Suusun 15:27 - LAWA A BOO SONBORE

²⁷ Min mɛn bɛ́ baa sii wɔrɔ kio, a n koe lɛa a kion ganaa. Sɛnɛ, min mɛn bɛ́ a lɛ koe lɛ pii ǹ màn ganaa wa, á re nyin sasa yii.

LAWA A BOO SONBORE 2011

²⁷ Min mɛn bɛ́ baa sii wɔrɔ kio, a n koe lɛa a kion ganaa. Sɛnɛ, min mɛn bɛ́ a lɛ koe lɛ pii ǹ màn ganaa wa, á re nyin sasa yii.

Suusun 15:27 ပူးပေါင်းရင်းမြစ်များ

Kiin1 2:40

Simeyii yoo, á kɛkɛrɛ da a dundun dɔ̀ɔ̃ nɛ, á woo ga a bɛ̀rɛn lɛn li Akiisi li Gaati gána nɛ. Simeyii ná a bɛ̀rɛn lɛn yɛ Gaati. A dɔ laanka a bɔyaa na á goã goon.

Kiin2 5:27

Sɛnɛ, Naaman a gɔ̀nɔn ki busu babaraa lɛ n die n din kuĩ denden n laanka n tɔrɔn nɛ, yǎa miɛ̃ duduu.» Bɛ kio, Geazi kiɛ̃ á n bɔ Yiliizee li. Geazi goã gɔ̀nɔn ki busu babaraa dɛnaa lɛa, á kũ á fu kɔ ka koara nɛ.

Loen 15:5

A giɔ̀mɔ diɛ min ganaa a ga là li wa. A màn sii min la a zɛ̀rɛbaãnaa da sii-n wa. Min mɛn bɛ́ zɛnɛɛ miɛ̃, ǹ dɛnaa a sii kɔn ba talɛɛ wa.

Bɔ bɛ̀rɛbaa nɛ 18:21

Sɛnɛ, bɛ tumaa kio, toa n min barkadɛnan dɔ̃ zaman lɛ bii, nyɛ́ɛ baa Lawa-n wolen lɛa, foo n doa nɛ ǹ ganaa. Ǹ bɛ́ ǹ ba boe la, ǹ min mɛnɛn lɛ pii wa, n bɛn bɔ, n nə ǹ koa zaman lɛ mìi la kiin lɛa, min duu gogoon (1 000) mìi la ka min paabibiɛ nɛ, ka min poposooro ne, ka min fùfù ni.

Bɔ bɛ̀rɛbaa nɛ 23:8

Ka baran toa ǹ ka lɛ pii ka min gɔ ǹ mànan nɛ wa. A giala, bɛa mànan kɛn lɛn man, haalɛ min sii-dɔ̃lin yii tiɛ̃ sonbore ganaa, a min peperen sii yɔrɔ-bɔ lɔlɔkɔn.

Suusun 1:19

Taãn nɛ, á ke, min mɛnɛn bɛ́ mɛnɛɛ minin la, sii mɛn bɛ́ re ǹ yii, gɛ̀ nɛ.

Suusun 11:19

Bɛ̀ min mɛn gole bǐɛ̃ zɛnaa li, a yii á re goɛ̃ koo. Min mɛn bɛ́ baa sii sii baraa kio, bɛ n die giɛ̃.

Suusun 11:29

Min mɛn bɛ́ a din a kion lɔlɛkɔn, yiriwɛɛnaa nɛ. Gàãnaa á re sii-dɔ̃li a bɛ̀rɛ biɛ.

Suusun 15:26

Taasiɛ baraa tìĩ n boe ne Dɛnaa Lawa nɛ. Sɛnɛ, boo sonboren man kiɛ a foo la.

Suusun 20:21

Naforo mɛn bɛ́ yii fufuu a giala kɔ waáraa, bɛa laadoo bǐɛ̃ koe biɛ̃ wa.

Suusun 23:4

N nyan nə n din nɔmaa n ga naforo li wa, a taasiɛ lɛ da.

