Tesaloniki1 2:11 - LAWA A BOO SONBORE

¹¹ Ka á doɛ̃ dɔn, wɔ ǹ wɔ́ ka dinin gogoonmaa kũ, ka díi bɛ́ a nɛnyaanan kuĩ lɔn.

LAWA A BOO SONBORE 2011

¹¹ Ka á doɛ̃ dɔn, wɔ ǹ wɔ́ ka dinin gogoonmaa kũ, ka díi bɛ́ a nɛnyaanan kuĩ lɔn.

Tesaloniki1 2:11 ပူးပေါင်းရင်းမြစ်များ

Loen 34:11

Yàra tenən dinin laadoo siin tan, bòo tá ǹ kuĩ. Sɛnɛ, min mɛnɛn bɛ́ giɛ Dɛnaa Lawa li, màn kɔn ba re nyaabiɛ bɛn ganaa wa.

Suusun 1:10

Maa nɛ, bɛ n miã baraan tá zoɛ̃ li ǹ nə n da sii baraa nɛ, n piã.

Suusun 1:15

Maa nɛ, n nyan wo kunun ǹ ni wa. N wɔlɔ lui ǹ zii ganaa.

Suusun 2:1

Maa nɛ, ma bɔlɔ si, n maa dí-pɛn tamaa.

Suusun 3:1

Maa nɛ, n yiri nyan bɔ ka maa daraan lɛn nɛ wa. Maa dí-pɛn lɛn tamaa n foo ne.

Suusun 6:1

Maa nɛ, n nə́ n mìi wɔ min a giɔ̀mɔ saa boo-n ya?

Suusun 7:1

Maa nɛ, n yiri koa maa boon kɛn li, n maa doroon kɛn tamaa parsiini.

Suusun 7:24

Kanna kəni, maa nɛ, ma bɛ́ boon mɛnɛn pii n ni, n too kɔ ma lon,

Minin nimi 27:19

N die n wo ne Lawa a wúlu-bɔle Eleyazaara laanka zaman lɛ tumaa yɔrɔ-a, n na a dí wɔ a gɔn ǹ yii ni.

Luku 16:28

Mà asɛ dɔɔ̃n sooro tan. Mà a wo n gɔn waa ǹ nɛ, màn mɛn bɛ́ toɛ, ǹ dɔn baran da fuu yɛ ǹ bǎã kɛ-n wa.

Nya ǹ dín 20:2

Á bɔ bɛa bǎãn kɛn lɛn nɛ, á dɔɔ̃nɔn lɛn foo taã ka Lawa a boo gigiã nɛ. Bɛ kio, á woo dɔ Grɛki gána nɛ,

Efɛɛzi minin 4:17

Ma bɛ́ màn mɛn pii ka nɛ ma á laɛ, ka Dɛnaa tɔ nɛ, bɛ á ke: Ka nyan ka dinin baa ka min kooron bɛ́ lɔn wa. Bɛn man koe ǹ dinin taasiɛ kooron lɛ,

Timəə dí-pɛn 3:28

N gɔn waa Zozoe ne n na a gù we yii, n na a foo taã. A giala, n yii bɛ́ gána mɛn ganaa, Zozoe lɛ din nə die Zurdɛ̃ tà kuri ka zaman kɛ nɛ, a wo bɛa gána lɛ kɔ ǹ la.»

Timəə dí-pɛn 31:14

Bɛ kio, Dɛnaa Lawa tɔ́n pɛ Muizu ni: «N gɛ̀ lɛawaa diri. Lɛ dia Zozoe la, ka da kun, kɔn yɛ ka Lawa nɛ ǹ kion kɛ nɛ, man gɔn waa nɛ.» Muizu laanka Zozoe woo kɔn yɛ ǹ kion lɛ nɛ.

