Suusun 27:18 - LAWA A BOO SONBORE

¹⁸ Bɛ̀ n nə́ n da gɔnɔn kũ, ń tá re a nɛ bii. Dí-nyali mɛn bɛ́ a mìilandɛnaa guguru koe, ǹ tá re a tɔ boe.

LAWA A BOO SONBORE 2011

¹⁸ Bɛ̀ n nə́ n da gɔnɔn kũ, ń tá re a nɛ bii. Dí-nyali mɛn bɛ́ a mìilandɛnaa guguru koe, ǹ tá re a tɔ boe.

Suusun 27:18 ပူးပေါင်းရင်းမြစ်များ

Kiin2 18:31

Ka baran n too kɔ Ezekiasi lon wa, a giala Asiirii gána a kii lɛn pii kɛnɛn: «Ka giaárabaa zɛnaa ka masɛ nɛ, ka n dinin kɔ ma la, didie tá re a *rezɛ̃ da wuru a nɛ bii, didie tá re a gɔ́rɔ da nɛ bii, didie na a nyankɔrɔ zuzulu mu mii,

Kiin2 3:11

Kii Zozafati nɔ̀n da: «Dɛnaa Lawa a boo gii-dali ba kànaa, wɔ n boe la wɔ n doa a ganaa, a nɔ̀n da Dɛnaa Lawa la wa?» Izirayeli gána a kii a dí-nyali goon boo saa á pɛ: «Safati a nɛgiĩ Yiliizee lɛ, á goã dí nyɛɛ Yilii giulun, bɛ tá kànaa.»

Kiin2 5:25

Geazi dinmaa kiɛ̃ á daa golee a dɛnaagiĩ li. Yiliizee tɔ́n nɔ̀n da la: «Geazi, ma n boe maa?» Geazi ná a lɛ si: «Ma wo bǎã kɔn nɛ wa.»

Kiin2 5:27

Sɛnɛ, Naaman a gɔ̀nɔn ki busu babaraa lɛ n die n din kuĩ denden n laanka n tɔrɔn nɛ, yǎa miɛ̃ duduu.» Bɛ kio, Geazi kiɛ̃ á n bɔ Yiliizee li. Geazi goã gɔ̀nɔn ki busu babaraa dɛnaa lɛa, á kũ á fu kɔ ka koara nɛ.

Loen 123:2

Bɛ̀rɛgiĩ bɛ́ n yii diɛ a goledɛnaa gɔn li lɔn, bɛ̀rɛlɔ bɛ́ n yii diɛ a goledɛnaa gɔn li lɔn, Dɛnaa Lawa wɔa Lawa, wɔ dɔn manə n yii diɛ n dɔ gɔn li miɛ̃, wáa n da makara bɔ wɔ ganaa.

Bɔ bɛ̀rɛbaa nɛ 24:13

Á yoo, ka a kiodɛnaa Zozoe ne, ǹ nə́ dii Lawa a kele lɛ la.

Suusun 17:2

Nɛgiĩ mɛn bɛ́ sìi diɛ, dí-nyali sonbore á re a bǎã siɛ. Á re kíɛ̃ gii kɔn ka ǹ dɔɔ̃nɔn nɛ.

Suusun 22:29

Min mɛn bɛ́ dí nyɛɛ sɔnbɔraanɛ, ga bɛa dɛnaa ganaa. Á boe la a wo n din nyaa kii ni, bɛ á soɛ a giã minin bii, ǹ nə́ ǹ ba ǹ mɛnɛn doɛ̃ wa.

Suusun 27:17

Fɔlɔ n fɔlɔ lɛ boe lɔn, a din yɔrɔ goon la, minbuiin nɛ nə ǹ miã yiri fuli.

Suusun 27:19

Mu bɛ́ damalen lɛa yɔrɔ-a lɔn, muinbuiin nɛ dɔ a taasiɛn man miɛ̃ a yɔrɔ nɛ.

Loe kɔɔ̃n kɔɔ̃n 8:12

Ma din gɔn tɔ rezɛ̃ da wuru lɛ n bii-a maa lɛa. Haya! Salomɔn! Duu goon lɛ nə n din wɔ lɛa, min mɛnɛn bɛ́ giɛ da nɛ lɛ walan, bɛn wɔ n biɛpaa.

Izayii 36:16

Ka nyan nə n too kɔ Ezekiasi lon wa. Sɛnɛ, masɛ Asiiriin kii bɛ́ ǹ mɛn pii ka nɛ, ka n too kɔ bɛ li. Ka toa yii-nyɛɛ goã wɔ bii, ka n dinin kɔ ma la. Ka bɛ nɛ, didie tumaa á re a rezɛ̃ nɛ bii ka a gɔ́rɔ da nɛ nɛ, a na a mu dɔǹ mu mi.

