Suusun 23:32 - LAWA A BOO SONBORE

³² Á pii mà a nə n giala nyɔmiɛ̃, a n sɔn doe ka miɛ̃ bɛ́ lɔn, a nə n yagaɛ ka kɔrɔkan bɛ́ lɔn.

LAWA A BOO SONBORE 2011

³² Á pii mà a nə n giala nyɔmiɛ̃, a n sɔn doe ka miɛ̃ bɛ́ lɔn, a nə n yagaɛ ka kɔrɔkan bɛ́ lɔn.

Suusun 23:32 ပူးပေါင်းရင်းမြစ်များ

Zɔbu 20:16

A goã màn mɛn piɛ̃, a n kɔɔsɛ ka miɛ̃ a sèwò ne, a n gɛ̀ dii ka miɛ̃ a sɔn-dɔ nɛ.

Loen 91:13

N tá re tɔ we yàra laanka kɔrɔkan la, n tá re tɔrɛ goe laanka miɛ̃ la.

Bɔ bɛ̀rɛbaa nɛ 7:12

Ǹ gogoonmaa ná a bàlà zũ tán, á n bɔyaa á miɛ̃ baa. Sɛnɛ, Aarɔn a bàlà lɛ miɛ̃ mɛn baa, bɛ nə́ ǹ wɔn lɛn kũ á ǹ mui.

Suusun 20:1

Duvɛ̃ nə min diɛ ǹ miãn yii puusə kɔ ganaa. Yɔ kaka n min diɛ sɛ̀ pɛ ganaa. Min mɛn bɛ́ mii á la a yii ni, bɛa sii-dɔ̃li biɛ wa.

Suusun 5:11

N tɔn kiɛ̃ n ginii wɔ n lɛ nyɔmiɛ̃ biikoo li, bɛ̀ n pàã bɛ á nya.

Boo-laakalaali 10:8

Bɛ̀ n tá yala foɛ̃, ń boe la ǹ mɛnaa a nɛ. Bɛ̀ n tá kungɔn wurii, miɛ̃ á boe la a n kũ.

Izayii 11:8

Nɛnyaan tiɛɛ̃n tá re sàn koe damanti a waa ǹ bǎã nɛ, nɛnyaan boɛɛn tá re n gɔn we kɔrɔkan li yala-n.

Izayii 28:3

Kiwi ke ka kii bafolo bɛ́ lɔn Efrayimu a yɔ-milin kɛn yii li, bɛ n die n yɔyɔrɛ.

Izayii 59:5

Kaa zɛnaa ǹ siin man ka kɔrɔkan gìi bɛ́ lɔn: Bɛ̀ min sɔ̃, a n giɛ̃. Bɛ̀ n gìi lɛ a goon yu, kɔrɔkan nə soe a nɛ.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Zeremii 8:17

Man die miɛ̃ baraan diɛ ka la. Màn kɔn ba re boe la a ǹ kurəə sɔn doe ganaa wa. Maǹ die sɔn doe ka-a. Dɛnaa Lawa a da ǹ boo ne.

Amɔɔsi 5:19

A n die giĩ kɔn wɔ biɛ baa sii yàra nyɛɛnɛ, yǎa a wo n da gòon màn gole kɔsɔ lɛ. A n die giĩ kɔn wɔ biɛ, á woo n dɔ a kion, mà a nə n gɔn doɛ kigiala ganaa, yǎa miɛ̃ sɔn dɔ a ganaa.

Amɔɔsi 9:3

Ta maǹ nə́ woo n duru Karmɛli kele kɛ mìi ni, ma á re woe giɛ ǹ li walan, ma ǹ kũ ma gisĩ ǹ ni. Ta maǹ nə́ n duru masɛ la yìsi mu giulun, ma á re yìsi mu li ǹ miɛ̃ kɛ diɛ ǹ ganaa, bɛ á re sɔn dodoe ǹ ganaa walan.

Rɔmu minin 6:21

Ka ǹ ká wàa là yɛ kəni? Pelo, bɛa siin kɛn lɛn man sìi diɛ ka ganaa, a giala, ǹ giala-nyɔmiɛ n ka gɛ̀ nɛ.

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.