Suusun 6:14 - LAWA A BOO SONBORE

¹⁴ A gɔ́ɔ̃ n tì, a n taasiɛ baraa we biikoo yii li. A n zia yiɛ.

LAWA A BOO SONBORE 2011

¹⁴ A gɔ́ɔ̃ n tì, a n taasiɛ baraa we biikoo yii li. A n zia yiɛ.

Suusun 6:14 ပူးပေါင်းရင်းမြစ်များ

Loen 140:2

Dɛnaa Lawa, ma si min baraan kɛn la, ma kanbaa min kakaarɛn kɛn-a,

Loen 140:3

min mɛnɛn lɛn bɛ́ ke, ǹ nə́ sii baraa taasɛ ǹ gɔ́ɔ̃ nɛ, ǹ nə́ zia yui baraabaraa.

Loen 36:4

Soɛ dinsɔɔ̃ laanka minin yiri sã ǹ boo na a lɛ-n. A din yii li, sii sonbore zɛnaa din là banban doo wa.

Suusun 14:22

Min mɛnɛn bɛ́ taasiɛ bɔnɛɛ nə́ ǹ yiri ni, ǹ nə́ sã ǹ zii ganaa. Min mɛnɛn bɛ́ taasiɛ sonbore we, ǹ saraa n sonborebaa laanka bɔlɔgoondɛnaabaa nɛ.

Suusun 16:27

Min gɔ́ɔ̃ baraa a sii tumaa n doa-n baraa zɛnaa ganaa. A lɛ gɔ́ɔ̃ ǹ boo n ka tɛ bɛ́ lɔn kuĩ girigiri.

Suusun 17:20

Min mɛn yiri bɛ́ kɔkɔrɔ, bɛa là nyantoro yii wa. Min mɛn a lɛn su bɛ́ baraa, á re koe yii.

Suusun 2:14

Sii baraa zɛnaa n kɔɔ̃n bɛa minin lɛn ganaa, gɛ̀ dɛ n nyɛnyɛɛ lɛa ǹ ganaa.

Suusun 21:8

Gɛ̀-dɛli a giã ǹ gɔn nə kɔkɔrɔ. Sɛnɛ, min pepere a sii zɛnaa n pepere.

Suusun 22:8

Min mɛn bɛ́ mɛnɛɛ minin la, koe á re yii. A kakaarɛbaa á re nyɛɛ.

Suusun 24:8

Min mɛn bɛ́ sii baraa taasɛ a yiri ni, bɛ lɛ n min baraa lɛa.

Suusun 3:29

N giaára mɛn bɛ́ n li a foo n doa nɛ n ganaa, n nyan sii bɔbɔnɛɛ kɔn taasɛ n doa a ganaa wa.

Suusun 3:32

Min kɔkɔrɔn tìĩ n boe ne Dɛnaa Lawa nyin ni, sɛnɛ, min peperen giaára nɛ.

Izayii 32:7

Min mɛnɛn bɛ́ ǹ miãn yiri siɛ̃, ǹ sii baraa zɛnaa la yii ni. Maǹ tán dù bose ǹ nə́ doobaan laadoo ziziɛ̃ ka soɛn nɛ, ta sonbore nə ǹ lon.

Izayii 57:20

Sɛnɛ, min baraan man ka Yìsi mu gole bɛ́ lɔn, bìn diɛ, a ná a golee wa, bɛrɛɛ laanka yisi tɔrɔ tumaa n soe a mu li.

Ezekieli 11:2

Lawa yiri tɔ́n pɛ ma nɛ: – Nsɛ minbuiin a nɛ min mɛnɛn bɛ́ n taasɛ ka sii kɔkɔrɔ zɛnaa-n kiwi lɛ nɛ, ǹ nə́ yiri kɔkɔrɔ koe minin la, ǹ dinin man ka kɛn nɛ.

Ozee 8:7

Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

Misee 2:1

Min mɛnɛn bɛ́ n taasɛ ka sii kokooro zɛnaa nɛ, bɔ̀n na á bɛn yɛ. Min mɛnɛn bɛ́ sii baraa zɛnaa a taasiɛ we ǹ waa ǹ piì la, bɔ̀n na á bɛn yɛ. Bɛ̀ wɔlɔ fúlu lɔn, maǹ yui ǹ nə ǹ sii zɛnaa, a giala a zɛnaa ǹ pàã tá ǹ lon.

Rɔmu minin 16:17

Ma dɔɔ̃nɔn lɛn, man ka nyankoe taãn-taãnɛ, min mɛnɛn bɛ́ toɛ̃-kɔn we Lawa-nyankɔlen bii, ǹ nə́ ǹ yiri siɛ̃ ǹ tá ǹ papaɛ̃, ka n dinin kũ bɛn ganaa. Ka n daraa Lawa a boo mɛn ganaa, bɛa minin kɛn lɛn da ǹ boon laanka ǹ minin daraa ǹ siin man zia biɛ bɛa boo kɛ lɛ ganaa. Ka n na ka n bɔ bɛa minin kɛn lɛn ganaa.