Suusun 15:8 - LAWA A BOO SONBORE

⁸ Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

LAWA A BOO SONBORE 2011

⁸ Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Suusun 15:8 ပူးပေါင်းရင်းမြစ်များ

Samayeli2 15:12

Abusalɔn bɛ́ wúlu mànan lɛn dii ǹ mɛn waáraa, á minin dia Giloo kiwi, mà ǹ wo lɛ dia Giloon giĩ Ayitofɛli la. Bɛa giĩ lɛ na á goã yiri koe Davida la. Abusalɔn a minin lɛn nə́ daa ǹ nə́ mɔnaa. Ǹ kɔn wɔ ma lɛ pàã daa á gole kɔ, kii lɛ a bɔ a daa boo wɔ paǹ li.

Kiin1 3:10

Salomɔn a nyankɔ lɛ kɔɔ̃n kɔ Dɛnaa ganaa.

Loen 141:2

Toa maa nyankɔ dii n din li, ka nyɔɔ gìĩ kɔɔ̃n bɛ́ lɔn. Ma gɔn tá n la, ma gɔn si, ka wasamiɛ̃n a *wúlu màn bɛ́ lɔn.

Loen 17:1

Davida a Lawa nyankɔ. Dɛnaa Lawa, sonbore pɛ n kɔ ma la! N too kɔ doɛ̃, n maa nyankɔ ma, ma nə n nyankoe ma gɔ́ɔ̃ n fu.

Suusun 10:24

Sii baraa-zɛnaali bɛ́ nyɛ́ɛ biɛ sii mɛn nɛ, bɛ lɛ n die yii. Sɛnɛ, sii sonbore-zɛnaali bɛ́ zoɛ̃ màn mɛn li, Dɛnaa Lawa n bɛ koe la.

Suusun 15:29

Dɛnaa Lawa wɔlɔ n sɔsɔɔ min baraan ganaa. Sɛnɛ, a nə n too koe sii sonbore-zɛnaalin nyankɔ li.

Suusun 15:7

Sii-dɔ̃li lɛ n doɛ̃ pɛsɛ̃ sɛnɛ, yiriwɛɛnaa foo n màn tɔrɔ kɔsɔ lɛa.

Suusun 21:27

Min baraan wúlu màn nə màn bɔnɛɛ lɛa, sanparɛ bɛ́ ǹ nə́ zɛnaa ka gɔ́ɔ̃ tìbaa nɛ.

Suusun 21:3

Giã ǹ gɔn sonbore, a n pepere, á kiɛ Dɛnaa Lawa foo la á la *wúlu màn nɛ.

Suusun 28:9

Min mɛn bɛ́ n too tiɛ̃ màn mɛn bɛ́ toɛ a nyan dí-pɛn ma wa, a Lawa nyankɔ dɔ din nə sii bɔbɔnɛɛ lɛa.

Boo-laakalaali 5:1

N baran saa lɛlɛ, n boo da wa. Boo baran n si n lɛ la, Lawa yɔrɔ-a wa. A giala, Lawa n lon, nsɛ n tán. Bɛ lɛ nɛ, n boo baran toa a mɔnaa wa.

Loe kɔɔ̃n kɔɔ̃n 2:14

Maa paa ǹ wɔ, nsɛ mɛn bɛ́ ka zɛrɛkantoan nə gɛ̀fu yala-n, durii-n kele kɔ́sɔ nɛ, da bɔ, ma n yɛ, da bɔ, ma n bɔlɔ ma. A giala n lɛn gɔ́ɔ̃ lɛ á kɔɔ̃nɛ, n yɔrɔ dɔ á siĩn parɛ.»

Izayii 61:8

Taãn nɛ, kɔ sonborebaa lɛ n kɔɔ̃n masɛ Dɛnaa Lawa ganaa. Sɛnɛ, wurumubaa mɛn bɛ́ naa-n kɔn ka gɛ̀ dɛ nɛ, ma a golee bɛ li wa. Ma á re ka sarɛɛ ka peperebaa nɛ, ma á re lɛ kɔ kɔn la we ka ka nɛ, yǎa duduu.»

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Zeremii 6:20

Ka bɛ́ boe da yon gìĩ kɔɔ̃n nɛ Sabaa ka n die ne, ka gána sɔsɔɔ buu gìĩ kɔɔ̃n kɛ nɛ masɛ wɔ lɛa, bɛ là n ka wàa-n kəni? Kaa *wúlu màn tiɛ̃n kɛn, ma ba ǹ li wa. Kaa wúlu mànan kɛn ba kɔɔ̃n ma ganaa wa.

Lawa a wúlu-bɔlen 7:18

A lɛawaa sɔɔbaa ǹ wɔ pinaa, bɛ̀ ǹ dɛnaa nə́ n tã la, á ná a barka da Lawa nɛ ǹ wúlu màn lɛ a siĩ sɔ̃, Lawa ba a lɛ sii doo wa. Bɛa dɛnaa a wúlu màn na á ziziɛ̃. Bɛ̀ min mɛn dɔ́ bɛa siĩ lɛ sɔ̃, bɛa dɛnaa a sii baraa a dɔlɔ na a din mìi ni.

Misee 6:6

Wɔ n die woe golee Dɛnaa Lawa yɔrɔ-a ka wàa nɛ? Wɔ n die woe lon a Lawa guguru koe ka wàa nɛ? Wɔ n die woe ka lɛ̀ goon diin nɛn nɛ, wɔ bɛn baa *wúlu màn tiɛ̃ lɛa kəni?

Misee 6:7

Dɛnaa Lawa n giɛ sère gɔ̀lɔ̀ duu damata li wúlu màn lɛa? Hinlaa a n giɛ nyɔɔ gigiã li? Ma doamaa-n ma maa nɛgiĩ bibinaa kɔ, maa bɔlɔ-tii kɛa lɛa? Ma doamaa-n ma maa yɛ ǹ nɛ kɔ, maa sii baraan kɛn lɛa?

Azee 2:14

Azee tɔ́n wusoo a boo saa á pɛ ǹ nɛ: «Zaman kɛ n miɛ̃. Tɔrɔ kɛ n miɛ̃ masɛ yɔrɔ-a. Ǹ gɔn màn tumaa dɔ n miɛ̃ ǹ bɛ́ màn mɛn yii koe masɛ la, a tumaa n gɔgɔrɛ». Dɛnaa Lawa a da ǹ boo ne.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Zaã a sɛ́wɔ 4:24

Lawa n yiri màn lɛa, min yii a yii wa. Bɛ lɛ na á toa, min mɛnɛn bɛ́ a guguru koe, bɛn doamaa nɛ, ǹ na a guguru kɔ a yɔrɔ sonbore li, ka Lawa a Yiri Fu bɛ́ nyɛɛ ǹ nɛ lɔn.»