11

N yɔrɔ bɔyaa n bɔ maa sã ǹ siin kɛn la, n maa kɔkɔrɔbaa ǹ siin kɛn tumaa tuturu.

Loe kɔɔ̃n kɔɔ̃n 8:7

Mu dadaran ba boe kɔn-narɛɛ a tɛ kɛ la, ǹ nimi wa. Tà mun ba boe la ǹ bii wa. Ta min mɛn nə n gɔn màn tumaa siɛ, mà a na a lonkoe ka kɔn-narɛɛ nɛ, a min kɔn din yii wa.

Izayii 63:10

Sɛnɛ, ǹ nə́ piã-wɔlen baa. Ǹ nə́ n Yiri sonbore kɛ foo ziziɛ̃. Dɛnaa Lawa nə́ n bɔyaa á ǹ zɔ́ɔ baa, a n zia biɛ ǹ ganaa.

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.

Korɛnti1 14:30

Bɛ̀ min goon nə boo diɛ, min mɛnɛn bɛ́ tan ǹ nə́ ǹ too koe, bɛ̀ Lawa sii nyaa ǹ goon ne a boo lɛ wɔ paǹ li, á kɔnboe boo-dali lɛ nə n lɛ tã.

Efɛɛzi minin 4:30

Ka nyan gù-basiɛ̃ da Lawa a Yiri Fu ganaa wa. A din nə Lawa a nyaǹ lɛa ka ganaa. Wɔ n doɛ̃ bɛ lɛ li, wáa Lawa á die wɔ sii sii baraa la lenlen ǹ kɔn pinaa.

Efɛɛzi minin 6:16

Sanparɛ goleemali ke kəni, ka bɛ baa ziabaa ǹ goóro lɛa, ka Sɛtaan baraa a kiɛ tɛdɛnan kɛn kurəə ne.

Tesaloniki1 5:20

Bɛ̀ ǹ nə́ Lawa a boo gii da ka nɛ, ka nyan baa sii kiɛɛrɛ lɛa ka n piã-n wa.

Timote1 4:14

Lawa a bǐɛ̃baa ǹ màn mɛn bɛ́ n lon, n nyan bɛ da n gɔn para li wa. A din lɛ na á n kɔ n la, á kɔnpɛ ka Lawa a boo gii-dalin da ǹ boo ne, bɛ̀ ga Lawa a sɔmɔ walan wolen bɛ́ ǹ nə́ n gɔn da n la ǹ mɛn pinaa.

Timote2 1:6

Bɛ lɛ na á toa, ma tá n yiri diɛ a nɛ: Lawa na a bǐɛ̃baa ǹ màn mɛn kɔ n la, bɛ̀ ma bɛ́ má n gɔn da n la, toa n nə n yiri koa bɛ li, n dí nya-n parsiini.

Samayeli1 16:4

Dɛnaa Lawa boo mɛn pɛ, Samayeli bɛ zɛnaa. Á dɔ Bɛtlehɛmu kiwi. Kiwi lɛ a min golen nə́ n da lɛ, bɛ̀ ǹ gɔ̀nɔn tá bìn diɛ. Ǹ nə́ nɔ̀n da la: «Bǐɛ̃ nɛ, ń daa a ganaa?» Á ǹ lɛ si mà hiĩ, mà bǐɛ̃ nɛ.