Tesaloniki1 3:2 - LAWA A BOO SONBORE

² má ma dɔɔ̃n Timote dia ka li. A dɔ n Lawa a dí nyɛɛ ka masɛ bɛ́ lɔn, á n Boo Tii Kɔɔ̃n pii *Krita wɔ gɔn la. Man má dia ka li, máa a ka gù we yii, a ka foo taã kaa goleemali gɔ́ɔ̃ nɛ,

LAWA A BOO SONBORE 2011

² má ma dɔɔ̃n Timote dia ka li. A dɔ n Lawa a dí nyɛɛ ka masɛ bɛ́ lɔn, á n Boo Tii Kɔɔ̃n pii *Krita wɔ gɔn la. Man má dia ka li, máa a ka gù we yii, a ka foo taã kaa goleemali gɔ́ɔ̃ nɛ,

Tesaloniki1 3:2 ပူးပေါင်းရင်းမြစ်များ

Nya ǹ dín 16:1

Pooli dɔ Dɛrbə, bɛ kio á woo Listrə kiwi. Lawa-nyankɔle goon na á goã walan, a tɔ n Timote, ǹ dan nə Zuifu lɛa, a n golee-n Lawa li, n di na á goã Grɛki lɛa.

Nya ǹ dín 16:5

Màn na á goã miɛ Lawa a sɔmɔ minin lɛn golee Lawa li li woe nyɛɛnɛ, bɛ̀ min kɔsɔn dɔn tá miɛ ǹ dinin li baraabaraa.

Nya ǹ dín 18:5

Silaasi laanka Timote bɛ́ ǹ nə́ bɔ Masedoanɛ gána nɛ ǹ nə́ daa, Pooli boo la á n din kɔ Lawa a boo lɛ a pɛ ganaa taãn-taãnɛ. A n pii Zuifun lɛn manɛ, mà Lawa pɛ mà á re Nyin-sili mɛn diɛ, mà Yezu ni.

Rɔmu minin 16:21

Maa dí nya kun wole Timote á fòo diɛ ka nɛ, ka ma tɔrɔ minin dɔn nɛ: Lusiisu ni, Zaazɔn nɛ ka Sɔsipatrɔsi ni.

Korɛnti1 3:10

Lawa bǐɛ̃ mɛn baa masɛ la, man má kion lɛ gòã daa ka kion-dɔle taãn wɔ bɛ́ lɔn; kanna, min kɔsɔ dɔ n màn doe a lalan. Sɛnɛ, a n kɔnboe didie nə n yiri koa a wɔ a dɔ ǹ gɔn li.

Korɛnti1 4:17

Bɛ lɛ a lɛa nɛ, ma á Timote diɛ ka li. A n maa nɛ narɛɛ wole lɛa wɔa Dɛnaa wɔ gɔ́ɔ̃ nɛ, má foo n doa-n a ganaa. Ma dinmaa a giã ǹ gɔn bɛ́ lɔn, á re ka yiri diɛ bɛ nɛ, má ka daraa siin mɛnɛn ganaa, kaa tá kun ka Yezu Krita-n a lɛa, á re bɛn dɔn nyɛɛ ka nɛ. A din daraa ǹ gɔn goon ne, ma á pii bǎã tumaa nɛ Lawa a sɔmɔn gɔ́ɔ̃ nɛ.

Korɛnti2 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa foo sii ni. Ma laanka ma dɔɔ̃n Timote ne, wɔ n sɛ́wɔ kɛ diɛ Korɛntin Lawa a sɔmɔ minin la, ka Lawa a minin mɛnɛn tumaa bɛ́ Grɛki gána tumu ni.

Korɛnti2 1:19

A giala masɛ nɛ, ka Silaasi laanka Timote ne, wɔ Lawa a Nɛ Yezu Krita mɛn boo laakalaa kaa piɛ, a bie á goã pii mà «Hiĩ», a da yaa «Haayii» na a gɔ́ɔ̃-n wa. Ka bɛ-n dinin, a na á goã Lawa a «Hiĩ» lɛa.

