Tesaloniki1 5:15 - LAWA A BOO SONBORE

¹⁵ Ka yiri bɔ, min kɔ́n baran sii baraa saraa ka sii baraa-n wa. Ka n doa ka sii bǐɛ̃ zɛnaa kɔn nɛ biikoo tumaa li, ka zɛnaa min tumaa dɔ nɛ.

LAWA A BOO SONBORE 2011

¹⁵ Ka yiri bɔ, min kɔ́n baran sii baraa saraa ka sii baraa-n wa. Ka n doa ka sii bǐɛ̃ zɛnaa kɔn nɛ biikoo tumaa li, ka zɛnaa min tumaa dɔ nɛ.

Tesaloniki1 5:15 ပူးပေါင်းရင်းမြစ်များ

Siin Giala 45:24

Bɛ kio, á zii kɔ ǹ dɔɔ̃nɔn lɛn la. Sɛnɛ, á pɛ ǹ nɛ, bɛ̀ ǹ bɛ́ re woe, mà ǹ baran zia da zii la wa.

Loen 38:20

Maa zɔ́ɔn kɛn manə ǹ dinin lɛa bii-a, ǹ nə́ kaka. Min mɛnɛn bɛ́ ma biɛ zɔ́ɔ kooro, bɛn nə́ la yii ni.

Loen 7:4

Dɛnaa Lawa, maa Lawa, maǹ pii mà ma zɛ̀rɛ nɛ. Bɛ̀ má zɛnaa ka ǹ bɛ́ pii lɔn, bɛ̀ ma din gɔn kɛ sii la sonbore,

Suusun 17:13

Min mɛn bɛ́ sii bǐɛ̃ sarɛɛ ka sii baraa nɛ, koe á re goɛ̃ a kion duduu.

Suusun 20:22

N nyan pɛ: «Man die baraa sarɛɛ ka baraa nɛ.» Sɛnɛ, n foo doa Dɛnaa Lawa ganaa, á re n kirisibiɛ.

Suusun 24:17

Bɛ̀ n zɔ́ɔ bɔ á mɛnaa, n nyan nə n nyɛnyɛɛ wa. Bɛ̀ á n gòã na, n nyan bɛ̀ baa ka foo kɔɔ̃n nɛ wa.

Suusun 24:29

N nyan pɛ: «A zɛnaa ma-n lɔn ke, ma dɔ n die zɛnɛɛ-n miɛ̃. A sii mɛn zɛnaa ma nɛ, man die bɛ lɛ miã sarɛɛ la.»

Suusun 25:21

Bɛ̀ bòo tá n zɔ́ɔ ganaa, màn-bii kɔ la a bii. Bɛ̀ mu boro tá a ganaa, n mu kɔ la a mi.

Lawa a wúlu-bɔlen 19:18

N baran dòo bɔ wa, min dɔ baran sii koa a gɔ́ɔ̃ nɛ, ǹ miã wɔ paǹ li wa. N miã kɔsɔ dɔ narɛ ka n bɛ́ n din narɛ lɔn. Masɛ din nə Dɛnaa Lawa lɛa.

Matiə 5:39

Sɛnɛ, masɛ n pii ka nɛ, bɛ̀ min nə́ sii la n la, n baran a gɛ̀ dòo bɔ a ganaa wa. Bɛ̀ min nə́ n gɔn tɔ n gusin a para nɛ, a toa a tɔ n gɔsɛ wɔ lɛ dɔ-n gɔrɔ.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Nya ǹ dín 16:28

Sɛnɛ, Pooli pɛ nɛ ka lɛn gole ne: «N baran sii baraa kɔ́n zɛnaa n din ni wa, wɔsɛn tumaa tan.»

Rɔmu minin 12:9

Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.

Rɔmu minin 14:19

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Korɛnti1 14:1

Ka ga kɔn-narɛɛ li. Ka n yiri koa Yiri Fu a bǐɛ̃baa ǹ mànan ganaa, sanparɛ Lawa a boo gii-dalibaa ke.

Korɛnti1 16:10

Bɛ̀ Timote daa ka li, ka toa ka kũ doɛ̃ taãnɛ, a giala, a n Dɛnaa a dí nyɛɛ ka masɛ dɔ bɛ́ lɔn.

Korɛnti1 6:7

Ta á n baa lɔn, màn mɛn bɛ́ toɛ, kiri á goɛ̃ ka dininmaan bii ni, bɛ n ka dinin bɔ a mɛnaa duduu giala pii gɔrɔ. Wàa na á baa ka a lɛ koe ǹ sii kɔkɔrɔ zɛnaa ka-n wa, ka a lɛ koe ǹ ka koã wa?

