Tesaloniki1 2:14 - LAWA A BOO SONBORE

¹⁴ Sonbore, dɔɔ̃nɔn lɛn, Lawa a sɔmɔ minin mɛnɛn bɛ́ Zudee gána nɛ, golee-n Yezu Krita li, ka ǹ ká kɔ bɛn gòɛ̃ lɛ. Bɛn nə nɔmaa mɛn wɔ ǹ dinin tɔrɔ Zuifun gɔn, ka dɔn man ka bɛa nɔmaa lɛ miã wɔ ka dinin tɔrɔn gɔn;

LAWA A BOO SONBORE 2011

¹⁴ Sonbore, dɔɔ̃nɔn lɛn, Lawa a sɔmɔ minin mɛnɛn bɛ́ Zudee gána nɛ, golee-n Yezu Krita li, ka ǹ ká kɔ bɛn gòɛ̃ lɛ. Bɛn nə nɔmaa mɛn wɔ ǹ dinin tɔrɔ Zuifun gɔn, ka dɔn man ka bɛa nɔmaa lɛ miã wɔ ka dinin tɔrɔn gɔn;

Tesaloniki1 2:14 ပူးပေါင်းရင်းမြစ်များ

Nya ǹ dín 11:19

Fuu gole mɛn da Itian a gɛ̀ waáraa, á Lawa-nyankɔlen sasawaa. Bɛa minin kɛn lɛn tɛn nə́ woo yǎa Fenisii gána nɛ, ǹ nə́ wɔ Siipri gána laanka Antiɔsi kiwi. Ǹ Lawa a boo pɛ min kɔsɔ kɔ́n nɛ duduu wa, yǎa Zuifun.

Nya ǹ dín 13:50

Sɛnɛ, lɔ yii guguru-an mɛnɛn bɛ́ nyɛ́ɛ biɛ Lawa nɛ, Zuifun nə́ bɛn sɔsɔmɔ, ka kiwi a min yii guguru-an nɛ, ǹ nə́ ǹ kaa a ganaa mà ǹ yoo Pooli laanka Barnabaasi gialaa. Ǹ nə́ ǹ loo ǹ nə́ ǹ bɔ ǹ gána nɛ.

Nya ǹ dín 14:19

Sɛnɛ, Zuifun kɔnɔn nə́ bɔ Antiɔsi kiwi Pisidii gána nɛ ka Ikoniɔmu kiwi ni, ǹ nə́ zaman lɛ baã, ǹ nə́ kaa kunun ǹ dinin ni. Ǹ nə́ Pooli dɛ ka kɔlɔ nɛ mà a gã, bɛ kio, ǹ nə́ giɛraa ǹ nə́ woo daa kiwi lɛ lɛkoro-a, a giala maǹ nə́ goã taasɛ mà á gã.

Nya ǹ dín 14:2

Sɛnɛ, Zuifu kɔsɔn mɛnɛn bɛ́ ǹ lɛ kɔ boo lɛ a sonborebaa ganaa wa, bɛn nə́ tɔrɔ kɔsɔn lɛn gòãn sɔsɔmɔ, ǹ nə́ ǹ kaa Lawa-nyankɔlen lɛn ganaa.

Nya ǹ dín 14:4

Kiwi lɛ a minin nə́ n talakɔn: Ǹ tɛnɛn man kun ka Zuifun ni, gialakunun man kun ka dia dí-a wolen kɛn nɛ.

Nya ǹ dín 14:5

Zuifun laanka tɔrɔ kɔsɔn nɛ, ka kiwi lɛ a nyɛɛnaandɛnan nɛ, bɛn nə́ ga li mà ǹ yoo dia dí-a wolen lɛn gialaa, ǹ nə ǹ dɛ ka kɔlɔ nɛ.

Nya ǹ dín 17:13

Sɛnɛ, Tesaloniki a Zuifun lɛn dinin nə ma lɔn gɔrɔ, mà Pooli tá Lawa a boo pii Beere dɔ nɛ, ǹ nə́ daa walan dɔ nɛ, ǹ nə́ zaman lɛ sɔsɔmɔ ǹ nə́ ǹ lɔlɔkɔn.

Nya ǹ dín 18:12

Galiɔn bɛ́ Grɛki gána mìi la ǹ mɛn waáraa, Zuifun nə́ kaa kun ǹ nə́ yoo Pooli gialaa. Ǹ nə́ kũ ǹ nə́ woo ne kiri wɔ ǹ bǎã nɛ.

