Suusun 15:26 - LAWA A BOO SONBORE

²⁶ Taasiɛ baraa tìĩ n boe ne Dɛnaa Lawa nɛ. Sɛnɛ, boo sonboren man kiɛ a foo la.

LAWA A BOO SONBORE 2011

²⁶ Taasiɛ baraa tìĩ n boe ne Dɛnaa Lawa nɛ. Sɛnɛ, boo sonboren man kiɛ a foo la.

Suusun 15:26 ပူးပေါင်းရင်းမြစ်များ

Loen 19:14

Ka bɛ dɔ nɛ, ma kanbaa din gole-kɔlen kɛn ganaa, n nyan toa ǹ boo ma la wa. Bɛ lɛ n die toɛ maa sii lɛ pã, bɛ lɛ n die ma kanbiɛ sii baraa gole ganaa.

Loen 45:1

Koore a minin loe. A n boe loe-saalin goledɛnaa a sɛ́wɔ nɛ. A nə n loe tùtu wuu li. Kɔn narɛ ǹ loe ne.

Suusun 11:20

Min mɛnɛn gɔ́ɔ̃ bɛ́ tì, ǹ tìĩ n boe-n Dɛnaa Lawa nɛ. Sɛnɛ, a n min peperen narɛ.

Suusun 15:23

Lɛ si ǹ boo sonbore n foo kɔɔ̃n koe. Bɛ̀ boo nə n da á kɔnpɛ a biikoo ne, bɛ n sii bǐɛ̃ lɛa.

Suusun 15:25

Dɛnaa Lawa n din gole-kɔlen kion yui. Sɛnɛ, a n lɔ giɔɔrɔ a wuru tamɛɛ.

Suusun 15:27

Min mɛn bɛ́ baa sii wɔrɔ kio, a n koe lɛa a kion ganaa. Sɛnɛ, min mɛn bɛ́ a lɛ koe lɛ pii ǹ màn ganaa wa, á re nyin sasa yii.

Suusun 16:24

Boo kɔɔ̃n nə ka zoo nyɔɔ bɛ́ lɔn, a n foo basɛ̃, a n gɔ̀nɔn bǐɛ̃ koe.

Suusun 24:9

Yiriwɛɛnaa a taasiɛ tumaa n doa nɛ sii baraa ganaa. Min mɛn bɛ́ yaa we sii tumaa ganaa, a tìĩ boemaa-n min tumaa nɛ.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Matiə 15:19

A giala, taasiɛ naarɛn lɛn man boe a foo ne, bɛn lɛn man diɛ gɛ̀ dɛ ganaa, ka naarɛbaa nɛ, ka kɔrɔbaa nɛ, ka wurumubaa nɛ, ka soɛ-bɔ nɛ, ka min kɔsɔ tɔ ziziɛ̃ nɛ.