Suusun 6:15 - LAWA A BOO SONBORE

¹⁵ Bɛ lɛ nɛ, sàabaa ba la wa, a mɛnaa n bǎã goon lɛa, a yɔyɔrɛɛ a re boe dí wa.

LAWA A BOO SONBORE 2011

¹⁵ Bɛ lɛ nɛ, sàabaa ba la wa, a mɛnaa n bǎã goon lɛa, a yɔyɔrɛɛ a re boe dí wa.

Suusun 6:15 ပူးပေါင်းရင်းမြစ်များ

KZS2 36:16

Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.

Loen 50:22

Kasɛn mɛnɛn yiri bɛ́ boe ka Lawa nɛ, ka toa ka bɛ giala ma. Bɛ bie wa, man die ka kuĩ, ma ka wɔwoɛ̃ kɔn, min dɔ ná a die yii a ka si wa.

Loen 55:15

Wɔ́ goã boo sonboren diɛ kɔn nɛ, bɛ̀ wɔ bɛ́ tɔ we kun, Lawa a kion kɛ nɛ.

Suusun 1:26

Bɛ lɛ nɛ, kaa koe pinaa, ma á re yaa we ka ganaa. Bɛ̀ ka gɔ̀nɔn tá bìn diɛ nyɛ́ɛ gunun, ma á re ka foo siɛ.

Suusun 1:27

Hiĩ, ǹ kɔn pinaa, nyɛ́ɛ á re n doe ka bii ka piɛ̃ gole wɔ bɛ́ lɔn. Koe á re ka siɛ ka la tì gole wɔ bɛ́ lɔn. Foo biɛ na laanka foo ziziɛ̃ á re ka yii.

Suusun 14:32

Min baraa a baraabaa nə n bɔyɛɛ a kirəə a din la. Sɛnɛ, ta gɛ̀ biikoo ne, min pepere foo n doa nɛ.

Suusun 24:16

a giala min mɛn bɛ́ sii sonbore zɛnɛɛ, ta a na á mɛnaa gunyin sɔbaa, a n wusii a yoo. Sɛnɛ, min mɛn bɛ́ sii baraa zɛnɛɛ, koe n die boe bɛ ganaa.

Suusun 24:22

A giala, koe á boe la a bɔ ǹ ganaa bǎã goon ne. Dɛnaa Lawa laanka kii bɛ́ re koe mɛn boe ǹ gogoonmaa ganaa, ǹ ba bɛ doɛ̃ wa.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Suusun 6:16

Sii sɔrɔ na a tan ǹ tìĩ n boe ne Dɛnaa Lawa nɛ, a ná a ba ǹ sii a ganaa duduu wa. Yii tá lon wole ne, soɛ-bɔle ne, yii tì-a dɛ wole ne, tán dù-bosoli ni, min mɛn goã bɛ́ siɛ sii baraa zɛnaa li, siére baraa-pɛli ni. Sɛnɛ, a sɔbaabaa ǹ wɔ tan: Min mɛn bɛ́ dɔɔ̃ngiĩ hinlaa dɔɔ̃lɔn kiɛ kɔn, bɛa dɛnaa tìĩ n boe ne Dɛnaa Lawa nɛ.

Zeremii 19:11

N pɛ ǹ nɛ: «Dɛnaa Lawa Pàãyiidɛnaa a da ǹ boo á ke: Man die zaman kɛ laanka kiwi kɛ yui ka ǹ bɛ́ gì-bɔle a donkolon yui lɔn, a ná a ba n zɛnɛɛ doɛ̃ doo wa. «Maǹ die ǹ geren biĩ Tofɛti dinin, a giala, bǎã ba re yii wɔlɔ kɔsɔ-n wa.

Ezekieli 11:13

A ma toa Lawa a boo gii lɛ diɛ, Benayia a nɛgiĩ Pelatia gã. Má tɔ́n bɔ má mɛnaa tán ma lɛ la, má n lɛ dɛ kɔsɛkɔsɛ má pɛ: «E, Dɛnaa Lawa! Izirayeli minin mɛnɛn nə goã, man die bɛn dɔn tumaa dii?»

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.