Tesaloniki1 3:3 - LAWA A BOO SONBORE

³ màn mɛn bɛ́ toɛ, ka kɔ́n gɔ̀nɔn baran bìn da sisia a fuun kɛn gɔ́ɔ̃-n wa. A giala, ka á doɛ̃ mà bɛ lɛ na á n da wɔ dɔn mìi ni.

LAWA A BOO SONBORE 2011

³ màn mɛn bɛ́ toɛ, ka kɔ́n gɔ̀nɔn baran bìn da sisia a fuun kɛn gɔ́ɔ̃-n wa. A giala, ka á doɛ̃ mà bɛ lɛ na á n da wɔ dɔn mìi ni.

Tesaloniki1 3:3 ပူးပေါင်းရင်းမြစ်များ

Zɔbu 23:14

Bɛ lɛ nɛ, a sii mɛn yɔrɔ bɔ maa wɔ paǹ li, a n die bɛ zɛnɛɛ. A gigiã kɔsɔn dɔn dinin tan, a nə́ n yii diɛ ma la ka bɛn nɛ.

Loen 112:6

Màn kɔn ba re bìn diɛ bɛa dɛnaa ganaa wa. Yiri a boe ka min pepere-n duduu wa.

Luku 21:12

«Sɛnɛ, bɛa siin kɛn lɛn laan bɛ̀ maǹ nə́ n zɛnɛɛ, ǹ tá re ka kuĩ, ǹ fuu nyaa ka nɛ. Ǹ tá re ka we kiri-kurulin gɔn lɛsɔkɔn kionən ne, ǹ tá re ka kiɛ kòso-n. Ǹ tá re ka kuĩ, ǹ wo ka-n kiin laanka pàãdɛnan gialakunun yɔrɔ-a masɛ tɔ a lɛa.

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Nya ǹ dín 2:25

Sonbore, kii Davida goã á pɛ a wɔ gɔn la: «Ma yii na á goã Dɛnaa ganaa biikoo tumaa li ma yɔrɔ-a. A na á goã ma para li, màn mɛn bɛ́ toɛ, màn kɔ́n baran ma yiri lɔlɔkɔn wa.

Nya ǹ dín 21:11

A bɛ́ á daa wɔ yaa, á Pooli a maabɛlɛ si, a ná a din gòãn laanka a gɔnɔn yii ni, á pɛ: «Á ke, Yiri Fu n pii kɛnɛn. Maabɛlɛ kɛ bɛ́ min mɛn wɔ lɛa, Zuifun man die bɛa dɛnaa yii kɛnɛn Zeruzalɛmu, ǹ wɔ tɔrɔ kɔsɔn gɔn.»

Nya ǹ dín 21:13

Á tɔ́n wɔ lɛ si: «Wàa mɛn wuu-n ka á pii, ka n masɛ foo pipii? Ma yɔrɔ boemaa nɛ, ta gɛ̀ lɛ dɔ din ni masɛ á re we Zeruzalɛmu, Dɛnaa Yezu tɔ kɛ lɛ a lɛa, masɛ lɛ kɔ, sanparɛ ka kũ a yii ni.»

Nya ǹ dín 9:16

A bɛ́ re fuu mɛn yii masɛ tɔ kɛ a lɛa, masɛ dinmaa á re bɛn nyɛɛ nɛ.»

Rɔmu minin 5:3

Haalɛ ta wɔ n fuu yii, wɔ nə n nyɛnyɛɛ. A giala, wɔ á doɛ̃ wáa bɛ̀ wɔ á fuu yii, bɛ n wɔ darɛɛ sii simaa ganaa.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti1 4:9

A tá ma yiri ni, máa wɔsɛn mɛnɛn bɛ́ Yezu a dia dí-a wolen lɛa, Lawa na á bǎã tumaa a giala-nyɔmɔɔ kɔ wɔsɛn la. Wɔ n ka kiri bɛ́ á min mɛnɛn kũ, ǹ nə́ die ǹ dii zaman tumaa yɔrɔ-a. Á wɔ baa gayon wɔ ǹ mànan lɛa kanaa tumaa yɔrɔ-a, lon a dia dí-a wolen ne ka minbuiinin ni.

Efɛɛzi minin 3:13

Bɛ lɛ taman yii, man ka nyankoe, máa ma bɛ́ fuun mɛnɛn yii ka a lɛa, bɛn baran ka gù basã wa. Bɛn lɛn man tɔ koe ka la.

Filipi minin 1:28

Ka baran toa kaa zɔ́ɔn nə nyɛ́ɛ da ka ganaa ka sii kɔ́n nɛ wa. Bɛ á re sii biɛ, a n nyɛɛ ǹ nɛ, mà ǹ dininmaan wɔ na á ziziɛ̃, a n nyɛɛ mà kasɛn man kaa kirisibaa ǹ zii la, a giala, bɛ lɛ n boe Lawa li.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Tesaloniki1 5:9

A giala, Lawa bie á wɔ bɔ, mà asɛ n die a foo-busii diɛ wɔ mìi-n wa, a na á wɔ bɔ, mà wɔ kirisibaa yɛ ka wɔa Dɛnaa Yezu *Krita pàã nɛ.

Tesaloniki2 1:4

Bɛ lɛ na á toa, wɔ dɔn tá wɔ dinin laakalɛɛ kaa lɛa Lawa a sɔmɔ minin yɔrɔ-a, a giala, ká sii si ka ganaa ká goleemali wɔ, fuu laanka nɔmaa tumaa gɔ́ɔ̃ nɛ.

Timote2 1:8

Bɛ lɛ taman yii, n doa n siére pɛ Dɛnaa wɔ gɔn la, n baran sìi kɔ wa. Masɛ mɛn dɔ bɛ́ kòso nɛ lɛa a din lɛ taman yii, ma dɔ a sii baran sìi da n ganaa wa. Sɛnɛ, lɛ kɔ nɔmaa ganaa ka masɛ bɛ́ lɔn, Boo Tii Kɔɔ̃n kɛ a lɛa, Lawa á die a sii simaganaa ǹ pàã koe n la.

Piɛrɛ1 2:21

Lawa na á ka bíi bɛ lɛ a lɛa, a giala, *Krita lɛ dɔ na á fuu yɛ kaa lɛa, á bɛ nyaa ka nɛ sii zɛnaa ǹ gɔn lɛa, màn mɛn bɛ́ toɛ, ka kɔ a gòɛ̃ lɛ.

Sii-nyaan 2:10

Boɛɛnɛ, Sɛtaan lɛ á re n diɛ ka gɔ́ɔ̃ li. A n die kaa min tɛnɛn kuĩ a ǹ zũ kòso-n. Ka á re fuu yii lɛawaa fù gɔ́ɔ̃ nɛ. Bɛa fuu kɛ lɛ nyan nyɛ́ɛ da n ganaa wa. Goã bɔlɔgoondɛnaa lɛa haalɛ ta a n doe n gɛ̀ ganaa. Ma á re nyin nyabaã koe n la, ka a gɔ̀lɔ̀baa ǹ kii bafolo lɛa.

Sii-nyaan 2:13

Ma á doɛ̃, n bɛ́ giã-n bǎã mɛn nɛ, Sɛtaan dɔ a kii dankan nə doa-n walan. Sɛnɛ, n tá doa-n kɔn ka masɛ tɔ nɛ, n golee masɛ li daa wa, haalɛ ǹ bɛ́ ǹ nə́ maa siére bɔlɔgoondɛnaa Antipaasi dɛ á gã biikoo mɛn li ka li, Sɛtaan a giã ǹ bǎã kɛ lɛ nɛ.