Tesaloniki1 2:19 - LAWA A BOO SONBORE

¹⁹ A giala, ka dinin lɛn man wɔ foo-doa-n màn lɛa, kaa sii n nyɛnyɛɛ diɛ wɔ ganaa, kaa sii n die toɛ wɔ n dinin laakalaa wɔa Dɛnaa Yezu yɔrɔ-a a daa biikoo li.

LAWA A BOO SONBORE 2011

¹⁹ A giala, ka dinin lɛn man wɔ foo-doa-n màn lɛa, kaa sii n nyɛnyɛɛ diɛ wɔ ganaa, kaa sii n die toɛ wɔ n dinin laakalaa wɔa Dɛnaa Yezu yɔrɔ-a a daa biikoo li.

Tesaloniki1 2:19 ပူးပေါင်းရင်းမြစ်များ

Suusun 12:4

Lɔ yiridɛnaa nə ǹ zuũ tɔ boe. Sɛnɛ lɔ mɛn bɛ́ sìi diɛ ǹ zuũ ganaa, bɛ n ka busu bɛ́ lɔn a wen sɔsoɛ̃.

Suusun 16:13

Min mɛn bɛ́ boo diɛ kii ni ka peperebaa nɛ, bɛ n kiɛ a foo la. Sonbore-pɛli n kɔɔ̃n a ganaa.

Suusun 17:6

Nɔ̀ɔnɔn man díigolen kii bafolo lɛa, nɛnyaanan manə ǹ díin tɔ boe.

Suusun 4:9

A n die goɛ̃ ka nyaǹ màn bɛ́ lɔn, ka kii bafolo siĩn bɛ́ lɔn.»

Izayii 62:3

Ma n die goɛ̃ ka kii bafolo bɛ́ lɔn Dɛnaa Lawa gɔn, ka kii mɔnaa gɔn siĩn-siĩn bɛ́ lɔn n Lawa gɔn.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Marki 8:38

Pelo minin mɛnɛn bɛ́ ǹ nə́ n piã ka Lawa nɛ, ǹ nə́ sii baraa zɛnɛɛ, bɛ̀ min mɛn sìi kɔ bɛn yɔrɔ-a a ná a masɛ boo da wa, a masɛ a boo kɛ lɛ dɔ pɛ wa, Min a Nɛgiĩ bɛ́ re boe lon ǹ mɛn pinaa a daa, kun ka lon a dia dí-a wole sonboren ne, ǹ Di a gugurubaa a siĩnbaa kɛ nɛ, a dɔ á die sìi koe a bɛa dɛnaa bíi mà asɛ a kialandɛnaa.»

Zaã a sɛ́wɔ 21:22

Yezu tɔ́n na a lɛ si: «Bɛ̀ masɛ tá li mà a goã a yii n koo yǎa masɛ wusii die, n wàa mɛn sii na a nɛ? Yǎa nsɛ kɔ ma kio lɛ!»

Korɛnti1 15:23

Sɛnɛ, didie wɔ nə n zɛnɛɛ a biikoo li. Bibinaa nɛ, Krita yii na á kaa. Bɛ kio, Krita a wusoo a daa biikoo li, min mɛnɛn bɛ́ a wɔn lɛa, bɛn yii á re kiɛ.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Korɛnti2 1:14

A giala sisia, ka ba a tumaa giala miɛ bɔrɔ wa. Sɛnɛ, Dɛnaa Yezu a wusoo a daa pinaa, ka á re n dinin kalɛɛ maa lɛa, ma dɔ á re n din kalɛɛ ka dɔn lɛa.

Filipi minin 2:16

ka yiikoonaabaa kɔ ǹ boo kɛ nyaa ǹ nɛ. Bɛ̀ ka á zɛnɛɛ miɛ̃, ma foo á re kɔɔ̃n koe ka ka nɛ, Krita a lɛawaa kɛ a pinaa; bɛ á re nyɛɛ, mà maa wen waa tumaa nɛ, ka maa dí nyɛɛ tumaa nɛ, mà ǹ goã kooro wa.

