Suusun 5:12 - LAWA A BOO SONBORE

¹² Bɛa waáraa kəni, n tá re pii: «A na á saa lɔn má daraan tii, man piã ka doroon ne?

LAWA A BOO SONBORE 2011

¹² Bɛa waáraa kəni, n tá re pii: «A na á saa lɔn má daraan tii, man piã ka doroon ne?

Suusun 5:12 ပူးပေါင်းရင်းမြစ်များ

Siin Giala 19:9

Ǹ nə́ tɔ́n pɛ nɛ: «N nə n daa gùli kɔ, ma n giɛ li n nə n din baa wɔsɛn dorooli lɛa koe! Wɔ bɛ́ re màn mɛn zɛnɛɛ n nɛ sisia, n wɔ á die liɛ n tiin kɛn wɔ nɛ.» Ǹ nə́ Lɔti nyɛnaa ka pàã nɛ ǹ nə́ woo ne, mà maǹ die kiɛnlɛ lɛ nyɛnɛɛ ǹ kaa a nɛ.

KZS2 25:16

Amasiya boo kuru a lɛ-n á pɛ: «Má n bɔ má n koa kii a yiri kɔmala wole lɛa? Bɛ̀ n ba giɛ mándɛ li wa, n nyan wo nyɛɛn wa.» Lawa a boo gii-dali lɛ nə n laa-a wa, sɛnɛ, á pɛ: «Ma á doɛ̃ maa Lawa golee n bɔ̀nbaa li, a giala n bɛa sii lɛ zɛnaa. Bɛ lɛ n ke n ba n too koe maa doroon li wa.»

KZS2 36:16

Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.

Loen 50:17

N bɛ́ ń maa doroo tii, ń nə́ n piã ka maa boo ne.

Loen 73:22

ma din baãnaan, ma a sii kɔn giala miɛ wa, man má goã ka tɔɔ bɛ́ lɔn n yɔrɔ-a.

Suusun 1:22

Baãnaan lɛn, ka n die kaa baãnaabaa lɛ narɛ yǎa biĩ kəni? Yaa wɔ minin ganaa wolen lɛn, ka n die yaa woe minin ganaa yǎa biĩ kəni? Yiriwɛɛnaan lɛn, ka n die n piɛ̃ ka sii doɛ̃-n yǎa biĩ?

Suusun 1:25

Ka nə n piɛ̃ ka maa doroon ne, ka a n too koe maa gɔn waa ǹ boon li wa.

Suusun 1:7

Nyɛ́ɛbaa Dɛnaa Lawa yii ni n sii-doɛ̃ a giala kɔ ǹ bǎã lɛa. Min mɛnɛn laadoo bɛ́ a bie ka bɛa daraan laanka bɛa doroon kɛn nɛ wa, baãnaan manɛ.

Suusun 10:17

Min mɛn bɛ́ lɛ koe gɔn waa ma-n ganaa, bɛ n yiikoonaabaa ǹ zii la. Sɛnɛ min mɛn bɛ́ a lɛ koe doroo ganaa wa, bɛ n papaã ǹ zii la.

Suusun 12:1

Min mɛn bɛ́ gɔn waa ma-n narɛ, a n giɛ doɛ̃ li. Sɛnɛ, min mɛn bɛ́ n piɛ̃ ka doroo ne, baãnaa nɛ.

Suusun 13:18

Min mɛnɛn bɛ́ n piɛ̃ ka doroo ne, doobaabaa laanka sìi n bɛn wɔ lɛa. Sɛnɛ, min mɛnɛn bɛ lɛ koe doroon ganaa, yii gugurubaa n bɛn wɔ lɛa.

Suusun 15:5

Nɛnyaan yiriwɛɛnaa laadoo bie ka ǹ di a doroo-n wa. Sɛnɛ ǹ mɛn bɛ́ n too koe a gɔn waa ǹ boo li, bɛ n sii-dɔ̃li lɛa.

Suusun 5:11

N tɔn kiɛ̃ n ginii wɔ n lɛ nyɔmiɛ̃ biikoo li, bɛ̀ n pàã bɛ á nya.

Suusun 6:23

Doroo n ka bolon bɛ́ lɔn, daraa n wɔlɔ fúlu lɛa. Gɔn waa manɛ n min yii buĩ. A n yiikoonaabaa ǹ zii lɛa.

Suusun 8:36

Sɛnɛ, bɛ̀ min mɛn ma dɔ̃ wa, a n busu lɛa ǹ Dɛnaa ganaa. Ma tìĩ bɛ́ boe-n min mɛnɛn tumaa nɛ, bɛn man gɛ̀ narɛ.

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.