Tesaloniki1 4:9 - LAWA A BOO SONBORE

⁹ Ka laadoo ba a ganaa doo min sɛ́wɔ dia ka la, a dɔɔ̃nɔn kɔn-narɛɛ boo da ka-n wa. A giala, ka dininmaan nə́ n daraa kɔn-narɛɛ ganaa Lawa li.

LAWA A BOO SONBORE 2011

⁹ Ka laadoo ba a ganaa doo min sɛ́wɔ dia ka la, a dɔɔ̃nɔn kɔn-narɛɛ boo da ka-n wa. A giala, ka dininmaan nə́ n daraa kɔn-narɛɛ ganaa Lawa li.

Tesaloniki1 4:9 ပူးပေါင်းရင်းမြစ်များ

Loen 133:1

Wo Zeruzalɛmu loe. Davida a loe. Ee! Dɔɔ̃nɔn koa-kun tá siĩni, á kɔɔ̃nɛ, á suusuu.

Izayii 51:13

N yiri bɔ ka Dɛnaa Lawa nɛ, a da yaa a din na á n da. A din ni á lon lɛ bɔ, á tán zɛnaa. Biikoo tumaa li, n gɔ̀nɔn nə bìn diɛ nyɛ́ɛ gɔn pàã-zɛnaali kɛa foo-yoo nyɛɛnɛ, ka n pɛ mà a n die n nyin boe. Sɛnɛ, bɛa pàã zɛnaali lɛ a foo-yoo á maa kəni?

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Zeremii 31:34

Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.

Lawa a wúlu-bɔlen 19:8

Wúlu mɛn bɛ́ ǹ nə́ bɔ Dɛnaa Lawaa wɔ lɛa, bɛ̀ min mɛn bɛa siĩ baa siĩ kooro lɛa á sɔ̃, bɛa dɛnaa a sii baraa a dɔlɔ na a din mìi ni. Bɛa dɛnaa kɛ lɛ dɔ, ka loo, ka bɔ Izirayeli tɔrɔn bii.

Matiə 22:39

A paabaa ǹ wɔ mɛn a sii bɛ́ kaka ka bɛ bɛ́ lɔn, bɛ n ka kɛ nɛ: «N miã kɔsɔ narɛ ka n bɛ́ n din narɛ lɔn.»

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Nya ǹ dín 4:32

Minbuiin gigiã mɛn din tumaa golee Lawa li, bɛn gɔ́ɔ̃n laanka ǹ taasiɛn man nə́ goã goon, ǹ kɔ́n dɔ goã giɛ a din gɔn màn kɔn-a a din wɔ lɛa wa, sɛnɛ, ǹ tumaa na á goã ǹ gɔn màn yii kiɛ kun.

Rɔmu minin 12:10

Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka n zɔɔ̃ kɔn ka kɔn guguru kɔ nɛ.

Korɛnti2 9:1

Lawa a zaman mɛn bɛ́ Zudee gána nɛ, là ba a ganaa, ma boo da kasɛn nɛ bɛn dɔmalɛ wɔ paǹ li wa.

Filipi minin 3:15

Wɔsɛn mɛnɛn tumaa bɛ́ wɔ́ woo nyɛɛn goleemali gɔ́ɔ̃ nɛ, ka toa wɔa taasiɛ goã bɛa yɔrɔ goon kɛ la. Sɛnɛ, ta min tɛnɛn tá ka bii, ǹ nə́ n taasɛ ka yɔrɔ kɔsɔ nɛ, Lawa á re wɔlɔ fúlu kiɛ ka ganaa bɛn sii taman yii.

Tesaloniki1 5:1

Dɔɔ̃nɔn lɛn, siin lɛn bɛ́ re n zɛnɛɛ ǹ mɛn waáraa, ka laadoo ba a ganaa min sɛ́wɔ dia ka la a na a biikoo pɛ ka-n wa.

Ebrəə 10:16

Á pɛ: «Ma bɛ́ re lɛ kɔ kɔn la mɛn we kɔn-a ǹ nɛ, bɛ á ke: ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn lɛn we ǹ foo ne, man die ǹ kiɛ̃ ǹ yiri ni.»

Ebrəə 13:1

Ka toa dɔɔ̃nbaa ǹ kɔn-narɛɛ goã ka bii.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

Piɛrɛ1 4:8

Sii mɛn bɛ́ ka doamaa-n ka da sii tumaa nyɛɛnɛ, bɛ n ka kɛ nɛ: Ka kɔn narɛ ka ka foo din tumaa nɛ. A giala, kɔn-narɛɛ á pìi koe sii baraa gigiã lɛ.

Piɛrɛ2 1:7

Ka dɔɔ̃nbaa a kɔn kũ doɛ̃ naa nyɛ́ɛ baa Lawa-n lɛ ganaa. Bɛ din tumaa kio kəni, ka kɔn-narɛɛ naa dɔɔ̃nbaa a kɔn kũ doɛ̃ kɛ ganaa.

Zaã1 2:10

Min mɛn bɛ́ ǹ dɔɔ̃n narɛ, bɛ n wɔlɔ fúlu li, ka bɛ nɛ, sii kɔ́n ba a li, a n boe la a min kɔsɔ da sii baraa-n wa.

Zaã1 3:11

Ka dí-pɛ mɛn boo ma, a saa giala-kɔ waáraa ganaa, bɛ n ka wɔa kɔn-narɛɛ nɛ.

Zaã1 3:23

A bɛ́ màn mɛn pii wɔ-n dí lɛa, bɛ á ke: Wɔ golee a Nɛgiĩ Yezu Krita tɔ li, wɔ kɔn narɛ, ka Krita bɛ́ á pɛ wɔ-n dí lɛa lɔn.

Zaã1 4:21

Krita dí-pɛ mɛn kɔ wɔ la, bɛ n ka kɛ nɛ: Min mɛn bɛ́ Lawa narɛ, a doamaa nɛ a ǹ dɔɔ̃n dɔ narɛ.