Suusun 28:16

Nyɛɛnaandɛnaa yiriwɛɛnaa a dí n ka minin koã nɛ. Sɛnɛ, bɛ̀ min mɛn nə́ n piã ka mɛnaa minin la nɛ, á re nyin sasa yii.

Suusun 28:25

Min mɛn foo bɛ́ wuu pii, a n zia yiɛ. Sɛnɛ, min mɛn bɛ́ n foo doɛ Dɛnaa Lawa ganaa, á re pàãma biɛ.

Suusun 29:4

Kii mɛn bɛ́ koe dí-pɛn lɛ, a gána a naforon gòã n doɛ. Sɛnɛ, ǹ mɛn bɛ́ nyin giɔ̀mɔ sii á la yii ni, a na a gána yui.

Zeremii 17:11

Min mɛn bɛ́ pàãma biɛ yɔrɔ baraa la, bɛa dɛnaa na á kɔnbɔ ka koo dan nɛ, á waa gìi la, a ná a gìi dɔ da wa. A toa a yii n koo foo kɔɔ̃n la, naforo lɛ nə n gɔn boe a ganaa. A nə n gɔn nyɔmiɛ̃ baãnaa lɛa.

Timəə dí-pɛn 16:19

Ka nyan toa ka sii yɔrɔ bɔ ǹ gɔn ziziɛ̃ wa. Ka nyan bɔnbii-a wɔ wa, ka nyan toa min ka lɛ pii ka màn nɛ wa. A giala, lɛ pii ǹ màn nə sii-dɔ̃lin yii tiɛ̃, a min peperen kaa boo kɔkɔrɔ diɛ ganaa.

Timəə dí-pɛn 7:26

Ka baran bɛa màn bɔbɔnɛɛ kɛ kɔn da kaa kion wa. Bɛ̀ ká bɛ zɛnaa, bɔ̀n tá re ka yii kun. Sonbore, bɛ miã mànan lɛn doamaa nɛ, ǹ nə n tã lenlen. Ka nyan lɛ kɔ ǹ ganaa wa. Ǹ tìĩ doamaa nɛ, a bɔ ka nyin ni.

Timote1 6:10

A giala, wɔrɔ-narɛɛ n sii baraa din tumaa a bɔ ǹ bǎã goon lɛa. Min tɛnɛn nə́ n dinin kɔ a gamali la, bɛn nə́ sã, ǹ nə́ woo sɔsɔɔ ǹ nə́ golee Lawa li toa walan, ǹ nə́ foo-busii gigiã da ǹ dinin ganaa.

Timote1 6:9

Sɛnɛ, min mɛnɛn bɛ́ giɛ màndɛnaabaa li, damagɔ́ɔ̃li ǹ kan lɛ n bɛn kuĩ. Baãnaabaa ǹ foo sii naarɛ gigiã nə ǹ kuĩ. Bɛn lɛn man minin ziziɛ̃, ǹ bɔ̀n da ǹ ganaa.

Zozoe 6:18

Sɛnɛ, kasɛn kɛn nə n dinin kũ. Ka doamaa bɛ́ nɛ ka mànan mɛnɛn ziziɛ̃ lenlen, ka nyan toa ka yii bɔ bɛ kɔn li ka saa wa. Bɛ̀ ká bɛ mɛn saa, ka n ka koe bɔ Izirayeli zaman ganaa, ka sii dɛ ka kaa ǹ ganaa.

Samayeli1 12:3

Ma á ke! Bɛ̀ má sii kɔn la, ka ma biɛ kɔ Dɛnaa Lawa yɔrɔ-a, ka kii kɛ nɛ Dɛnaa Lawa din bɔ. Man má die a dii hinlaa a dundun si la? Man má mɛnaa die la hinlaa man má bɔ die yii ni? Die na á masɛ lɛ pii, má kiɛ̃ ǹ dɛnaa sii la? Ka pɛ, ma á sarɛɛ.»