Suusun 18:10 - LAWA A BOO SONBORE

¹⁰ Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

LAWA A BOO SONBORE 2011

¹⁰ Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Suusun 18:10 ပူးပေါင်းရင်းမြစ်များ

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 32:11

Masɛ mɛn bɛ́ n bɛ̀rɛ lɛa, n bǐɛ̃ mɛn tumaa zɛnaa ma nɛ ka bɔlɔgoondɛnaabaa nɛ, ma doamaa bie-n duduu wa! A giala, ma bɛ́ Zurdɛ̃ tà kuri ǹ mɛn waáraa má n woe, bɛ̀ maa bàbàla goon toto kɛ dinsɔɔ̃ n ma gɔn. Sɛnɛ, sisia, ma á ke má n bɔyaa ka gɔn mànan nɛ kuru paa.

Samayeli2 22:2

Dɛnaa Lawa n ma tamaali lɛa, a din nə maa duru ǹ bǎã lɛa, a din nə maa si sii la wole lɛa.

Samayeli2 22:3

Lawa n ma tamaali lɛa, man kiɛ a din yele. A din nə maa goóro lɛa, a din pàã kɛ n ma kirisibiɛ. A din nə maa baa si a duru ǹ bǎã lɛa. E, ma kirisibaali, ń ma kanbaa min kakaarɛn kɛn ganaa.

Samayeli2 22:51

Dɛnaa Lawa din kii mɛn bɔ, a din na á sii dadaran zɛnaa, á gɔ̀lɔ̀baa kɔ la. A din kii mɛn koa, a din na á kɔn-narɛɛ gole nyaa bɛ nɛ, Davida laanka a tɔrɔn manɛ yǎa duduu.

Loen 144:2

A din nə maa dàã lɛa, ma gòãn doa ǹ bǎã kaka nɛ. A din nə ma tamaɛ, a din nə ma boe sii ni. Maa goóro ne, ma nə n duri a din li. A din na á tɔrɔ kɔsɔn kɛn kaa maa pàã giulun.

Loen 18:2

Dɛnaa Lawa, ma tá n narɛ, n din nə ma pàã lɛa.

Loen 20:2

Fuu pinaa, Dɛnaa Lawa die a n lɛ si. Zakɔba a Lawa kɛ die a n tamaa.

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 91:14

Bɛ lɛ n ke Lawa á pii: A bɛ́ ma narɛ parsiini, man die boe sii ni, a bɛ́ ma doɛ̃, bɛ lɛ-n ma á re tamaɛ.

Loen 91:2

bɛ á boe la a pɛ Dɛnaa Lawa-n kɛnɛn: N din nə maa duru ǹ bǎã lɛa, man kiɛ n din yele, maa Lawa nə n nɛ, ma foo n doa nɛ n ganaa.

Bɔ bɛ̀rɛbaa nɛ 6:3

Má n din nyaa Abrahamu ni, Izaaki laanka Zakɔba nɛ, "Lawa Pàãyiidɛnaa" lɛa, sɛnɛ, ma tɔ ke "Dɛnaa" ke, man din nyaa ǹ nɛ ka bɛ-n wa.

Suusun 14:26

Min mɛn bɛ́ Dɛnaa Lawa guguru koe, a yiri n bǎã goon ne. A giala, Dɛnaa Lawa na a nɛnyaanan tamɛɛ.

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Izayii 26:4

Ka n foo doa Dɛnaa Lawa ganaa yǎa duduu. A giala, a din nə gɛ̀fu kaka lɛa, a na a tan duduu.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 23:6

Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Abakuku 3:19

Dɛnaa Lawa n ma pàã lɛa. Á ma gù kaa ka yuùn bɛ́ lɔn. A n toɛ ma á tɔ woe kelen mìi ni. Ǹ loe mɛn lɔ LOE-saalin goledɛnaa wɔ lɛa, ǹ nə́ da zii ka loe lɔ ǹ mànan nɛ, biɛn nə́ ǹ ganaa.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Sii-nyaan 1:8

Wɔa Dɛnaa Lawa mɛn bɛ́ á goã a tan, a na a tan, a n die die, a n Pàãyiidɛnaa lɛa, bɛ́ pɛ: «Ma din nə bibinaa lɛa, ma din nə giala-nyɔmɔɔ dɔ lɛa.»

Samayeli1 17:45

Davida pɛ Filisiti min lɛ nɛ: «Ma n die masɛ ganaa ka gɔya sa laanka sɛmiɛ̃n nɛ, sɛnɛ, masɛ n die n ganaa ka Dɛnaa Lawa Pàãyiidɛnaa tɔ nɛ. Ma nə n sɔ kɔ a din lɛ ganaa, Izirayeli minin Lawa lɛ.

Samayeli1 30:6

Nyɛ́ɛ gole goã Davida ganaa, a giala, minin lɛn man nə́ goã pii, mà ǹ dɛ ka kɔlɔ nɛ. Didie foo na á goã busi parsiini bɛ̀ á n yiri kɔ ka a nɛgininin laanka a nɛlɔn nɛ. Sɛnɛ, Dɛnaa Lawa barka nɛ, Davida a Lawa lɛ, Davida foo wusoo á taã.