Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tesaloniki1 1:6 - LAWA A BOO SONBORE

6 Ka dɔn nə wɔsɛn gòɛ̃ saa, ka Dɛnaa dɔ gòɛ̃ saa. A laan ká goã nɔmaa gole kɛ bii, ká lɛ kɔ Lawa a boo lɛ ganaa miɛ̃ ka foo kɔɔ̃nbaa nɛ, Yiri Fu bɛ́ foo kɔɔ̃nbaa mɛn koe.

အခန်းကိုကြည့်ပါ။ ကော်ပီ

LAWA A BOO SONBORE 2011

6 Ka dɔn nə wɔsɛn gòɛ̃ saa, ka Dɛnaa dɔ gòɛ̃ saa. A laan ká goã nɔmaa gole kɛ bii, ká lɛ kɔ Lawa a boo lɛ ganaa miɛ̃ ka foo kɔɔ̃nbaa nɛ, Yiri Fu bɛ́ foo kɔɔ̃nbaa mɛn koe.

အခန်းကိုကြည့်ပါ။ ကော်ပီ




Tesaloniki1 1:6
33 ပူးပေါင်းရင်းမြစ်များ  

Ma á re a *rezɛ̃ dan laanka a gɔ́rɔ dan kɛn ziziɛ̃. A na á goã pii, mà bɛ lɛ na asɛ a saraa lɛa, asɛ a tɔntɔraan lɛn nə́ kɔ asɛ la. Sɛnɛ masɛ Dɛnaa Lawa á re ǹ bɔyɛɛ ma ǹ baa nyan tewonən lɛa.


Bɛ kio, Yezu pɛ a kialandɛnan manɛ: «Bɛ̀ min mɛn tá li a kɔ masɛ kio lɛ, yǎa bɛa dɛnaa nə n yiri boe a din ganaa, a nɔmaa sii a ganaa, a kɔ masɛ lɛ.


Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»


Lawa-nyankɔlen kɛn sɛn nə́ goã ǹ foo n kɔɔ̃nɛ, Lawa a Yiri Fu nə́ ǹ la.


Dia dí-a wolen lɛn nə́ n bɔ kiri-wɔlen lɛn li ǹ nə́ woo. Ǹ foo goã kɔɔ̃n parsiini, a giala, Lawa ga ǹ ganaa, mà ǹ doamaa nɛ, ǹ fuu yɛ Yezu tɔ kɛ a lɛa.


Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.


Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.


Ka ma lɛn zɔɔ̃, ka ma dinmaa bɛ́ *Krita lɛn zoɛ̃ lɔn.


Man ka tɔ bǐɛ̃ pii, a giala, mà ka á n yiri koɛ masɛ li sii din tumaa gɔ́ɔ̃ nɛ. Ma ka daraa siin mɛnɛn dɔn ganaa, ka ǹ koe bɛn tumaa lɛ.


Bɛ lɛ nɛ, ma á ka nyankoe, máa ka ma din lɛn zɔɔ̃.


Maǹ ma foo ziziɛ̃, sɛnɛ ma foo dɔ n kɔɔ̃n baraanɛ. Man doobaa lɛa ǹ yii li, sɛnɛ, man min gigiã dɔ biɛ pàãma lɛa. Man gɔn kooro-a lɛa ǹ yii li, sɛnɛ, màn tumaa dɔ n ma gɔn.


Ma yiri bɛ́ a goã màn mɛn ganaa wa, bɛ nə́ n zɛnaa. Ǹ nə́ n dinin kɔ Dɛnaa la bɔrɔ, bɛ kio, ǹ nə́ n dinin kɔ masɛ dɔ la, ka Lawa foo sii barka nɛ.


Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,


Ka bɛ́ n Lawa a nɛnyaanan lɛa a n ka narɛ, ka n doa ka a din lɛn zɔɔ̃.


Ma dɔɔ̃nɔn lɛn, ka tumaa toa ka ma lɛn zɔɔ̃. Má sii zɛnaa ǹ gɔn nyaa ka nɛ; a bɛ́ miɛ̃, min mɛnɛn bɛ́ koe bɛa sii zɛnaa ǹ gɔn kɛ lɛ lɛ, ka bɛn gòɛ̃ saa.


Bɛ lɛ na á toa, wɔ dɔn tá wɔ dinin laakalɛɛ kaa lɛa Lawa a sɔmɔ minin yɔrɔ-a, a giala, ká sii si ka ganaa ká goleemali wɔ, fuu laanka nɔmaa tumaa gɔ́ɔ̃ nɛ.


Kasɛn doamaa bɛ́ ka wɔ gòɛ̃ saa lɔn, ka dinin tá bɛ doɛ̃ parsiini; wɔ bie wɔ́ giã ka bii, wo sii yɔrɔlibaã wolen lɛa wa.


A bie ka wɔ doamaa bie ka kaa dɔmalɛ-n wa, sɛnɛ, wɔ ǹ wɔ́ kɛ zɛnaa, wɔ n giɛ li wáa ka dɔn nə zɛnaa miɛ̃.


Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.


Sonbore, ká kaa wɔ gii yɛ kòso nɛn fuu ni. Ǹ nə́ ka gɔn mànan si ka la, ká lɛ kɔ bɛa mànan kɛn lɛn woo ganaa ka nyɛnyɛɛ nɛ, a giala, ká dɔ̃ mà naforo sonbore nyabaã wolen tá ka lon.


Bɛ lɛ tɔ ganaa, ka n nyɛnyɛɛ, haalɛ ta á daa yaa ka á fuu tɔrɔ tumaa yii biikoo boɛɛn kooro gɔ́ɔ̃ nɛ kanna.


A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,


Die n die boe la a baraa zɛnaa ka nɛ, bɛ̀ á daa yaa ka gù n kaa-n bǐɛ̃ zɛnaa li?


Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