Suusun 28:1 - LAWA A BOO SONBORE

¹ Min baraa n baa la, a da yaa min kɔn dɔ ba a kio lui wa. Min pepere n ka yàra nɛ bɛ́ lɔn a foo n doa nɛ.

LAWA A BOO SONBORE 2011

¹ Min baraa n baa la, a da yaa min kɔn dɔ ba a kio lui wa. Min pepere n ka yàra nɛ bɛ́ lɔn a foo n doa nɛ.

Suusun 28:1 ပူးပေါင်းရင်းမြစ်များ

Kiin1 1:49

Adoniya goã á lɛ dia min mɛnɛn la lɛn, ǹ tumaa gɔ̀nɔn bìn da, ǹ nə́ yoo, ǹ bɛ́ re n sii ǹ la lɔn, didie ga bɛ li.

Kiin2 7:15

Ǹ nə́ woo Siirii minin lɛn basa la, yǎa ǹ nə́ dɔ Zurdɛ̃ tà li. Á ke, Siirii minin lɛn nə goã ǹ nə́ kɔ zii mɛn lɛ bɛ̀ ǹ bɛ́ baa si, dia dí-a wolen lɛn nə́ mɔnaan laanka ǹ mànan gigiã yɛ kaa-n tán bǎã yii ni. Ǹ nə́ wusoo ǹ nə́ daa a boo da kii lɛ nɛ.

Nehemii 6:11

Má tɔ́n na a lɛ si: «Ma din giĩ kɛ miã yoo ma baa si? Masɛ kɛ miã mɛn nə boe la a wɔ Lawa a kion, a la? Ma a we a-n wa.»

Zɔbu 15:21

Gɔ̀nɔn bìn da ǹ boo ne ǹ tá miɛ miɛ̃. Ta maǹ là nyantoro ne, basaã-kɔli gɔn nə doe ǹ ganaa.

Loen 112:7

Sii baraa a daa boo ba nyɛ́ɛ diɛ a ganaa wa. A yiri n bǎã goon ne, a foo n doa-n Dɛnaa Lawa ganaa.

Loen 53:5

Sii baraa-zɛnaalin kɛn lɛn kɔn yiri na a banban? Ǹ nə́ ke maa minin lɛn gialaa, ǹ soɛ̃ fu, ǹsɛn ba Lawa tɔ pii wa.

Loen 53:6

Bɛ lɛ nɛ, ǹ gɔ̀nɔn tá re bìn diɛ, gɔ̀nɔn bìn da ǹ sii dɔ na a ba ǹ yɔrɔ-a wa. Min mɛnɛn bɛ́ pàã nyɛɛ Lawa a zaman nɛ, Lawa á re bɛn wen sasawɛɛ. Lawa á re sìi diɛ ǹ ganaa, a giala, á ǹ tii.

Bɔ bɛ̀rɛbaa nɛ 11:8

Bɛa biikoo li kəni, a kiodɛnan kɛn lɛn tá re die ma ganaa, ǹ kaa tán ma yɔrɔ-a, ǹ pɛ: «Soo, n laanka zaman kɛ lɛ tumaa nɛ n kio. Ma á re soe fufuu.» Muizu foo bɛ́ yoo-n parsiini, á soo á n bɔ Faarahɔn li.

Suusun 10:9

Min pepere n yiri n giã-n bǎã goon ne. Sɛnɛ min kɔkɔrɔ wɔ n ka dɔlɔ nɛ.

Suusun 27:27

Boen too gigiã, màn mɛn bɛ́ toɛ n bɔ̀nyaa yɛ mɔnaa nɛ, á re n toe kɔnlɛ ka n kion minin laanka n dí-nyalin ni.

