Suusun 15:32 - LAWA A BOO SONBORE

³² Min mɛn bɛ́ n piɛ̃ ka gɔn waa ma-n nɛ, a nə n din puusə koe. Sɛnɛ, min mɛn bɛ́ lɛ koe doroon ganaa, bɛa dɛnaa n sii-dɔ̃li biɛ.

LAWA A BOO SONBORE 2011

³² Min mɛn bɛ́ n piɛ̃ ka gɔn waa ma-n nɛ, a nə n din puusə koe. Sɛnɛ, min mɛn bɛ́ lɛ koe doroon ganaa, bɛa dɛnaa n sii-dɔ̃li biɛ.

Suusun 15:32 ပူးပေါင်းရင်းမြစ်များ

Loen 50:17

N bɛ́ ń maa doroo tii, ń nə́ n piã ka maa boo ne.

Suusun 1:7

Nyɛ́ɛbaa Dɛnaa Lawa yii ni n sii-doɛ̃ a giala kɔ ǹ bǎã lɛa. Min mɛnɛn laadoo bɛ́ a bie ka bɛa daraan laanka bɛa doroon kɛn nɛ wa, baãnaan manɛ.

Suusun 10:17

Min mɛn bɛ́ lɛ koe gɔn waa ma-n ganaa, bɛ n yiikoonaabaa ǹ zii la. Sɛnɛ min mɛn bɛ́ a lɛ koe doroo ganaa wa, bɛ n papaã ǹ zii la.

Suusun 13:18

Min mɛnɛn bɛ́ n piɛ̃ ka doroo ne, doobaabaa laanka sìi n bɛn wɔ lɛa. Sɛnɛ, min mɛnɛn bɛ lɛ koe doroon ganaa, yii gugurubaa n bɛn wɔ lɛa.

Suusun 15:14

Min mɛn bɛ́ taasiɛ we, a n giɛ doɛ̃ li. Sɛnɛ, baãnaa nə n din toe ka sii kooron ne.

Suusun 15:21

Baãnaa foo n kɔɔ̃nɛ ka gaãnaabaa ǹ sii zɛnaa nɛ. Sɛnɛ, min mɛn bɛ́ yiridɛnaa lɛa, a n tɔ we zii pepere la.

Suusun 15:31

Min mɛn bɛ́ n too koe doroon li, n doe min lɛ, bɛa dɛnaa á re goɛ̃ kun sii-dɔ̃lin ni.

Suusun 15:33

Nyɛ́ɛbaa Dɛnaa Lawa yii ni n min darɛɛ sii-doɛ̃ ganaa. Bɛ̀ n tá zoɛ̃ yii gugurubaa li, yǎa n nə n din boɛɛn koe.

Suusun 15:5

Nɛnyaan yiriwɛɛnaa laadoo bie ka ǹ di a doroo-n wa. Sɛnɛ ǹ mɛn bɛ́ n too koe a gɔn waa ǹ boo li, bɛ n sii-dɔ̃li lɛa.

Suusun 17:16

Wɔrɔ n wàa bǐɛ̃ koe baãnaa gɔn? A yiri woorobaa yɛ nɛ? Bɛ boo bie wa. Á gaãnaa lɛa bɛ ganaa.

Suusun 18:15

Min yiridɛnaa n giɛ doɛ̃ li, sii-dɔ̃li too n zoɛ̃ li.

Suusun 19:20

N too kɔ doroo li, n lɛ kɔ daraa ganaa. Ka bɛ nɛ, n tá re sii-doɛ̃ yii.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Boo-laakalaali 7:5

Sii-dɔ̃li a min zɛ̀rɛ baa á soɛ, baãnaa a min laakalaa nɛ.

Izayii 1:5

N mìi tumaa n busulɛ lɛa, n foo tumaa zɔzɔɔ. Man die boe la ma n dɛ n paǹ mɛn kɔsɔ-a doo nsɛ mɛn bɛ́ tɔn nə n gòãn dii gɔ́ɔ̃ nɛ?

Izayii 3:9

Ǹ yɔrɔ gɔ́ɔ̃ din nə ǹ zɛnaa ǹ siin nyɛɛ. Ǹ ba ǹ sii baraan duri wa, maǹ nə ǹ pii ǹ lɛ-a ka Sodɔmu minin wɔ bɛ́ lɔn. Koe n ka kɛ nɛ, maǹ bɔ̀n yɔrɔ boe ǹ dinin wɔ lɛa.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Timəə dí-pɛn 21:18

Bɛ̀ nɛgiĩ too kaka-a piã wole ta giĩ mɛn lon, haalɛ ta ǹ di laanka ǹ dan dɛ, a ná a ba n too koe ǹ boo li wa,

Timəə dí-pɛn 21:20

Ǹ pɛ min golen lɛn manɛ kɛnɛn: «Wɔsɛn nɛgiĩ á ke, too kaka-a nɛ, piã wɔle ne, a ba n too koe wɔsɛn lon wa. A dí n ka màn-bii laanka yɔ-mii dinsɔɔ̃ nɛ.»

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Zaaki 1:22

Ka toa ka tɔ wɔ, a kɔnpɛ ka Lawa a boo lɛ-n ka tɛrɛɛnɛ. Ka baran n too kɔ a ganaa kooro, ka ka dinin bebele wa.

Sii-nyaan 3:19

«Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.