Suusun 9:8 - LAWA A BOO SONBORE

⁸ N nyan doroo kɔ yaa wɔ minin ganaa wole la wa. Bɛ bie wa, a nə n biɛ zɔ́ɔ. Sɛnɛ, bɛ̀ n doroo kɔ sii-dɔ̃li la, ma n kɔɔ̃n koe a ganaa.

LAWA A BOO SONBORE 2011

⁸ N nyan doroo kɔ yaa wɔ minin ganaa wole la wa. Bɛ bie wa, a nə n biɛ zɔ́ɔ. Sɛnɛ, bɛ̀ n doroo kɔ sii-dɔ̃li la, ma n kɔɔ̃n koe a ganaa.

Suusun 9:8 ပူးပေါင်းရင်းမြစ်များ

Kiin1 1:23

Ǹ nə́ pɛ kii lɛ nɛ: «Á ke, Lawa a boo gii-dali Natan daa!» Natan daa kii lɛ nyɛɛnɛ, á n zumaa á kaa tán a yɔrɔ-a,

Kiin1 1:32

Kii Davida lɛ tɔ́n pɛ: «Ka Lawa a wúlu-bɔle Sadɔki bíi, ka Lawa a boo gii-dali Natan lɛ laanka Zozadaa a nɛgiĩ Benaazaa lɛ nɛ, ka ǹ kɔ ma la!» Ǹ nə́ daa kii lɛ yɔrɔ-a.

Kiin1 22:8

Izirayeli gána a kii lɛ pɛ Zozafati nɛ: Giĩ goon tá tɔn a tan, min nə́ boe la a n doa a ganaa a nɔ̀n da Dɛnaa Lawa la. Sɛnɛ bɛa giĩ lɛ sii ba masɛ ganaa wa, a giala, a ba Lawa a boo gii-dalibaa ǹ boo kɔɔ̃n pii masɛ wɔ paǹ li wa, yǎa a baraa dinsɔsɔɔ̃. Yimulaa a nɛgiĩ Misee ne. Zozafati nə́ n toa mà kii lɛ baran pɛ miɛ̃ wa.

Loen 141:5

Min pepere á boe la a ma dɛ, a ma doroo ka giaárabaa nɛ. Sɛnɛ, min baraan kɛn giaárabaa ǹ siin kɛn, ma ba bɛn li wa. Man Lawa nyankoe dinin, máa Lawa ma kanbaa ǹ baraabaa kɛ ganaa.

Suusun 1:5

Sii-dɔ̃lin nə n too kɔ, ǹ tá re màn diɛ ǹ doɛ̃ li. Yiridɛnaan nə n too kɔ, ǹ tá re doroo sonbore yii.

Suusun 10:8

Min mɛn bɛ́ taasiɛ we, bɛ n doroo sii. Sɛnɛ, min mɛn bɛ́ boo kooron diɛ bɛ n bɔ̀n diɛ a din-a.

Suusun 13:1

Nɛnyaan yiridɛnaa nə ǹ di a gɔn waa ma-n sii. Sɛnɛ, nɛnyaan mɛn laadoo bɛ́ a bie ka sii kɔn nɛ wa, bɛa n too koe doroo li wa.

Suusun 13:18

Min mɛnɛn bɛ́ n piɛ̃ ka doroo ne, doobaabaa laanka sìi n bɛn wɔ lɛa. Sɛnɛ, min mɛnɛn bɛ lɛ koe doroon ganaa, yii gugurubaa n bɛn wɔ lɛa.

Suusun 15:12

Din koa wole a lɛ koe gɔn waa ma-n ganaa wa. A ba n mɔrɛ sii-dɔ̃li ganaa wa.

Suusun 19:25

Bɛ̀ n yaa wɔ minin ganaa wole dɛ, bɛ á re doroo koe baãnaa la. Boo da yiridɛnaa nɛ, n bɛ́ li n daraa sii mɛn ganaa, á re bɛ giala miɛ.

Suusun 23:23

Sonbore pii, n nyan sã wa. Ga sii-doɛ̃ li, doɛ̃ nɛ ka yiridɛnaabaa nɛ.

Suusun 23:9

N nyan boo kɔɔ̃n da baãnaa-n wa. A giala, á re barka boe a nɛ.

Suusun 28:23

Sɛ̀-pɛma-a á soɛ laakalaa nɛ.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Izayii 36:21

Min mɛn tumaa bɛ́ bǎã lɛ nɛ, n kɔn nə n lɛ bũ wa. Ǹ na a lɛ si ka boo goon din ni wa. A giala, kii Ezekiasi na á wɔ ǹ too ne mà ǹ nyan a lɛ si wa.

Lawa a wúlu-bɔlen 19:17

Min kɔn baran ǹ dɔɔ̃n da a gɔ́ɔ̃-n wa. Sɛnɛ, bɛ̀ n dɔɔ̃n sii la, n baran toa wa, a zɛ̀rɛ baa, màn mɛn bɛ́ toɛ, a sii baraa lɛ a guĩ baran goã nsɛ mìi-n wa.

Matiə 15:14

Ka ǹ toa walan. Maǹ yii tere-an lɛa yii tere-an bàlà kuĩ! Bɛ̀ yii tere-a nə́ ǹ miã yii tere-a a bàlà kũ, ǹ dinin paanan tá re boe ǹ kaa nyankɔrɔ nɛ.»

Matiə 7:6

Ka bɛ́ màn *yoreen mɛn koɛ Lawa nɛ, ka baran bɛ kɔ gin minbuiinin kɛn la, n kiɛ̃ n nə ǹ yaa n bɔyɛɛ ka dinin wɔ̃wɛ̃ wa. Ka baaran kaa bɔlɔ-a ǹ gii kaa tán birii minbuiinin kɛn giulun, n kiɛ̃ n nə ǹ yaa tɔtɔrɛ ǹ gòãn li wa.