Tesaloniki1 4:13 - LAWA A BOO SONBORE

¹³ Dɔɔ̃nɔn lɛn, min mɛnɛn bɛ́ ǹ nə́ gã, wɔ ba li wɔ ka yii toa tì bɛn sii gɔ́ɔ̃-n wa. A giala, wɔ ba li ka goã yɔrɔ-kɔsiɛ gɔ́ɔ̃ nɛ, ka min gialakunun mɛnɛn bɛ́, foo-doa ǹ bǎã ná a ba ǹ lon wa.

LAWA A BOO SONBORE 2011

¹³ Dɔɔ̃nɔn lɛn, min mɛnɛn bɛ́ ǹ nə́ gã, wɔ ba li wɔ ka yii toa tì bɛn sii gɔ́ɔ̃-n wa. A giala, wɔ ba li ka goã yɔrɔ-kɔsiɛ gɔ́ɔ̃ nɛ, ka min gialakunun mɛnɛn bɛ́, foo-doa ǹ bǎã ná a ba ǹ lon wa.

Tesaloniki1 4:13 ပူးပေါင်းရင်းမြစ်များ

Siin Giala 37:35

A nɛgiĩ gialakunun laanka a nɛlɔn bɛ́, ǹ nə́ daa ǹ mɛn waáraa, mà maǹ a lɛ tiɛ̃, á n piã. A na á goã pii: «Yǎa masɛ yɔrɔ kɔsiɛmaa woe, maa nɛgiĩ lɛ yiɛ geren piɛ.» Ǹ di lɛ na a gɛ̀ wuu pɛ miɛ̃.

Kiin1 1:21

Bɛ̀ a baa miɛ̃ wa, n wɔ tii li kio, ǹ tá re sii baraa a dɔlɔ boe masɛ laanka maa nɛ Salomɔn ganaa kooro.»

Kiin1 2:10

Bɛ kio, Davida woo ǹ digolon li. Ǹ bɛ́ kiwi mɛn bíi "Davida a kiwi" ǹ nə́ bĩ walan.

Zɔbu 1:21

«Ma gɔn kooro na á daa, ma gɔn kooro n die woe. Dɛnaa Lawa din na á kɔ, Dɛnaa Lawa din na á si. Dɛnaa Lawa din tɔ nə n saa lon.»

Suusun 14:32

Min baraa a baraabaa nə n bɔyɛɛ a kirəə a din la. Sɛnɛ, ta gɛ̀ biikoo ne, min pepere foo n doa nɛ.

Ezekieli 37:11

Lawa tɔ́n pɛ ma nɛ: – Minbuiin a nɛ, gere wen kɛn lɛn, Izirayeli tɔrɔn lɛn tumaa a kaa-kun ni. Á ke, Izirayeli tɔrɔn lɛn man pii: «Wɔ wen nə́ laa, foo doa ǹ bǎã ba wɔ lon doo wa, wɔa wɔ ziziɛ̃.»

Lawa a wúlu-bɔlen 19:28

Ka baran wɔ̀lɔ̀ da ka dinin ganaa gere a lɛa wa. Ka baran nyaǹ dɔ kiɛ̃ ka dinin ganaa wa. Masɛ din nə Dɛnaa Lawa lɛa.

Lawa a wúlu-bɔlen 21:2

yǎa a din wɔ taãn: a yɛ ǹ dan nɛ, a yɛ ǹ di ni, a nɛlɔ nɛ, ǹ gologiĩ laanka ǹ diɛ̃giĩ ni.

Matiə 27:52

yalan nə́ n lɛ bũ. Lawa a minin mɛnɛn nə gã lɛlɛ, bɛ gigiã yii wusoo á kaa,

Zaã a sɛ́wɔ 11:24

Marti dɔ mà asɛ á doɛ̃ mà a yii á re kiɛ kanaa a nya pinaa.

Nya ǹ dín 13:36

Dí goã Davida gɔn a din a biikoo kɛ li, a bɛ́ á bɛ nya Lawa nɛ á nya, á gã, ǹ ná a gere bĩ kunun ǹ digolon ne, a gere bɔɔ̃.

Nya ǹ dín 7:60

Bɛ kio, á n musin kurumaa tán, á n lɛn gole bɔ á pɛ: «Dɛnaa, sii baraa kɛ toa ǹ nɛ.» A bɛ́ á bɛ da á nya, á gã.

Nya ǹ dín 8:2

Nyɛ́ɛbaa Lawa yii-n wolen nə́ Itian gere saa ǹ nə́ bĩ, ǹ ná a gɛ̀ wuu pɛ parsiini.

