Suusun 29:1 - LAWA A BOO SONBORE

¹ Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

LAWA A BOO SONBORE 2011

¹ Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Suusun 29:1 ပူးပေါင်းရင်းမြစ်များ

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 18:18

Yilii ná a lɛ si: «Masɛ sii bie wa. N din laanka n kion minin sii ni. A giala, ka Dɛnaa Lawa a gɔn waa ǹ boon toa walan, ka bɛ dɔ nɛ, ń *Baali nyínin guguru kɔ.

Kiin1 20:42

Lawa a boo gii-dali lɛ pɛ Akaabu ni: «Dɛnaa Lawa n kɛ pii: Ma bɛ́ má ǹ min mɛn nyín bɔ, n bɛ́ n nə n gɔn bɔ bɛ ganaa á woo, n din nyín nə die miɛ bɛ lɛ wɔ bǎã nɛ. Sii mɛn doamaa bɛ́ nɛ a Bɛn-Adaadi a zaman yɛ, bɛ n die kuĩ n din kɛ lɛ a zaman mìi ni.»

Kiin1 22:28

Misee tɔ́n pɛ kii lɛ nɛ: «Bɛ̀ n dɔ woo zia lɛ la, n nə ń bɔyaa ń din yii lɛa sonbore, Dɛnaa Lawa bie á masɛ da boo lɛ a diɛ ganaa wa. Misee wusoo á pɛ mà zaman lɛ din tumaa nə n too da!»

KZS2 25:16

Amasiya boo kuru a lɛ-n á pɛ: «Má n bɔ má n koa kii a yiri kɔmala wole lɛa? Bɛ̀ n ba giɛ mándɛ li wa, n nyan wo nyɛɛn wa.» Lawa a boo gii-dali lɛ nə n laa-a wa, sɛnɛ, á pɛ: «Ma á doɛ̃ maa Lawa golee n bɔ̀nbaa li, a giala n bɛa sii lɛ zɛnaa. Bɛ lɛ n ke n ba n too koe maa doroon li wa.»

KZS2 33:10

Dɛnaa Lawa na á goã boo diɛ Manaasee ne kun ká a zaman nɛ, sɛnɛ ǹ goà n yiri koɛ li wa.

KZS2 36:13

Kii Nebukadenezɔɔrɔ da liɛ wɔ ganaa ka Lawa tɔ nɛ. Sɛnɛ, Sedekiasi nə́ n gòãn dii a ganaa. A n too kɔ a lon wa, á n gɔ́ɔ̃ tii, a n bɔyaa á daa Dɛnaa Lawa, Izirayeli a Lawa li wa.

Nehemii 9:29

Ń goã miɛ ǹ ganaa mà ǹ wusoo ǹ nə n dí-pɛ lɛ wɔ ǹ gɔn lɛ, sɛnɛ ǹsɛn nə́ ń dinin gole kɔ, ǹ nə n too kɔ n gɔn waa ǹ boon lɛn ganaa wa. N sii yɔrɔ bɔ ǹ boon mɛnɛn bɛ́, bɛ̀ min mɛn nə́ ǹ si, ǹ nə́ toɛ ǹ dɛnaa n liɛ, ǹ nə́ n piã ka bɛn nɛ. Ǹ nə́ n kɔkɔrɔ suĩ, ǹ nə́ n too laa, ǹ nə n too kɔ wa.

Zɔbu 9:4

Sii-doɛ̃ na á goã Lawa din ni, pàã tumaa na á goã a din ni. Die nə n gòãn dii a ganaa, n wusoo n na a laakalaa?

Bɔ bɛ̀rɛbaa nɛ 9:7

Faarahɔn minin dia ǹ nə́ woo ga, Izirayeli nɛnyanan tɔɔ goon din gã wa. Sɛnɛ, Faarahɔn too goã a kakabaa gɔ́ɔ̃ nɛ, a toa zaman lɛ soo á woo wa.

Suusun 28:14

Min mɛn bɛ́ yiri boe a din li, bɛ wɔ na á bǐɛ̃ kɔ. Sɛnɛ, laa sii-a wole wɔ n ka koe ne.

Suusun 28:18

Min mɛn a giã ǹ gɔn bɛ́ pepere, á re yiikoonaabaa yii. Sɛnɛ, min mɛn a giã ǹ gɔn bɛ́ yɔrɔ paa la, a nyin nə die goɛ̃ a goon ne.

Suusun 28:28

Bɛ̀ min baraan nə́ pàã saa, min tumaa nə n duri. Bɛ̀ ǹ nə́ gã, bǐɛ̃-zɛnaali n mɔnɛɛ.

