Tesaloniki1 5:13 - LAWA A BOO SONBORE

¹³ Ka ǹ guguru kɔ parsiini ka kɔn-narɛɛ nɛ, ǹ nya ǹ dí lɛ taman yii. Ka giã kun ka là nyantoro ne.

LAWA A BOO SONBORE 2011

¹³ Ka ǹ guguru kɔ parsiini ka kɔn-narɛɛ nɛ, ǹ nya ǹ dí lɛ taman yii. Ka giã kun ka là nyantoro ne.

Tesaloniki1 5:13 ပူးပေါင်းရင်းမြစ်များ

Siin Giala 45:24

Bɛ kio, á zii kɔ ǹ dɔɔ̃nɔn lɛn la. Sɛnɛ, á pɛ ǹ nɛ, bɛ̀ ǹ bɛ́ re woe, mà ǹ baran zia da zii la wa.

Loen 133:1

Wo Zeruzalɛmu loe. Davida a loe. Ee! Dɔɔ̃nɔn koa-kun tá siĩni, á kɔɔ̃nɛ, á suusuu.

Matiə 10:40

Bɛ̀ min mɛn nə́ ka kũ doɛ̃ bɛa dɛnaa na á masɛ kũ doɛ̃; bɛ̀ min mɛn masɛ kũ doɛ̃ bɛa dɛnaa na á masɛ a dia wole kũ doɛ̃.

Marki 9:50

Yìsi n màn sonbore lɛa sɛn, sɛnɛ bɛ̀ yìsi a yìsibaa nya, maǹ die n biɛ lɔn ǹ tɔn baa yìsi lɛa doo? Ka miãn bii, ka toa kaa zɛnaa ǹ sii sonboren nə goã ka yìsi bɛ́ màn-bii li lɔn, ka koa kun ka yii-nyɛɛ nɛ.

Zaã a sɛ́wɔ 15:17

Ma bɛ́ màn mɛn laɛ ka ganaa, ka kɔn narɛ.

Korɛnti2 13:11

Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

Galaasi minin 4:14

Ma gɔ̀nɔn-busii kɛ goã sii kaka lɛa ka ganaa. Ka bɛ din tumaa nɛ, ka nyaǹ bɔ ma ganaa, ká ma toa walan wa. Bɛ din na á toa dinin ká ma kũ doɛ̃, ka Lawa a lon a dia dí-a wole goon ne ma nɛ, hinlaa ka Yezu Krita din ni ma nɛ.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Galaasi minin 6:6

Ǹ bɛ́ min mɛn darɛɛ Boo Tii Kɔɔ̃n kɛ ganaa, màn mɛn tumaa bɛ́ a gɔn, a doamaa nɛ, a gii kɔn ka a daraali kɛ nɛ.

Efɛɛzi minin 4:3

Yiri Fu bɛ́ ka doɛ kɔn ka là nyantoro mɛn nɛ, á n ka biɛ goon, ka n doa ka bɛa goonbaa lɛ tamaa.

Kolɔɔsi minin 3:15

Krita dinsɔɔ̃ n boe la, a toa minin nə goã kun là nyantoro la. Ka n doa ka bɛa là nyantoro kɛ lɛ tamaa ka foo ne, a giala, a na á ka bíi bɛ lɛ a lɛa, ka goã kun ka gɔ̀nɔn goon toto bɛ́ lɔn. Ka toa ka bǐɛ̃ dɔ̃ Lawa nɛ.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Tesaloniki2 3:16

Dɛnaa mɛn din bɛ́ là nyantoro kɔle lɛa, a dinmaa die a là nyantoro kɔ ka la, biikoo tumaa li ka yɔrɔ din tumaa nɛ. Dɛnaa die a goã ka dinin tumaa li.

Timote2 2:22

N bɔ tɔntɔraabaa ǹ foo sii babaraan wɔlɔ li. Min mɛnɛn bɛ́ Dɛnaa tɔ bíi ka gɔ́ɔ̃ fubaa nɛ, n doa n ga peperebaa laanka goleemali li kun ka bɛn nɛ, ka kɔn-narɛɛ laanka là nyantoro ne.

Ebrəə 12:14

Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.

Zaaki 3:18

Min mɛnɛn bɛ́ giɛ là nyatoro li, bɛn man peperebaa a là yii là nyantoro gɔ́ɔ̃ nɛ.