Rɔmu minin 1:13

Dɔɔ̃nɔn lɛn, masɛ n giɛ li ka dɔ̃, má a lɛn zɔɔ̃ gunyin damata, máa man die ka li, màn mɛn bɛ́ toɛ, mà maa dí bǎã kɔ́n yɛ ka bii, ka ma bɛ́ má yɛ tɔrɔ kɔsɔn bii lɔn. Sɛnɛ, ma tɔn boo la ka pelo yii-n wa.

Korɛnti1 10:1

Ma dɔɔ̃nɔn lɛn, wɔ digolon nə́ goã tɔ we kun ka Muizu ni. Sii mɛn nə n zɛnaa ǹ nɛ, ma ba li ka yii goã ti bɛ gɔ́ɔ̃-n wa. Labara goã kuə̃ ne ǹ tumaa la, ǹ nə́ yìsi mu gole dɔ kuru ka ǹ gòã-n kun.

Korɛnti1 12:1

Yiri Fu a bǐɛ̃baa ǹ mànan wɔ paǹ li, ma dɔɔ̃nɔn lɛn, ma ba li máa ka yii goã tì ǹ sii gɔ́ɔ̃-n wa.

Korɛnti1 15:6

Bɛ kio doo, á n din nyaa a kialandɛnaa biɛsooro (500) ne kun. Ǹ gigiã yii á tɔn koo, ǹ tɛnɛn nə́ gã.

Korɛnti2 1:8

Ma dɔɔ̃nɔn lɛn, taãn nɛ, man giɛ li, máa ma fuu mɛn yɛ Azii gána nɛ, máa ka bɛ dɔ̃. Fuu lɛ la ma yii ni, á kiɛ̃ ma pàã yii la, ka ma daa ma pɛ, máa man die giɛ̃.

Efɛɛzi minin 2:12

Ka dɔ̃ mà bɛa biikoo li, mà ka ǹ ká goã sɔsɔɔ kɔn ka Krita nɛ. Lawa zaman mɛn bɔ, ka goã kun ka bɛ-n wa, ka ǹ ká goã tiin lɛa. A lɛ kɔ a zaman la ka màn mɛn nɛ, á lɛ kɔ kɔn la wɔ la, kaa wɔ gii goã bɛ-n wa. Ka ǹ kanaa miɛ̃, ka yiri a doa-n màn kɔ́n ganaa wa, kaa Lawa banban.

Efɛɛzi minin 2:3

Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Tesaloniki1 4:14

Bɛ̀ wɔ́ waa la sɛn wáa Yezu gã a yii wusoo á kaa, wɔ waa la dɔn wáa min mɛnɛn nə golee Yezu li yǎa á woo kaa ǹ gɛ̀ lɛ, Lawa á die bɛn dɔn yii kiɛ a ǹ kaa kun ka Yezu ni.

Tesaloniki1 4:15

Wɔsɛn mɛnɛn yii bɛ́ re goɛ̃ koo yǎa Dɛnaa a daa pinaa, wɔ a die n gòã boe geren kɛn nyɛɛn wa. Ma á boe la ma pɛ ka nɛ, a kɔnpɛ ka Dɛnaa a boo ne:

Tesaloniki1 5:10

Bɛ lɛ na á gã wɔ taman yii, màn mɛn bɛ́ toɛ, bɛ̀ á daa, ta wɔ yii á koo, ta wɔ gã, wɔ goã kun ka a din ni.

Tesaloniki1 5:6

Bɛ lɛ nɛ, wɔ baran nyuù wɔ ka min gialakunun bɛ́ lɔn wa, sɛnɛ, wɔ n yii dɔraa wɔ yii goã kɔɔ̃nɛ.

Piɛrɛ2 3:4

ǹ pɛ: «Táa Dɛnaa lɛ pɛ mà á die! Á maa die dɔn kəni? A giala, wɔsɛn díin nə́ gã, sɛnɛ, màn kɔ́n tɔn nə n bɔyaa wa, màn tumaa na a tan, ká a bɛ́ á goã kanaa diɛ waáraa lɔn.»

Piɛrɛ2 3:8

Maa giaáran lɛn, sii goon sɛ kɔ́n tan, ka yiri doamaa bie a bɔ bɛ-n wa, á ke: Dɛnaa gɔn, lɛawaa goon nə ka lɛ̀ duu goon bɛ́ lɔn, lɛ̀ duu goon dɔ n ka lɛawaa goon bɛ́ lɔn.