Suusun 23:20 - LAWA A BOO SONBORE

²⁰ Min mɛnɛn bɛ́ yɔ mii á la yii ni, ǹ nə́ siĩ soɛ̃ á la yii ni, n nyan koa kun ka bɛn nɛ wa.

LAWA A BOO SONBORE 2011

²⁰ Min mɛnɛn bɛ́ yɔ mii á la yii ni, ǹ nə́ siĩ soɛ̃ á la yii ni, n nyan koa kun ka bɛn nɛ wa.

Suusun 23:20 ပူးပေါင်းရင်းမြစ်များ

Suusun 20:1

Duvɛ̃ nə min diɛ ǹ miãn yii puusə kɔ ganaa. Yɔ kaka n min diɛ sɛ̀ pɛ ganaa. Min mɛn bɛ́ mii á la a yii ni, bɛa sii-dɔ̃li biɛ wa.

Suusun 21:17

Foo sii bɛ́ kɔɔ̃n min mɛn ganaa, á re goɛ̃ doobaa lɛa duduu. Min mɛn bɛ́ mi ǹ màn narɛ ka màn-bii kɔɔ̃n nɛ, bɛa naforo yii wa.

Suusun 23:2

Bɛ̀ ń tá màn bii á la yii ni, màn bɔ lɛ.

Suusun 28:7

Nɛnyaan mɛn bɛ́ koe dí-pɛn lɛ, yiridɛnaa nɛ. Sɛnɛ, n mɛn bɛ́ koe sii baraa zɛnaa wolen lɛ, a n sìi diɛ ǹ di ganaa.

Izayii 22:13

Sɛnɛ, ka n ka goã nyɛnyɛɛ laanka foo kɔɔ̃nbaa la. Minin man diin dii, ǹ sèren dɛ. Maǹ siĩ soɛ̃, ǹ duvɛ̃ mi. Ka n pii: «Wɔ n màn bii wɔ màn mi a giala, biɛ̃ wɔ n die giɛ̃!»

Izayii 5:11

Min mɛnɛn bɛ́ baa sii yɔ kakaarɛn kio baayɛlɛ yiisoone, wasamiɛn nɛ, ǹ nə n gù fore ka duvɛ̃ nɛ yǎa làan nə koe, bɛn wɔ n ka bɔ̀n nɛ!

Izayii 5:22

Yɔ-mili zanbian lɛn, kaa wɔ n ka bɔ̀n nɛ! Yɔ kakaarɛ mili lɔlɛkɔn wolen, ka dɔn wɔ n ka bɔ̀n nɛ!

Matiə 24:49

a n die yui a bɔ a mɛ ǹ miãn la a n məməə, a màn bii, a màn mi kun ka yɔ-mili babaraan nɛ.

Luku 15:13

Lɛawaa dan kɔ́n bɛ kio, nɛgiĩ boɛɛndɛnaa lɛ ná a kíɛ̃ lɛ yii sã, á woo ka a wɔrɔ-n gána sɔsɔɔ kɔ́n nɛ. A ná a wɔrɔ lɛ yii ziziɛ̃ walan sii kooron zɛnaa ganaa.

Luku 16:19

«Giĩ goon na á goã, a n pàãma lɛa. A na á goã mɔnaa sonbore sonboren we. A na á goã zɔ́n màn-bii zɛnɛɛ baraabaraa.

Luku 21:34

Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Rɔmu minin 13:13

Ka daa wɔ tɔ pepere wɔ, ka wɔlɔ fúlu minin bɛ́ zɛnɛɛ lɔn. Ka daa wɔ n parabaa ka màn dadaran bii laanka yɔ mii baraa nɛ, ka naarɛbaa laanka kɔkɔrɔbaa nɛ, ka zia laanka foo a wuu pɛ minin li ni.

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.

Timəə dí-pɛn 21:20

Ǹ pɛ min golen lɛn manɛ kɛnɛn: «Wɔsɛn nɛgiĩ á ke, too kaka-a nɛ, piã wɔle ne, a ba n too koe wɔsɛn lon wa. A dí n ka màn-bii laanka yɔ-mii dinsɔɔ̃ nɛ.»