Suusun 30:14 - LAWA A BOO SONBORE

¹⁴ Min tɛnɛn sɔn man ka gɔya san bɛ́ lɔn. Ǹ paǹ gɔn we n ka gɔya bɛ́ lɔn. Maǹ kanaa lɛ a nɔmaa-wɔlen soɛ̃, maǹ doobaan papaɛ̃ ǹ tá ǹ boe minbuiinin bii.»

LAWA A BOO SONBORE 2011

¹⁴ Min tɛnɛn sɔn man ka gɔya san bɛ́ lɔn. Ǹ paǹ gɔn we n ka gɔya bɛ́ lɔn. Maǹ kanaa lɛ a nɔmaa-wɔlen soɛ̃, maǹ doobaan papaɛ̃ ǹ tá ǹ boe minbuiinin bii.»

Suusun 30:14 ပူးပေါင်းရင်းမြစ်များ

Zɔbu 29:17

Man má goã min baraa kɛ pàãgɔn we yiɛ, a màn mɛn kũ, ma gɔsɛ ma bɔ a lɛ-n.

Zɔbu 41:14

Pàã na a wìi kɛ nɛ, bɛ̀ min din yɛ a yɔrɔ-a gɔrɔ, nyɛ́ɛ n kuĩ.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 124:6

Wɔa barka á Dɛnaa Lawa ganaa, asɛ mɛn bɛ́ á wɔ si wɔa zɔ́ɔn kɛn lɛ la.

Loen 14:4

Dɛnaa Lawa pɛ: Min kɔn na a ba min baraan kɛn bii, á boo giala miɛ duduu wa? Ǹsɛn mɛnɛn bɛ́ bɔ̀n diɛ maa minin ganaa, ǹ nə́ n dinin toe ne, ǹ nə́ ǹ ba n yɔrɔ diɛ ma dinmaa la duduu wa.

Loen 3:7

Masɛ a nyɛ́ɛ biɛ zɔ́ɔ duu gigiã kɛ nyɛɛn doo wa, zaman mɛn lɛ ma lɛnpɛnɛ ma paǹ yii ganaa.

Loen 52:2

Edɔmun giĩ Dowɛgi bɛ́ á daa pɛ kii Sayulu ni mà Davida tá Akiimelɛki a Kion.

Loen 57:4

Ma na a nyankoe, máa a n toa lon a ma kirisibaa. Máa a die a sìi da ma nɔmaa-wɔle lɛ ganaa. *Doa Máa Lawa die a na a kɔn-narɛɛ gole kɛ nyaa ma nɛ, ka a bǐɛ̃ duduu kɛ dɔ nɛ. Doa

Loen 57:5

Man min baraan bii. Maǹ baraa ka yàra min-sɔ̃lin bɛ́ lɔn. Ǹ sɔn man pɛpɛnɛ ka sɛmiɛ̃n bɛ́ lɔn, pɛpɛnɛ ka kiɛn dɔn bɛ́ lɔn. Ǹ lɛwɔn dɔ n lɛ boe ka gɔya sa bɛ́ lɔn.

Loen 58:6

Miɛ̃ mɛn bɛ́ a ba n too koe a para-pɛlin loe li wa, haalɛ a para-pɛli zanbia kɛ dɔ din.

Suusun 12:18

Min mɛn bɛ́ boo diɛ a mìi gialaa, a n goon ka gɔya sa nɛ busu diɛ. Sɛnɛ min mɛn bɛ́ boo diɛ ka sii-doɛ̃ nɛ, a n dagòã lɛa busu nyɛɛ.

Suusun 22:16

Bɛ̀ min mɛnaa doobaa la, a n biɛ pàãma lɛa. Min mɛn bɛ́ bǐɛ̃ biɛ pàãma la, a n biɛ doobaa lɛa.

Suusun 28:3

Pàã zɛnaali mɛn bɛ́ mɛnɛɛ doobaan la, a n ka kaa-piɛ waáraa la bɛ́ lɔn màn tumaa ziziɛ̃.

Suusun 30:15

Tìntìn a nɛlɔ n paa: Maǹ pii: «A kɔ! A kɔ!» Màn sɔɔ na a tan sii ba ǹ yii kiɛ̃ duduu wa, a siibaa ǹ wɔ tan a ba pii ǹ kɔn pinaa "ka toa miɛ̃" wa:

Boo-laakalaali 4:1

Bɛ kio, bɔ kɔn yii ni ǹ siin mɛnɛn bɛ́ n zɛnɛɛ kanaa kɛ nɛ, má wusoo má n yii wɔ bɛn nɛ, má ga ǹ ganaa. Sɛnɛ á ke, ǹ bɛ́ boe min mɛnɛn yii ni, bɛn maǹ wuu pii, ǹ lɛ tã wole banban wa. Min mɛnɛn lɛn bɛ́ boe ǹ yii ni, pàã lɛ n bɛn lon, kɛn lɛ tã wole banban wa.

