Suusun 23:21 - LAWA A BOO SONBORE

²¹ A giala, doobaabaa n die yɔ-mili babaraan laanka màn-bii a la yii-n wolen yii. Ǹ yoobaa á lɛa maǹ mɔnaa kunun we.

LAWA A BOO SONBORE 2011

²¹ A giala, doobaabaa n die yɔ-mili babaraan laanka màn-bii a la yii-n wolen yii. Ǹ yoobaa á lɛa maǹ mɔnaa kunun we.

Suusun 23:21 ပူးပေါင်းရင်းမြစ်များ

Suusun 18:9

Min mɛn bɛ́ a ba n tele dí li wa, ka min mɛn bɛ́ ziziɛ̃, maǹ nə́ bɔ kɔn li ka dɔɔ̃nɔn bɛ́ lɔn.

Suusun 19:15

Yoobaa n min gù dii, bòo n dí-nyali baãnaa sɛ kuĩ.

Suusun 21:17

Foo sii bɛ́ kɔɔ̃n min mɛn ganaa, á re goɛ̃ doobaa lɛa duduu. Min mɛn bɛ́ mi ǹ màn narɛ ka màn-bii kɔɔ̃n nɛ, bɛa naforo yii wa.

Boo-laakalaali 10:18

Yoobaa taman yii, kala n niɛ̃ a kaa. Gɔn-na taman yii, kion nə mu boe.

Zowɛli 1:5

Yɔ-mili babaraan lɛn, ka yoo ka n lɛ da wuu ni. Duvɛ̃-milin lɛn, ka tumaa nə n lɛ dɛ koe! A giala, ǹ nə́ duvɛ̃ dii kɛ nafɔ̃ ǹ nə́ bɔ ka lɛ-a.

Matiə 11:19

Min a Nɛgiĩ dɔ na á daa, asɛ n màn bii, a n màn mii, minin man a gialaa pii: «Ka ga, giĩ kɛ-a, nàndɛnaa nɛ, a ba kiɛ̃ ka duvɛ̃ dɔ-n wa, wusuru-silin man a giaáran lɛa ka sii baraa-zɛnaali kɔsɔn dɔn nɛ!» Sii bǐɛ̃ mɛn nə yɛ wɔsɛn nya ǹ dín gɔ́ɔ̃ nɛ, bɛ lɛ n Lawa a yiridɛnaabaa nyɛɛ.

Korɛnti1 5:11

Man máa min mɛn tumaa bɛ́ ka Lawa nyankɔ ǹ tɔ ná a ganaa, a n din kũ doɛ̃baã wole lɛa, a n yii bɔ miã gɔn màn li wole lɛa, a n dì wúlu-bɔle lɛa, a n minin tɔ-ziziɛ̃li lɛa, a n yɔ-mili baraa lɛa, á n wurumu lɛa, ka nyan kaa sii kɔ́n kaa kun ka bɛn nɛ wa. Ka a kɔnboe, ka màn din bii kun ka bɛ miã min kɛ-n wa.

Korɛnti1 6:10

wurumun ni ka yii bɔ miã gɔn màn li wolen ne, yɔ-mili baraan nɛ, minin tɔ-ziziɛ̃lin ni, ka waa zii-a wolen ne, bɛa min kɛ kɔ́n ba re bǎã yii Lawa a kiibaa-n wa.

Galaasi minin 5:21

Maǹ yii bɔ miãn gɔn màn li wolen lɛa, ǹ nə́ n dinin koe yɔ mi á la yii-n la, ǹ nə́ basaã-kɔlen lɛa, ka bɛ miã sii kɔsɔn dɔn nɛ. Man wusii ka yiri diɛ a-n kanna doo, ka ma bɛ́ má pɛ ka-n lɔn lɛlɛ, máa bɛ miã min kɛ kɔ́n ba *Lawa a kiibaa ǹ bǎã yii kíɛ̃ lɛa wa.

Timəə dí-pɛn 21:20

Ǹ pɛ min golen lɛn manɛ kɛnɛn: «Wɔsɛn nɛgiĩ á ke, too kaka-a nɛ, piã wɔle ne, a ba n too koe wɔsɛn lon wa. A dí n ka màn-bii laanka yɔ-mii dinsɔɔ̃ nɛ.»

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.