Matiə 24:25

Masɛ á ke má pɛ ka nɛ bɛ̀ a biikoo baa doe.

Matiə 24:46

Bɛa dí-nyali mɛn bɛ́ a dɛnaagiĩ wusoo á daa yaa a dí nyɛɛ a yɔrɔ li, bɛ wɔ na á bǐɛ̃ kɔ!

Marki 10:43

Sɛnɛ, bɛ doamaa bie a n zɛnaa ka bii wa. Bɛ̀ kaa min mɛn tá giɛ golebaa li, a doamaa nɛ a n baa kaa dí-nyali lɛa.

Luku 12:37

Bɛa dɛnaagiĩ lɛ a dí-nyalin mɛnɛn bɛ́, á re die yiɛ ǹ yii n koo, bɛn foo á re kɔɔ̃n koe. Sonbore, masɛ n pii ka nɛ, dɛnaagiĩ lɛ din nə die n yɔrɔ boe, a ǹ dininmaan kaa tán, a màn-bii kɔ ǹ la.

Luku 12:42

Dɛnaa ná a lɛ si: – Ga mànan walan wole mɛn bɛ́ bɔlɔgoondɛnaa lɛa, yiri dɔ ná a lon, a dɛnaagiĩ da ǹ miã dí-nyalin mìi la mà a màn-bii gii ǹ ni, a kɔnpɛ a biikoo ne.

Luku 19:17

Á pɛ bɛ nɛ mà á bǐɛ̃ kɔ, dí-nyali sonbore. Mà a bɛ́ á bɔlɔgoondɛnaa baa sii boɛɛn nɛ, mà a giã kiwi fù mìi la kii lɛa.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Nya ǹ dín 10:7

Lon a dia dí-a wole mɛn goã boo diɛ nɛ, bɛ bɛ́ á papaã lɔn gɔrɔ, Kɔrnɛyi lɛ dia a kion minin min paa la, ka sɔraasi nyɛ́ɛbaa Lawa yii-n wole goon ne, min mɛn bɛ́ a dinmaa a dí yɔrɔ-bɔle lɛa haalɛ bibi.

Korɛnti1 3:8

Min mɛn bɛ́ zumi ka min mɛn bɛ́ mu kiɛ a ganaa, maǹ goon. Lawa din nə die ǹ didie a saraa koe la, a nya ǹ dí yii li.

Korɛnti1 9:13

Ka dinin tá doɛ̃, mà min mɛnɛn bɛ́ dí nyɛɛ Lawa a kion, ǹ màn-bii n boe Lawa a kion. Min mɛnɛn dɔn bɛ́ wúlu boe Lawa a *wúlu bɔ ǹ bǎã nɛ, ǹ gii n boe bɛa wúlu bɔ ǹ mànan kɛn lɛn nɛ.

Korɛnti1 9:7

Die n kun ka sɔraasin ni zia-baali lɛa, a ná a din dɔ a màn-bii boe? Die n dù gɔrɔ dí nyɛɛ, a ná a ba a da nɛ bii wa? Hinlaa, die n tɔɔn lɛduĩ, a ná a ba tɔɔn lɛn nyɔ mii wa?

Kolɔɔsi minin 3:22

Bɛ̀rɛn lɛn, ka kaa kanaa a goledɛnan lɛn bɔlɔ si ka sii din tumaa nɛ, ka dí nya ǹ nɛ. Ǹ bɛ́ giɛ ka gɔn li mɛnɛn, bɛa lɛa bie wa. Ka baran zɛnaa, ka n pɛ mà ka n giɛ li, ka kɔɔ̃n kɔ minin ganaa wa. Sɛnɛ, ka zɛnaa ka gɔ́ɔ̃ fu ni, nyɛ́ɛbaa Dɛnaa yii-n wolen sii n ka bɛ nɛ.

Timote2 2:6

Buu-kɔsɔli mɛn bɛ́ á dí nya á nɔmaa, bɛ lɛ n die a wɔ gii yii bibinaanɛ.

Piɛrɛ1 2:18

Bɛ̀rɛn lɛn, ka kaa dɛnaagiĩn bɔlɔ si ka nyɛ́ɛbaa ma yii-n gole ne. Ka baran a sonboren laanka a basiɛ̃ wolen dininsɔɔ̃nɔn bɔlɔ si wa, ka a kakaarɛn dɔn bɔlɔ si.

Piɛrɛ1 2:21

Lawa na á ka bíi bɛ lɛ a lɛa, a giala, *Krita lɛ dɔ na á fuu yɛ kaa lɛa, á bɛ nyaa ka nɛ sii zɛnaa ǹ gɔn lɛa, màn mɛn bɛ́ toɛ, ka kɔ a gòɛ̃ lɛ.

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.