Tesaloniki1 1:9 - LAWA A BOO SONBORE

⁹ A giala, ká wɔ kũ lɔn bɛ̀ wɔ bɛ́ wɔ́ daa kaa piɛ, min tumaa na a laakalɛɛ. Ká dìn toa walan lɔn ká Lawa taãn kɛ guguru kɔ, Lawa yiikoonaa ke, ǹ tá bɛ dɔ pii.

LAWA A BOO SONBORE 2011

⁹ A giala, ká wɔ kũ lɔn bɛ̀ wɔ bɛ́ wɔ́ daa kaa piɛ, min tumaa na a laakalɛɛ. Ká dìn toa walan lɔn ká Lawa taãn kɛ guguru kɔ, Lawa yiikoonaa ke, ǹ tá bɛ dɔ pii.

Tesaloniki1 1:9 ပူးပေါင်းရင်းမြစ်များ

Loen 42:2

Ee Lawa, mu boro bɛ́ yuùn kuĩ lɔn, n dɔ sii n masɛ kuĩ miɛ̃.

Loen 84:2

Dɛnaa Lawa Pàãyiidɛnaa, n kion lɛ a sii á kɔɔ̃n ma-a, á la yii ni.

Izayii 37:17

Dɛnaa Lawa, n para kanaa n nə n too kɔ taãn-taãnɛ! Dɛnaa Lawa, n yii bũ n ga gongon! Senankeribu a dia dí-a wolen nə sɔ mɛn kɔ n ganaa, Lawa Yiikoonaa, n too kɔ bɛ li.

Izayii 37:4

Asiiriin kii na á sɔraasin goledɛnaa dia die sɔ koe Lawa yiikoonaa ganaa. Toa bɛ̀ Dɛnaa Lawa too n sɔ kɔ kɛ miɛ, a dɔlɔ bɔ a ganaa a da ǹ boon kɛn lɛa! Nsɛ Izayii, Dɛnaa Lawa, n Lawa nyankɔ n zaman kɛa lɛa, ǹ mɛnɛn lɛn yii goã koo.»

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Matiə 16:16

Simɔn mɛn tɔ bɛ́ Piɛrɛ, bɛ tɔ́n nə n toa: «Ma n Minin Nyin-sili lɛa, Lawa bɛ́ a pɛ mà asɛ á re ǹ mɛn lɛ diɛ, ma n Lawa yiikoonaa a Nɛ lɛa.»

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Rɔmu minin 9:26

A n pɛ ǹ nɛ bǎã mɛn din ni ke lɛn mà "ka ba masɛ tɔrɔ lɛa wa", maǹ die ǹ bíi doo bɛa bǎã kɛ lɛ nɛ, "Lawa, nyin nyabaã kɔle a nɛnyaanan".»

Korɛnti1 12:2

Ka á doɛ̃ mà ka bɛ́ ká goã min kooron lɛa, ka n ká goã baa sii ka mìi gialaa dì lɛ tere-an ganaa.

Timəə dí-pɛn 5:26

Min bin Lawa Yiikoonaa kɛ lɛ ma boo diɛ tɛ bii ka wɔsɛn bɛ́ lɔn, a yii wusoo á goã koo?

Tesaloniki1 2:1

Ka dininmaan tá doɛ̃ taãn-taãnɛ, dɔɔ̃nɔn lɛn, mà wɔa da ka li kooro baa wa.

Tesaloniki1 2:13

Wɔ dɔn barka da Lawa-n baraabaraa mìi n ke doo. Wɔ bɛ́ wɔ́ Lawa a boo mɛn pɛ ka nɛ, ka n ká n too kɔ a ganaa, ká si, ka bie ká si minbuiinin boo lɛa wa, sɛnɛ, ka n ká si Lawa a boo lɛa. A n bɛ lɛ lɛa taãn-taãnɛ, a din lɛ n dí nyɛɛ kasɛn golee Lawa li wolen lɛn foo ne.

Timote1 4:10

Bɛ̀ n yaa wɔ á dí nyɛɛ, wɔ á yɔ kaka boe, wɔ foo bɛ́ doa-n Lawa yiikoonaa mɛn ganaa, bɛa lɛa nɛ, asɛ mɛn bɛ́ giɛ li a min tumaa kirisibaa, sanparɛ min mɛnɛn foo bɛ́ doa nɛ a ganaa.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Zozoe 3:10

Zozoe wusoo á pɛ ǹ nɛ: «Ka á re doɛ̃ kɛ li, mà Lawa Yiikoonaa lɛ tá ka bii. A din dɔ n die Kanaan minin laanka Ɛti tɔrɔn kɛn lui sonbore a ǹ bɔ ka nyɛɛnɛ, ka Evii tɔrɔn laanka Perɛzi tɔrɔn nɛ, ka Girgazi minin ni ka Amɔɔrɔ tɔrɔn laanka Zebuzu minin ni.

Zaã1 5:21

Maa nɛnyaanan lɛn, ka n dinin kũ dì mànan ganaa.

Sii-nyaan 17:2

Kanaa a kiin tumaa nə́ n dinin kɔ a din kũ doɛ̃baã siin kɛn la, tán minbuiin tumaa lɛ kɔ á ǹ bebere ka a din kũ doɛ̃baã siin kɛn nɛ, ǹ nə́ ziziɛ̃.»

Samayeli1 17:26

Min mɛnɛn nə goã Davida genli, á nɔ̀n da ǹ la. «Min mɛn bɛ́ re Filisiti min kɛ dii, a sìi saa a bɔ Izirayeli minin la, maǹ die wàa zɛnɛɛ bɛa dɛnaa nɛ? Asɛ n die lɛa, bɛa Filisiti min *soroma kɛ lɛ, a tɔn yoo a sɔ kɔ Lawa yiikoonaa a sɔraasin ganaa?»

Samayeli1 17:36

Ma bin yàra dɛ, ká don màn babaraa kɔn nɛ. Kɛa Filisiti min soroma lɛ dɔ n die n biɛ ka bɛn goon bɛ́ lɔn, a giala, a na á sɔ kɔ Lawa Yiikoonaa a sɔraasin ganaa.»