Tesaloniki1 3:11 - LAWA A BOO SONBORE

¹¹ Wɔ Di Lawa dinmaa laanka wɔa Dɛnaa Yezu die ǹ zii kɔ wɔ la, wɔ da bɔ ka li!

LAWA A BOO SONBORE 2011

¹¹ Wɔ Di Lawa dinmaa laanka wɔa Dɛnaa Yezu die ǹ zii kɔ wɔ la, wɔ da bɔ ka li!

Tesaloniki1 3:11 ပူးပေါင်းရင်းမြစ်များ

Izayii 63:16

A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Matiə 6:14

A giala, bɛ̀ ka tá kaa wɔmalon wolen zɛ̀rɛ toɛ ǹ nɛ, ka Di Lawa á die ka dɔn zɛ̀rɛ toɛ ka nɛ.

Matiə 6:18

màn mɛn bɛ́ toɛ, minin baran dɔ̃ mà n nə́ n lɛ sɔɔ wa. N Di Lawa mɛn bɛ́ bǎã durii ni, bɛ lɛ dinsɔɔ̃ n die doɛ̃. Asɛ mɛn bɛ́ sii-duriin doɛ̃, a din lɛ n die n sarɛɛ.

Matiə 6:26

Ka ga bàanan kɛn ganaa kiɛ̃ lon. Ǹ ba màn kɔ́n diɛ wa, ǹ ba màn kɔ́n kuri ǹ kaa dɔǹ nɛ wa, sɛnɛ, Díi Lawa nə ǹ toe! Ka a soɛ bàanan manɛ lenlen wa?

Matiə 6:32

Bɛ din tumaa, min kooron man giɛ li ka n yiin paanan nɛ. Sɛnɛ kasɛn Di Lawa tá doɛ̃ mà ka laadoo tá ǹ ganaa.

Matiə 6:4

Màn-gɔ n siĩni a goã durii ni. Ka Di Lawa mɛn bɛ́ sii-duriin doɛ̃, bɛ lɛ á die ka sarɛɛ.

Matiə 6:6

Bɛ̀ ka tá li ka Lawa nyankɔ, ka wɔ kaa kion, ka kiɛnlɛ tã ka dinin lɛ. Ka Di Lawa mɛn bɛ́ bɛa bǎã durii lɛ nɛ, ka bɛ lɛ nyankɔ walan, bɛ mɛn bɛ́ sii-duriin doɛ̃, a din lɛ n die ka sarɛɛ.

Marki 1:3

Lɛ-dɛ n boe diə ne: Ka Dɛnaa a zii zɛnaa, ka a ziin tele.»

Luku 12:30

Bɛa mànan kɛn lɛn, tɔrɔ kɔsɔn man giɛ ǹ li miɛ̃, sɛnɛ, kasɛn, kaa Díi Lawa tá ka laadoo siin doɛ̃.

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Rɔmu minin 1:3

Bɛa Boo Tii Kɔɔ̃n lɛ n boo diɛ a din a Nɛgiĩ Yezu Krita wɔ gɔn la. Wɔa Dɛnaa Yezu kɛ lɛ kii Davida tɔrɔ lɛa, gɔ̀nɔn siĩ wɔ gɔn la,

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Galaasi minin 1:4

Yezu Krita lɛ na á n din kɔ wɔa sii baraan lɛa, màn mɛn bɛ́ toɛ, a wɔ kirisibaa sisia a kanaa babaraa kɛ ganaa. Bɛ na á n zɛnaa, á kɔnpɛ wɔ Di Lawa din foo sii ni.

Kolɔɔsi minin 1:2

Lawa a minin kɛn la Kolɔɔsi kiwi, kasɛn mɛnɛn bɛ́ wɔ dɔɔ̃n bɔlɔgoondɛnan lɛa, Krita wɔ gɔ́ɔ̃ nɛ. Wɔa Díi Lawa die a bǐɛ̃ zɛnaa ka nɛ, a là nyantoro kɔ ka la.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Tesaloniki1 4:16

Bɛ̀ Lawa din zii kɔ ǹ mɛn pinaa, lon a dia dí-a wolen goledɛnaa lɛn tá re boe, Lawa a bɛn wuu á re boe, Dɛnaa dinmaa á re boe lon a daa. Min mɛnɛn nə gã bɛ̀ ǹ nə́ golee-n *Krita li, bɛn yii á re kiɛ bibinaanɛ.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Tesaloniki2 3:16

Dɛnaa mɛn din bɛ́ là nyantoro kɔle lɛa, a dinmaa die a là nyantoro kɔ ka la, biikoo tumaa li ka yɔrɔ din tumaa nɛ. Dɛnaa die a goã ka dinin tumaa li.

Tesaloniki2 3:5

Dɛnaa die a Lawa narɛ ǹ foo wɔ ka nɛ, a *Krita a sii simaa kɔ ka la.

Zaã1 3:1

Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.

Sii-nyaan 21:3

Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.