Filipi minin 4:1

A bɛ́ miɛ̃, ma dɔɔ̃n sonboren lɛn, ka n gòãn doa kaka, kaa tá kun ka Dɛnaa-n kɛ gɔ́ɔ̃ nɛ. Kasɛn mɛnɛn bɛ́ ma dɔɔ̃n narɛɛ wolen lɛa, ma tá li parsiini ma wusoo ma ka yɛ. Ka dinin lɛn man maa foo kɔɔ̃nbaa laanka maa din laakalaa ǹ màn lɛa.

Tesaloniki1 2:20

Hiĩ, ka dinin lɛn man toɛ wɔ á n mìi siɛ lon, wɔ nə́ n nyɛnyɛɛ ka dinin lɛn taman yii ni.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Tesaloniki1 4:15

Wɔsɛn mɛnɛn yii bɛ́ re goɛ̃ koo yǎa Dɛnaa a daa pinaa, wɔ a die n gòã boe geren kɛn nyɛɛn wa. Ma á boe la ma pɛ ka nɛ, a kɔnpɛ ka Dɛnaa a boo ne:

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Tesaloniki2 1:4

Bɛ lɛ na á toa, wɔ dɔn tá wɔ dinin laakalɛɛ kaa lɛa Lawa a sɔmɔ minin yɔrɔ-a, a giala, ká sii si ka ganaa ká goleemali wɔ, fuu laanka nɔmaa tumaa gɔ́ɔ̃ nɛ.

Tesaloniki2 1:7

Sɛnɛ, kasɛn mɛnɛn bɛ́ nɔmaa we sisia, á re susui koe ka la, kun ka wɔsɛn nɛ. Bɛ á re n zɛnɛɛ Dɛnaa Yezu a daa pinaa. Á re n din nyɛɛ kun ka a dia dí-a wole pàãdɛnan kɛn nɛ.

Tesaloniki2 2:1

Dɔɔ̃nɔn lɛn, wɔa Dɛnaa Yezu *Krita a daa boo laanka wɔa lɛsɔkɔn a li wɔ paǹ li, wɔ ǹ ka nyankoe,

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Zaaki 5:7

Bɛ lɛ taman yii, ma dɔɔ̃nɔn lɛn, ka si ka ganaa yǎa Dɛnaa a daa pinaa. Ka ga buu-kɔsɔli ganaa. A màn tɔrɔ mɛn da tán, a nə n yii diɛ bɛ la yǎa a miɛ sɔnbɔraanɛ. Bɛ gɔ́ɔ̃ nɛ, a n sii sii a ganaa, yǎa la bibinaa laanka a nyɔɔbaa nə kiɛ.

Zaaki 5:8

Ka dɔn nə si ka ganaa miɛ̃, ka n foo kũ, a giala, Dɛnaa a daa diri.

Piɛrɛ1 5:4

Bɛ̀ Ga Zaman Walan Wole gole lɛ din daa ǹ mɛn pinaa, á re gɔ̀lɔ̀baa ǹ kii bafolo koe ka la, kii bafolo mɛn a siĩnbaa bɛ́ a nyɛɛ duduu wa.

Piɛrɛ2 1:16

Sonbore, wɔ bie wɔ́ n gòãn koa minbuiinin yiridɛnaabaa ǹ lɛlɛ boon la, wɔ́ wɔa Dɛnaa Yezu Krita a wusoo a da ka pàã-n kɛ boo da ka-n wa. Wɔ n wɔ́ n gòãn koa wɔ dinin wɔa yɛ ka wɔ yii-n kɛ la. Wɔ́ yɛ ka wɔ yii ni a golebaa kɛ nɛ,

Piɛrɛ2 3:4

ǹ pɛ: «Táa Dɛnaa lɛ pɛ mà á die! Á maa die dɔn kəni? A giala, wɔsɛn díin nə́ gã, sɛnɛ, màn kɔ́n tɔn nə n bɔyaa wa, màn tumaa na a tan, ká a bɛ́ á goã kanaa diɛ waáraa lɔn.»

Zaã1 2:28

A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.

Zude 1:24

Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!

Sii-nyaan 22:12

Yezu n pii wɔ-n doo: «Á ke, ma á die kànaa ka boɛɛn nɛ! Man die ka kaa saraan nɛ ma gɔn, man die koe didie tumaa la a sii-zɛnaa yii li.