Suusun 30:15 - LAWA A BOO SONBORE

¹⁵ Tìntìn a nɛlɔ n paa: Maǹ pii: «A kɔ! A kɔ!» Màn sɔɔ na a tan sii ba ǹ yii kiɛ̃ duduu wa, a siibaa ǹ wɔ tan a ba pii ǹ kɔn pinaa "ka toa miɛ̃" wa:

LAWA A BOO SONBORE 2011

¹⁵ Tìntìn a nɛlɔ n paa: Maǹ pii: «A kɔ! A kɔ!» Màn sɔɔ na a tan sii ba ǹ yii kiɛ̃ duduu wa, a siibaa ǹ wɔ tan a ba pii ǹ kɔn pinaa "ka toa miɛ̃" wa:

Suusun 30:15 ပူးပေါင်းရင်းမြစ်များ

Suusun 27:20

Geren piɛ laanka nyankɔrɔ zuzulu a piɛ̃ wa. A din yii goon nɛ, muibuiin nɛ dɔ foo sii á nyɛɛ wa.

Suusun 30:14

Min tɛnɛn sɔn man ka gɔya san bɛ́ lɔn. Ǹ paǹ gɔn we n ka gɔya bɛ́ lɔn. Maǹ kanaa lɛ a nɔmaa-wɔlen soɛ̃, maǹ doobaan papaɛ̃ ǹ tá ǹ boe minbuiinin bii.»

Suusun 30:16

Geren piɛ nɛ, lɔ mɛn bɛ́ a nɛ yii wa, tán mɛn bɛ́ mu ba a-n wa. Tɛ nɛ, a pii ǹ kɔn pinaa "ka toa miɛ" wa.

Suusun 30:21

Sii sɔɔ n kanaa diɛ bìn diɛ ganaa, a siibaa ǹ wɔ tan min ba boe la a si a ganaa wa:

Suusun 30:24

Tɔɔ bisin tɔrɔ sii na a tan tán la yiridɛnan lɛa:

Suusun 30:29

Màn yiikoonaa sɔɔ na a tan ǹ tɔ wɔ ǹ gɔn nə́ siĩni, a siibaa ǹ wɔ a ga ma-a dɔ n kɔɔ̃nɛ:

Suusun 6:16

Sii sɔrɔ na a tan ǹ tìĩ n boe ne Dɛnaa Lawa nɛ, a ná a ba ǹ sii a ganaa duduu wa. Yii tá lon wole ne, soɛ-bɔle ne, yii tì-a dɛ wole ne, tán dù-bosoli ni, min mɛn goã bɛ́ siɛ sii baraa zɛnaa li, siére baraa-pɛli ni. Sɛnɛ, a sɔbaabaa ǹ wɔ tan: Min mɛn bɛ́ dɔɔ̃ngiĩ hinlaa dɔɔ̃lɔn kiɛ kɔn, bɛa dɛnaa tìĩ n boe ne Dɛnaa Lawa nɛ.

Izayii 57:3

Sɛnɛ, kasɛn kɔnkoã nɛn lɛn, ka n zɔ̃ ka da kànaa. Ka tumaa n naarɛbaali laanka kɔrɔbaali nɛn lɛa.

Ozee 4:18

Bɛ̀ ǹ nə́ yɔ lɛ mi ǹ nə́ kã gɔrɔ, kɔrɔbaa na á golee. Ǹ goledɛnan kɛn man giɛ sìi li a tɔ-a.

Amɔɔsi 1:11

Dɛnaa Lawa na á pɛ kɛnɛn: Edɔmu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ ǹ dɔɔ̃n Izirayeli minin lɛn loo ka gɔya sa nɛ, ǹ makara din nə ǹ kũ boɛɛn dinin wa. Ǹ foo na á goã yoo ne ǹ li miɛ̃, sii lɛ na á goã ǹ gɔ́ɔ̃-n miɛ̃. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:13

Dɛnaa Lawa na á pɛ kɛnɛn: Amɔn tɔrɔn kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, Galaati lɔn mɛnɛn bɛ́ nɔ̀ nɛ, ǹ nə́ bɛn nɔ̀ wɔsɔ, màn mɛn bɛ́ toɛ, ǹsɛn gána gole kɔ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:3

Dɛnaa Lawa na á pɛ kɛnɛn: Damaasi minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala ǹ nə́ boo Galaati minin kɛn la ka fɔlɔ mànan nɛ, ǹ nə́ ǹ kakã. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Amɔɔsi 1:6

Dɛnaa Lawa na á pɛ kɛnɛn: Gaazaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala, ǹ nə́ zaman tumaa goa, Ǹ nə́ woo ǹ kɔ Edɔmu minin kɛn la. Bɛ lɛ nɛ, ma á ǹ zɛ̀rɛ biɛ. Ma a re wusii maa da ǹ boo dɔ kio wa.

Amɔɔsi 1:9

Dɛnaa Lawa na á pɛ kɛnɛn: Tiiri minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ zaman tumaa goa ǹ nə́ woo ǹ kɔ Edɔmu minin kɛn la. Ǹ lɛlɛ a lɛ kɔ kɔn la kɛ tamaa wa. Bɛ lɛ nɛ, ma á ǹ zɛ̀rɛ biɛ, ma á re wusii maa da ǹ boo dɔ kio wa.

Amɔɔsi 2:1

Dɛnaa Lawa na á pɛ kɛnɛn: Moabu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ Edɔmu minin kii kɛ wen tã, ǹ nə́ baa ton lɛa. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo kio wa.

Amɔɔsi 2:4

Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Misee 7:3

Ǹ gɔn bɛ́ yui sii mɛn a zɛnaa li, baraa nɛ. Goledɛnaa a bǐɛ̃ zɛnɛɛ kooro wa, yǎa màn. Sii yɔrɔ-bɔle a sii yɔrɔ boe kooro wa, yǎa là. Min gole a boo diɛ kooro wa, yǎa a din dùũ sii. Maǹ nə́ n lɛ kiɛ kun ǹ sii baraa zɛnaa.

Matiə 23:32

Haya! Ka digolon nə sii mɛn giala kɔ, kasɛn nə n doa ka a lɛ pã!

Zaã a sɛ́wɔ 8:39

Ǹ nə́ tɔ́n pɛ Yezu ni mà Abrahamu nə ǹsɛn díi lɛa. Yezu tɔ́n pɛ ǹ nɛ: «Bɛ̀ ka ǹ Abrahamu a nɛnyaanan lɛa sonbore, ka kɔ Abrahamu a zɛnaa ǹ siin lɛ.

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.