Nya ǹ dín 8:1

Itian dɛ a gã kɛ lɛ kɔɔ̃n kɔ Sooli dɔ ganaa. A din pinaa kɛ lɛ nɛ, fuu gole yoo Lawa a sɔmɔ gialaa Zeruzalɛmu kiwi. Bɛ̀ á n bɔ dia dí-a wolen kɛn nɛ, Lawa-nyankɔlen lɛn tumaa sasawaa, ǹ nə́ woo Zudee gána bǎã gialakunun ni ka Samarii gána nɛ.

Nya ǹ dín 8:3

Sooli sɛ, asɛ na á goã n doɛ, mà asɛ Lawa a sɔmɔ kɛ nya. A na á goã we kionən ne, a giĩn laanka lɔn baã a soo ǹ ne, bɛ̀ a wo ǹ zũ kòso-n.

Nya ǹ dín 9:1

Bɛa biikoo kɛ lɛ din tumaa li, Sooli sɛ na á goã taasiɛ goon we: A fuu nyaa Dɛnaa a kialandɛnan lɛn manɛ, a ǹ dɛ ǹ gã. Á woo wúlu-bɔlen kiã li,

Nya ǹ dín 9:13

Ananiasi pɛ: «Dɛnaa, masɛ min gigiã lɛ ma boo diɛ giĩ kɛ lɛ wɔ gɔn la, ka a bɛ́ á sii baraan mɛnɛn zɛnaa Dɛnaa din a minin kɛn manɛ Zeruzalɛmu.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Korɛnti1 10:32

Ka giã doɛ̃, ta Zuifun manɛ, ta Grɛkin manɛ, ta Lawa a sɔmɔn manɛ, ka nyan kɔ́n da kanaa ǹ minin baa wa.

Korɛnti1 7:17

Bɛ din tumaa kio, Dɛnaa din na á didie koa gɔn kɔ́n la. A bɛ́ á n bíi ǹ mɛn pinaa, á daa n yaa gɔn mɛn lɛ la ke, n dɔ giã bɛ lɛ la. Man Lawa a sɔmɔ din tumaa darɛɛ bɛ lɛ ganaa.

Galaasi minin 1:22

Bɛa biikoo kɛ lɛ li, Krita a sɔmɔ min kɔ́n ba maa sii yɔrɔ doɛ̃ Zudee gána-n wa.

Tesaloniki1 1:1

Masɛ Pooli ni, ka Silaasi laanka Timote ne, wɔ n sɛ́wɔ kɛ diɛ Tesaloniki a Lawa a sɔmɔ minin la. Kasɛn mɛnɛn bɛ́ Díi Lawa laanka Dɛnaa Yezu *Krita wɔn lɛa, Lawa die a bǐɛ̃ zɛnaa ka nɛ, a là nyantoro kɔ ka la.

Tesaloniki1 1:6

Ka dɔn nə wɔsɛn gòɛ̃ saa, ka Dɛnaa dɔ gòɛ̃ saa. A laan ká goã nɔmaa gole kɛ bii, ká lɛ kɔ Lawa a boo lɛ ganaa miɛ̃ ka foo kɔɔ̃nbaa nɛ, Yiri Fu bɛ́ foo kɔɔ̃nbaa mɛn koe.

Tesaloniki1 3:4

Wɔ bɛ́ ka li biikoo mɛn li, wɔ́ dɔ a ganaa wɔ́ pɛ ka nɛ, wáa yǎa wɔ fuu yii. A din lɛ n ke á n zɛnaa, ka á doɛ̃.

Tesaloniki2 1:1

Masɛ Pooli ni, Silaasi ni, ka Timote ne, wɔ n sɛ́wɔ kɛ diɛ Tesaloniki a Lawa a sɔmɔ minin la, kasɛn mɛnɛn bɛ́ wɔ Di Lawa laanka Dɛnaa Yezu *Krita wɔn lɛa.

Tesaloniki2 1:4

Bɛ lɛ na á toa, wɔ dɔn tá wɔ dinin laakalɛɛ kaa lɛa Lawa a sɔmɔ minin yɔrɔ-a, a giala, ká sii si ka ganaa ká goleemali wɔ, fuu laanka nɔmaa tumaa gɔ́ɔ̃ nɛ.