Izayii 10:2

Bɛa yɔrɔ lɛ la, ǹ ba kiri pepere we doobaan man wa. Min mɛnɛn bɛ́ pàãwɛɛnaan lɛa maa zaman bii, maǹ pàã nyɛɛ bɛn manɛ. Maǹ lɔ giɔɔrɔn lon dudui, ǹ nə́ mɛnɛɛ nɛ toenən la.

Izayii 3:14

A n die kiri we a zaman a min golen ganaa, ka ǹ kiãn kɛn nɛ: «Ka dinin lɛn man ka maa *rezɛ̃ dan kɛn ziziɛ̃, ka doobaan gɔn mànan koã, ka kaa kionən pã nɛ.

Izayii 3:15

Ka n maa zaman nɔmɛɛ, ka n pàã nyɛɛ doobaan nɛ. Bɛ giala mà wàa kəni?» Dɛnaa Lawa Pàãyiidɛnaa a da ǹ boo ne.

Izayii 32:7

Min mɛnɛn bɛ́ ǹ miãn yiri siɛ̃, ǹ sii baraa zɛnaa la yii ni. Maǹ tán dù bose ǹ nə́ doobaan laadoo ziziɛ̃ ka soɛn nɛ, ta sonbore nə ǹ lon.

Ezekieli 22:6

«Á ke Zeruzalɛmu, Izirayeli nyɛɛnaandɛnan mɛnɛn bɛ́ n nɛ, bɛn manə ǹ pàã zɛnɛɛ, ǹ nə́ mà kiɛ tán.

Ezekieli 34:3

Maǹ tɔɔn lɛn nyɔɔ soɛ̃, ǹ nə́ ǹ ka biɛ mɔnaa lɛa bɛ̀ ǹ wɔ, maǹ wúlu boe ka a kasiɛ̃ wolen ne. Sɛnɛ, ǹ ba giɛ tɔɔn lɛn dininmaan walan wa.

Amɔɔsi 2:7

Ǹ bɛ́ giɛ sii mɛn li, bɛ n ka kɛ nɛ: maǹ sìi diɛ doobaa ganaa. Maǹ mɛnɛɛ nɔmaa-wɔle la. Nɛ laanka ǹ di n paɛ̃ nɛniɛ goon ganaa, maǹ bɛa sii lɛ zɛnɛɛ, ǹ nə́ ma tɔ sonbore kɛ ziziɛ̃ nɛ.

Amɔɔsi 4:1

Amɔɔsi tɔn pɛ: Kasɛn Samarii lɔn kɛn, ka n too kɔ, ka bɛ́ kasiɛ̃ nɛ ka Basan kiwi a dii daanan kɛn bɛ́ lɔn, buu soɛ̃ a kelen la, ka n mɛnɛɛ nɔmaa-wɔlen la. Ka n boe doobaan yii ni, ka n kɛ pii ka zuũn manɛ: «Ka da nɛ wɔ mi».

Amɔɔsi 8:4

Kasɛn mɛnɛn bɛ́ mɛnɛɛ doobaan la ka ń giɛ li mà ka nɔmaa-wɔlen dɛ ka n bɔ gána lɛ nɛ, ka n too kɔ boo kɛ li:

Abakuku 3:14

Ma nə n zɔ́ɔn kiãn mìi foɛ̃ ka ǹ dinin gɔn kiɛ nɛ: Maǹ die ka baa nɛ ka piɛ̃ gole bɛ́ lɔn, ǹ nə́ wɔ lui paǹ yii li. Maǹ nə n lɛ dii ka foo kɔɔ̃nbaa nɛ, ǹ yɔrɔ n boe ne durii a minin dɛ taman yii.

Sofonii 3:3

A nyɛɛnaandɛnan man ka yàran mɛnɛn bɛ́ gini. A kiri-wɔlen man ka don ginin bɛ́ lɔn, ǹ nə́ goɛ̃ bɛ ǹ dɔ dɔ wasamiɛ̃nɛ, sɛnɛ baayɛlɛ, màn kɔn ba goɛ̃ wa.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Sii-nyaan 9:8

Ǹ mìi ka n sɔsɔrɔ ka lɔ mìi ka bɛ́ lɔn, ǹ sɔn man ka yàra sɔn bɛ́ lɔn.