Suusun 8:20 - LAWA A BOO SONBORE

²⁰ Man tɔ we peperebaa zii la. Zii mɛn bɛ́ ǹ nə́ dí-pɛn tamaɛ la, maa wɔ n ka bɛ nɛ.

LAWA A BOO SONBORE 2011

²⁰ Man tɔ we peperebaa zii la. Zii mɛn bɛ́ ǹ nə́ dí-pɛn tamaɛ la, maa wɔ n ka bɛ nɛ.

Suusun 8:20 ပူးပေါင်းရင်းမြစ်များ

Loen 23:3

A n màn diɛ ma pàã li. A n ma diɛ zii sonbore la, a din tɔ kɛa lɛa.

Loen 32:8

Dɛnaa Lawa pɛ ma nɛ: Ma á re n darɛɛ, n doamaa bɛ́ n kɔ zii mɛn lɛ, ma á re bɛ nyɛɛ n nɛ. Ma á re doree koe n la, ma ga n walan.

Suusun 2:20

Min sonboren zii saa. Min mɛnɛn sii zɛnaa bɛ́ siĩni, n bɛn lɛn zɔɔ̃.

Suusun 2:9

Bɛ̀ n ma bɔlɔ si, n tá re sonborebaa doɛ̃, bɔlɔgoondɛnaabaa nɛ, ka peperebaa nɛ: Là nyantoro zii ni.

Suusun 3:6

N sii zɛnaan tumaa gɔ́ɔ̃ nɛ, toa n na a din dɔ̃, á re n nyɛɛnaan boe.

Suusun 6:22

Bɛ̀ ń tá tɔ we, ǹ tá re n nyɛɛnaan boe, bɛ̀ n waa tán, ǹ tá re n tamɛɛ. Bɛ̀ n yii kaa, ǹ tá re n doe n lɛ.

Suusun 8:19

Là tá maa bǐɛ̃ ganaa á la sana yoreen ne. Maa man-gɔ dɔ á soɛ wɔrɔ gɛlɛ taãn-taãn kɛ nɛ.

Suusun 8:21

Min mɛnɛn bɛ́ ma narɛ, man bǐɛ̃ biɛ bɛn la, ma ǹ kion pã ka gɔn màn giɔ̀mɔ kakaan nɛ.

Izayii 2:3

Gána gigiã á re zii siɛ, bɛ̀ ǹ nə́ pii kɔn nɛ kɛnɛn: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa a kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, a dí-pɛn lɛn man boe *Siɔn, Dɛnaa Lawa a boo lɛ n boe Zeruzalɛmu.

Izayii 49:10

Bòo á re ǹ kuĩ doo wa, mu boro á re ǹ kuĩ doo wa. Wasa laanka diə a piɛ̃ fuu kɛ a re ǹ nɔmɛɛ doo wa. Taãn nɛ, ma á ǹ narɛ, ma á re ǹ nyɛɛnaan boe, ma wo ǹ ne mu yala nyantoto lɛ-a.

Izayii 55:4

Á ke, man má n baa maa siére lɛa tɔrɔn bii, má n baa kiã lɛa zaman mìi la.

Zaã a sɛ́wɔ 10:3

Kiɛnlɛ-lɛduə̃li n kiɛnlɛ buĩ bɛ lɛ nɛ, sèren lɛn manə n too koe bɛ lɛn li. Ǹ mɛnɛn bɛ́ a wɔn lɛa, a nə ǹ gogoonmaa bíi ka a tɔ nɛ, a soo ǹ ne kanaa.

Timəə dí-pɛn 5:32

Haya! Kaa Lawa, Dɛnaa Lawa lɛ nə n gɔn waa ka-n lɔn, ka zɛnaa a kɔnpɛ ka bɛ nɛ. Ka nyan kanaa ka wo gusin wa, ka nyan wo gɔsɛ wa.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»