Korɛnti2 2:12

Má dɔ Troasi kiwi kəni, má n die Krita a Boo Tii Kɔɔ̃n kɛ laakalɛɛ walan. Dɛnaa din zii bũ ma nɛ foaãnɛ.

Korɛnti2 2:13

Sɛnɛ, ma gɔ́ɔ̃ goã bii ni, a giala, ma wo ma dɔɔ̃n Tiiti yaa wa. Bɛ lɛ na á toa, má zii nyankɔ Troasi minin la, má kiɛ̃ má woo Masedoanɛ gána nɛ.

Korɛnti2 8:23

Tiiti wɔ paǹ li, ma din a tá kun wole n bɛ nɛ, a n dí nyɛɛ kun ka ma nɛ kaa lɛa. Wɔ dɔɔ̃n gialakunun mɛnɛn bɛ́ kun ni, bɛn man Lawa a sɔmɔ minin dia dí-a wolen lɛa. Maǹ sii zɛnɛɛ Krita guguru-kɔ a lɛa.

Filipi minin 1:25

Ma á waa-n la sɛn máa ma á re goɛ̃. Ma á doɛ̃ máa ma á re goɛ̃ kun ka tumaa nɛ, man dɔ ka lɛ, ka wo nyɛɛn ka foo kɔɔ̃n nɛ goleemali gɔ́ɔ̃ nɛ.

Kolɔɔsi minin 1:1

Masɛ Pooli, Lawa dùũ barka nɛ, man Yezu *Krita a dia dí-a wole lɛa. Ma laanka ma dɔɔ̃ngiĩ Timote n sɛ́wɔ kɛ diɛ

Kolɔɔsi minin 1:7

Ka dinin Epafrasi mɛn bɛ́ wɔa giaára lɛa, á n wɔ miã dí-nyali dɔ lɛa, bɛ na á ka daraa bɛ ganaa. A n bɔlɔgoondɛnaa lɛa a dí kɛ nɛ, á nyɛɛ Krita nɛ kaa lɛa.

Kolɔɔsi minin 4:12

Epafrasi mɛn bɛ́ á bɔ ka dinin li, bɛ dɔ á fòo diɛ ka nɛ. A n Yezu Krita a bɛ̀rɛ lɛa; biikoo tumaa li, a n yɔ boe kaa lɛa ka Lawa-nyankɔ nɛ, màn mɛn bɛ́ toɛ, ka goã doa nɛ, kaa sii yii lɛ n piɛ̃ nɛ, ka n golee-n Lawa dùũ li, ka n koe lɛ.

Kolɔɔsi minin 4:9

Onezimu mɛn bɛ́ ma dɔɔ̃n bɔlɔgoondɛnaa lɛa, a sii n kaka ma ganaa, bɛ ǹ diɛ zii. Ka dinin min ni ka bɛa Onezimu lɛ nɛ. Sii mɛn tumaa bɛ́ n zɛnɛɛ kànaa, ǹ tá re bɛ pii ka nɛ.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Tesaloniki1 3:5

Bɛ lɛ na á toa ke, ma bɛ́ má giã má fɔ̃, má Timote dia máa a da kaa golee Lawa li lɛ konpa bɔ. Nyɛ́ɛ na á goã ma ganaa, máa *Sɛtaan tɔn nə n da ka gɔ́ɔ̃ li, a ka bebele, wɔa nɔmaa kɛ tɔn kiɛ̃ a kooro baa.

Tesaloniki2 2:17

A din laanka wɔa Dɛnaa Yezu Krita die ǹ foo tãbaa kɔ ka la, ǹ pàã dɔ kɔ ka la ka sii sonbore zɛnaa, ka boo sonbore da biikoo tumaa li.