Galaasi minin 6:10

A bɛ́ miɛ̃, bɛ̀ wɔ á boe la biikoo woo biikoo li, wɔ toa wɔ sii bǐɛ̃ zɛnaa min tumaa nɛ, sanparɛ min mɛnɛn bɛ́ wɔ dɔɔ̃nɔn lɛa goleemali gɔ́ɔ̃ nɛ.

Efɛɛzi minin 5:15

Ka n yiri kɔ kaa giã ǹ gɔn li parsiini. Ka baran n dinin nyaa ka yiri baãnaan bɛ́ lɔn wa, sɛnɛ, ka n dinin nyaa ka sii-dɔ̃lin bɛ́ lɔn.

Efɛɛzi minin 5:33

Ta á n baa lɔn, ka gogoonmaa doamaa nɛ, a na a lɔ narɛ ka a bɛ́ a din narɛ lɔn, lɔ gogoonmaa dɔ doamaa nɛ a ǹ zuũ guguru kɔ.

Timəə dí-pɛn 16:20

Ka n doa ka kɔ peperebaa lɛ, màn mɛn bɛ́ toɛ, kaa Lawa, Dɛnaa Lawa bɛ́ gána mɛn lɛ koe ka la, ka yii boo la a goã koo, ka bɛa gána lɛ si ka baa kaa wɔ lɛa.

Tesaloniki1 2:12

Wɔ́ ka gù kaa, wɔ́ ka foo taã. Wɔ́ ka nyankɔ parsiini, wáa ka tɔ wɔ a kɔnpɛ ka Lawa foo sii ni, asɛ mɛn bɛ́ lɛ diɛ ka la, mà ka gii yɛ a kiibaa ǹ bǎã laanka a gugurubaa kɛ nɛ.

Tesaloniki1 5:21

Sɛnɛ, ka ga sii tumaa ganaa doɛ̃, ka a bɔkɔnlɛ wɔ; ǹ mɛn bɛ́ siĩni ka lɛ kɔ bɛ ganaa.

Timote1 6:11

Nsɛ mɛn bɛ́ Lawa a min lɛa, n nyanaa bɛa siin lɛn manɛ. Sɛnɛ, ga peperebaa li, ka nyɛ́ɛ baa Lawa n nɛ, ka golee Lawa li ni, ka kɔn-narɛɛ nɛ, ka sii simaa nɛ, ka sabarabaa nɛ.

Timote2 2:24

A giala, Dɛnaa a dí-nyali doamaa bie a goã zia-dali lɛa wa. A foo doamaa nɛ a goã basiɛ̃-n min tumaa wɔ paǹ li. A doamaa nɛ a boo minin daraa la, á n sii sii a ganaa.

Tiitii 3:2

Mà ǹ nyan boo baraa da min kɔ́n ganaa wa, ǹ nə n bɔ zia wɔlɔ li. A pɛ ǹ nɛ, mà ǹ nə n dinin nyaa yiri koa minin li wolen lɛa, ǹ nə ǹ min basiɛ̃baa nyaa min tumaa wɔ paǹ li biikoo tumaa li.

Ebrəə 12:14

Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 2:17

Ka min din tumaa guguru kɔ, ka ka dɔɔ̃n Lawa-nyankɔlen narɛ, ka nyɛ́ɛ baa Lawa nɛ, ka kii gole kɛ guguru kɔ.

Piɛrɛ1 3:9

Bɛ̀ min sii baraa zɛnaa ka nɛ ka baran a dòo saraa ka baraa-n wa. Bɛ̀ min sɔ kɔ ka ganaa, ka baran a dòo saraa ka sɔ-n wa. Sɛnɛ, Lawa na á ka bíi, mà ka Lawa bǐɛ̃ bíi ǹ li, bɛ kio kəni, a din tá re bǐɛ̃ zɛnɛɛ ka nɛ.

Zaã3 1:11

Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.

Sii-nyaan 22:9

Sɛnɛ, á pɛ ma nɛ: «N nyan toa n bɛ zɛnaa wa! Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃n Lawa a boo gii-dalin bɛ́ lɔn, ka min mɛnɛn tumaa bɛ́ sɛ́wɔ kɛ a boo miɛ, ǹ ná a lɛ sii. Wɔ tumaa n goon, Lawa dinsɔɔ̃ guguru kɔ!»

Samayeli1 24:13

Dɛnaa Lawa die a sii lɛ kuru wɔ biin ni! Dɛnaa Lawa die a masɛ a dòo bɔ n ganaa! Sɛnɛ, masɛ gɔn ba re miɛ n ganaa wa.