Suusun 15:15 - LAWA A BOO SONBORE

¹⁵ Doobaa a lɛawaa tumaa n baraa. Sɛnɛ, Lawa barka da min mɛn ganaa, lɛawaa tumaa n zɔ́n lɛa bɛ gɔn.

LAWA A BOO SONBORE 2011

¹⁵ Doobaa a lɛawaa tumaa n baraa. Sɛnɛ, Lawa barka da min mɛn ganaa, lɛawaa tumaa n zɔ́n lɛa bɛ gɔn.

Suusun 15:15 ပူးပေါင်းရင်းမြစ်များ

Siin Giala 37:35

A nɛgiĩ gialakunun laanka a nɛlɔn bɛ́, ǹ nə́ daa ǹ mɛn waáraa, mà maǹ a lɛ tiɛ̃, á n piã. A na á goã pii: «Yǎa masɛ yɔrɔ kɔsiɛmaa woe, maa nɛgiĩ lɛ yiɛ geren piɛ.» Ǹ di lɛ na a gɛ̀ wuu pɛ miɛ̃.

Siin Giala 47:9

Zakɔba ná a lɛ si: «Ma lɛ̀ paabiɛ ka pɔsɔɔ (130) n ke bibiə̃ la! Lɛ̀ gigiã bie ma zɛnaa wa, má fuu dɔ́ yɛ ǹ gɔ́ɔ̃ nɛ. Ma digolon nə biikoo mɛn zɛnaa gùlibaa gɔ́ɔ̃ nɛ, maa wɔ dɔ bɛn wɔ li wa.»

Suusun 15:13

Foo kɔɔ̃n nə yɔrɔ kiɛ, sɛnɛ, foo ziziɛ̃ n yiri lɔlɛkɔn.

Suusun 15:14

Min mɛn bɛ́ taasiɛ we, a n giɛ doɛ̃ li. Sɛnɛ, baãnaa nə n din toe ka sii kooron ne.

Suusun 15:16

Màn boɛɛn yɛ n nə́ Lawa guguru kɔ gɔ́ɔ̃ nɛ, bɛ á soɛ pàãmabaa nɛ taasiɛ gɔ́ɔ̃ nɛ.

Suusun 16:22

Bɛ̀ doɛ̃ tá min mɛn gɔn, a n yiikoonaabaa ǹ mu yala lɛa. Sɛnɛ, baãnaan dɔlɔ n ka ǹ baãnaabaa nɛ.

Suusun 17:22

Foo kɔɔ̃n tá boe la a busu nya, sɛnɛ foo ziziɛ̃ n pǎã wɛɛ diɛ.

Nya ǹ dín 16:25

Làan biikoo li Pooli laanka Silaasi Lawa nyankɔ, bɛ̀ ǹ tá loe loe ǹ nə́ Lawa tɔ boe ne. Kòso nɛ gialakunun kɛn nə́ goã n too koe ǹ lon.

Rɔmu minin 12:12

Ka n nyɛnyɛɛ kaa foo-doa kɛ a lɛa. Ka n doa ka fuu si ka ganaa. Ka Lawa nyankɔ ka baran nɔmaa wa.

Rɔmu minin 5:11

Ka bɛ din yii ni, wɔ foo á kɔɔ̃nɛ, a giala, wɔa Dɛnaa Yezu Krita na á daa wɔ bii kɔɔ̃n kɔ kɔn ka Lawa nɛ, wɔ ba Lawa a zɔ́ɔn lɛa doo wa.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 1:5

Sonbore, Krita a fuun lɛn bɛ́ ma yii gigiã lɔn, man foo tãbaa gole dɔ yii miɛ Krita pàã ganaa.

Korɛnti2 6:10

Maǹ ma foo ziziɛ̃, sɛnɛ ma foo dɔ n kɔɔ̃n baraanɛ. Man doobaa lɛa ǹ yii li, sɛnɛ, man min gigiã dɔ biɛ pàãma lɛa. Man gɔn kooro-a lɛa ǹ yii li, sɛnɛ, màn tumaa dɔ n ma gɔn.

Piɛrɛ1 4:13

Sɛnɛ, ka n nyɛnyɛɛ kaa fuu yɛ kun Krita-n kɛ lɛ a lɛa, màn mɛn bɛ́ toɛ, ka foo dɔ kɔɔ̃n kɔ parsiini a din a da ka gugurubaa-n kɛ a pinaa.