Tesaloniki1 2:7

Wɔ bɛ́ *Krita a dia dí-a wolen lɛa, wɔ á boe la wɔ sii kɔ́n da ka mìi ni yǎa ka zɛnɛɛ wɔ nɛ. Sɛnɛ, wɔ n wɔ́ goã ka bii basiɛ̃nɛ a tɔ-a, ka nɛ ǹ dan bɛ́ a nɛnyaanan tamaɛ lɔn.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Tesaloniki1 5:11

Bɛ lɛ taman yii, ka kɔn foo doa, ka kɔn gù we yii, ka ka bɛ́ zɛnɛɛ lɔn gɔrɔ.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Tesaloniki2 2:5

Ka yiri ba a nɛ, mà má bɛ pɛ ka nɛ bɛ̀ ma bɛ́ tɔn ka li wa?

Tesaloniki2 3:12

Wɔ ǹ pii bɛa dɛnan lɛn manɛ, wɔ á laɛ ǹ ganaa ka wɔa Dɛnaa Yezu Krita tɔ nɛ, wáa ǹ bɛ lɛ da, ǹ di nya baraabaraa, ǹ nə ǹ dininmaan sɛ̀fuu màn bii.

Timote1 5:21

Man boo kɛ pii n ni, ma á laɛ n ganaa, Lawa laanka Yezu Krita yɔrɔ-a, ka Lawa a lon a dia dí-a wole sonboren ne, máa n kɔ bɛa doroon kɛn lɛn lɛ. N baran ǹ kɔn soɛ kɔ ǹ miã-n wa, n baran minin bɔkɔnlɛ dɔ wɔ sii kɔ́n gɔ́ɔ̃-n wa.

Timote1 5:7

N doamaa nɛ n bɛ lɛ pɛ ǹ nɛ n laa, màn mɛn bɛ́ toɛ, min baran zɛ̀rɛ sii yɛ ǹ ganaa wa.

Timote1 6:13

Man boo kɛ pii, ma á laɛ n ganaa Lawa yɔrɔ-a, asɛ mɛn bɛ́ yiikoonaabaa koe màn din tumaa la. Man laɛ n ganaa Yezu Krita dɔ yɔrɔ-a, bɛ mɛn bɛ́ á golee Lawa li ǹ siére sonbore pɛ Pɔnsi Pilati yɔrɔ-a.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Timote1 6:2

Bɛ̀rɛn mɛnɛn goledɛnan bɛ́ Lawa-nyankɔlen lɛa, bɛn baran pɛ mà ǹsɛn man kɔn dɔɔ̃nɔn lɛa ka ǹ nɛ, ǹ nə ǹ yii puusə kɔ bɛ taman yii wa. Sɛnɛ, ǹ doamaa nɛ ǹ nə n doa doo, ǹ dí nya ǹ nɛ sɔnbɔraanɛ. A giala, ǹ bɛ́ dɔɔ̃n Lawa-nyankɔlen mɛnɛn lɛn narɛ, bɛn lɛn manə ǹ dí lɛ a là yii. N doamaa bɛ́ n minin daraa, n nə n gɔn waa ǹ nɛ ka sii mɛn nɛ, a din ni ka kɛ nɛ.

Tiitii 2:15

N doamaa nɛ n minin daraa bɛa yɔrɔ kɛ lɛ la. N nə ǹ foo taã, n zɛ̀rɛdɛnan zɛ̀rɛ baa. Bɛ zɛnaa ka n parsii din tumaa nɛ. Min kɔ́n dɔ nyan sàn kɔ n nɛ wa.

Tiitii 2:6

A din goon ne, nɛ tenən dɔn foo taã, ǹ goã mìiwedɛnan lɛa.

Tiitii 2:9

Bɛ̀rɛn dɔn doamaa nɛ, ǹ nə ǹ mìinaan lɛ si sii din tumaa gɔ́ɔ̃ nɛ. Ǹ toa ǹ sii kɔɔ̃n kɔ ǹ ganaa bɛ̀ ǹ nə́ ǹ ba ǹ lɛn boboe wa.

Ebrəə 13:22

Dɔɔ̃nɔn lɛn, man ka nyankoe, ka doroo ǹ boon kɛn si ka ganaa. Kɛ din nə boo nɛ paa kooro lɛa ma á diɛ ka la.

Zaã3 1:4

Bɛ̀ ma á miɛ, mà maa nɛnyaanan tá sonbore gɔ́ɔ̃ nɛ, màn kɔ́n ba kɔɔ̃n ma ganaa á dɔ bɛ li wa.