Izayii 30:17

Zɔ́ɔ goon dinsɔɔ̃ n die nyɛ́ɛ diɛ ka ganaa, a kaa min duu goon gɔ̀nɔn da bìn diɛ ganaa. Zɔ́ɔ sooro n die nyɛ́ɛ diɛ ka ganaa, ka tumaa baa si. A giala nyɔmɔɔ li, kaa min mɛnɛn bɛ́ re goɛ̃, bɛn man die n biɛ ka sii giala pɛ ǹ màn bɛ́ lɔn kele mìi ni, ka zanzan bɛ́ lɔn tenten la.

Izayii 7:2

Lɛ dia dɔ Davida tɔrɔ Ahaazi ganaa, ka a kiodɛnan tumaa nɛ, mà Siirii minin nə́ wɔ Efrayimu gána nɛ. Bɛa kibərə lɛ bìn da kii laanka a zaman ganaa parsiini ka piɛ̃ bɛ́ bìn diɛ da ganaa lɔn.

Zeremii 20:4

Bɛ lɛ nɛ, Dɛnaa Lawa a da ǹ boo á ke: «Ma á re nyɛ́ɛ kiɛ ka ganaa, n laanka n giaáran nɛ. Ǹ tá re mɛnɛɛ ǹ zɔ́ɔn gɔya sa nyɛɛnɛ, ǹ gã n din yɔrɔ-a. Man die Zudaa min tumaa we Baabiloniin kii gɔn. Á re ǹ goɛ a wo ǹ ne a gána nɛ, a ǹ dɛ ka gɔya sa nɛ.

Lawa a wúlu-bɔlen 26:17

Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

Lawa a wúlu-bɔlen 26:36

Kaa min mɛnɛn yii bɛ́ re goɛ̃ koo, ma á re foo biɛ niɛ diɛ bɛn ganaa, kaa zɔ́ɔn lɛn gána nɛ. Ta da luu na á na lon á mɛnaa, ǹ tá re n gòã diɛ baa nɛ. Ǹ tá re baa sii ka min nə ǹ kio ka gɔya sa nɛ. Ǹ tá re boe bɛ̀ ǹ nə n duduwəə tán min dɔ ná a bie ǹ lui wa.

Nya ǹ dín 14:3

Ka bɛ din yii ni, Pooli laanka Barnabaasi goã Ikoniɔmu kiwi ǹ nə́ biikoo kɔ́n zɛnaa. Ǹ foo bɛ́ doa-n Dɛnaa ganaa, ǹ nə́ Dɛnaa a boo kɛ pɛ ka foo tãbaa nɛ. Dɛnaa din toa ǹ nə́ kaãbaa ǹ sii sonbore zɛnaa, á nyaa ka bɛn nɛ, mà ǹ boo lɛ n sonbore lɛa.

Nya ǹ dín 4:13

Zuifun sii yɔrɔ-bɔlen lɛn bɛ́ ǹ nə́ Piɛrɛ laanka ZAÃ a foo doa kɛ yɛ, ǹ yiri gisĩ a nɛ, mà ǹ ba màn kɔ́n lɛa wa, mà ǹ daraa gole dɔ din wɔ wa, bɛ kaãbaa da ǹ-a parsiini. Maǹ nə́ goã ǹ doɛ̃ Yezu a koa-kun wolen lɛa.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 28:7

Bɛ̀ kaa zɔ́ɔn nə́ yoo ka gialaa, Dɛnaa Lawa á re toɛ ka boo ǹ la. Bɛ̀ ǹ nə́ kɔ zii goon lɛ ǹ nə́ daa ka gialaa, ǹ tá re sasawɛɛ ǹ zii sɔbaa saa, ǹ nə́ baa sii ka nyɛɛnɛ.

Tesaloniki1 2:2

Ǹ nə́ fuu nyaa wɔ nɛ Filipi kiwi bɔrɔ, ǹ nə́ sɔ kakaa wɔ la, ka á bɛ doɛ̃. Sɛnɛ bɛ lɛ kio, wɔa Lawa wusoo á foo tãbaa kɔ wɔ la, mà yǎa wɔ a Boo Tii Kɔɔ̃n kɛ pii ka nɛ, haalɛ ta wɔa zɔ́ɔn ba nɛn wa.