Suusun 6:15

Bɛ lɛ nɛ, sàabaa ba la wa, a mɛnaa n bǎã goon lɛa, a yɔyɔrɛɛ a re boe dí wa.

Izayii 28:22

Ka foo-saa ǹ sii toa walan kanna kəni! Bɛ bie wa, kaa fɔlɔ biɛn tá re wusii ǹ ka suu. A giala, má Dɛnaa Lawa Pàãyiidɛnaa lɛ ma, á gole kiwi lɛ tumaa a ziziɛ̃ li.

Izayii 48:4

Ma á doɛ̃, ka ǹ tɔrɔ too kakaan lɛa. Ka wìi n fɔlɔ bàlà lɛa, ka mìi n laa nɛ ka zan bɛ́ lɔn.

Zeremii 14:19

Dɛnaa Lawa, ń Zudaa daa sonbore? *Siɔn tìĩ bɔ n nyin ni? Fuu mɛn bɛ́ a nyɛɛ wa, a n siɛ lɔn n tá bɛ diɛ wɔ mìi ni? Wɔ nə n yii diɛ là nyantoro la, sɛnɛ màn kɔn banban bǐɛ̃ lɛa wa. Wɔ nə n yii diɛ wɔa busu á nya la, sɛnɛ, nyɛ́ɛ n die!

Zeremii 17:23

Ǹsɛn nə n too kɔ wa, ǹ nə n too da wa. Ǹ nə́ n mìi laa, ǹ nə́ n piã ka maa gɔn waa nɛ, ǹ lɛ kɔ a ganaa wa.»

Zeremii 36:31

Ma á re yui a gialaa, a nɛnyaanan nɛ, ka a nɔ̀ɔnɔn nɛ. Ma á re yui a gána nyɛɛnaandɛnan dɔn gialaa. Ma á re ǹ sãn lɛn dɔlɔ boe ǹ ganaa. Ma koen mɛnɛn boo da ǹ nɛ ǹ nə́ ǹ golee li wa, man die bɛn lɛn diɛ ǹ mìi ni, Zeruzalɛmu minin ni ka Zudaa minin ni.»

Abakuku 2:7

Kaa giɔ̀mɔdɛnan tá re yui bǎã goon ne, ǹ da ka kio. Ǹ tá re n yii dɔrɛɛ, ǹ ka gɔ̀nɔn da bìn diɛ ganaa. Ǹ dɔn tá re ka kokoe.

Zaã a sɛ́wɔ 13:18

«Ma bie boo diɛ ka dinin tumaa wɔ gɔn la wa, ma min mɛnɛn bɔ, ma á bɛn doɛ̃. Sɛnɛ, Lawa a boo màn mɛn pɛ, bɛ doamaa nɛ a n zɛnaa; a na á pɛ: "Min mɛn din bɛ́ màn bii kun ka masɛ nɛ, a din lɛ na á n bɔyaa masɛ li."

Zaã a sɛ́wɔ 13:26

Yezu tɔ́n pɛ: «Gɔn yii goon ke ma á die siɛ̃ dù ni, ma bɛ́ re bɛ koe min mɛn la, bɛa dɛnaa lɛ nɛ.» Bɛ kio, Yezu gɔn yii goon mɛn lɛ sã a nɛ, á bɛ lɛ saa á kɔ Kariyɔtin Simɔn a nɛgiĩ Zudaasi la.

Nya ǹ dín 1:18

Sɛnɛ, bɛa giĩ kɛ lɛ na á wuru pii ka a baraabaa a saraa nɛ. Á bɔ á n tɔ tán a mìi la, á n nɔ̀ toɛ̃ a gɔ́ɔ̃gɔ́ɔ̃ ǹ nàn kaa lenlen.

Nya ǹ dín 1:25

màn mɛn bɛ́ toɛ, Zudaasi bǎã mɛn toa walan á woo a din tɔ bǎã nɛ, bɛa dɛnaa bɛa dia dí-a wolebaa ǹ bǎã kɛ lɛ saa, a na a dí nya.»

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.

Samayeli1 2:25

Bɛ̀ min sii la ǹ miã kɔsɔ la, Lawa n die bɛ yɔrɔ boe. Sɛnɛ bɛ̀ min sii la Dɛnaa Lawa la, die n die yii, a bɛ yɔrɔ bɔ? Sɛnɛ ǹ nə n too kɔ ǹ di lɛ a boo ganaa wa, a giala, Dɛnaa Lawa na á goã giɛ li mà a ǹ nyin bɔ.

Samayeli1 2:34

Sii mɛn bɛ́ re n nɛgiĩ min paa lɛ yii, Ɔfuni laanka Fineyasi, bɛ n die sii a kɔnboe biɛ n gɔn. Ǹ dinin paanan tá re giɛ̃ pinin goon.