Suusun 14:8 - LAWA A BOO SONBORE

⁸ Min mɛn bɛ́ boe a din la, a nə n yiri koɛ a din a zɛnaa ǹ sii li, sii-dɔ̃li ni. Min mɛn yiri bɛ́ á nyaabaa, a nə́ ǹ miãn siɛ̃. Baãnaa nɛ.

LAWA A BOO SONBORE 2011

⁸ Min mɛn bɛ́ boe a din la, a nə n yiri koɛ a din a zɛnaa ǹ sii li, sii-dɔ̃li ni. Min mɛn yiri bɛ́ á nyaabaa, a nə́ ǹ miãn siɛ̃. Baãnaa nɛ.

Suusun 14:8 ပူးပေါင်းရင်းမြစ်များ

Loen 111:10

Sii-doɛ̃ nə n giala koe ka nyɛ́ɛ baa Dɛnaa Lawa yii-n ni. Min mɛnɛn tumaa bɛ́ zɛnɛɛ miɛ̃, bɛn man sii-dɔ̃li taãnan lɛa. Gugurubaa n Dɛnaa Lawa wɔ lɛa yǎa duduu.

Loen 119:5

Maa tɔ wɔ ǹ gɔn gɔ́ɔ̃ nɛ, n din ma foo taã, ma boo la ma n foo sii zɛnaa.

Loen 119:73

N din gɔn na á ma zɛnaa, á ma koa lon. Yiri kɔ ma la, ma boo la man daraa n dí-pɛn kɛn ganaa.

Loen 143:8

Bɛ̀ lɛ̀ waa lɔn, n kɔn-narɛɛ gole kɛ nyaa ma nɛ, a giala, ma foo n doa nɛ n din ganaa. Ma doamaa bɛ́ ma zii mɛn saa, bɛ nyaa ma nɛ, a giala, ma yii nə n din la.

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Suusun 12:5

Min sonbore a taasiɛ n doa-n peperebaa ganaa. Min baraa wɔ n ka ǹ miãn sã nɛ.

Suusun 15:21

Baãnaa foo n kɔɔ̃nɛ ka gaãnaabaa ǹ sii zɛnaa nɛ. Sɛnɛ, min mɛn bɛ́ yiridɛnaa lɛa, a n tɔ we zii pepere la.

Suusun 2:9

Bɛ̀ n ma bɔlɔ si, n tá re sonborebaa doɛ̃, bɔlɔgoondɛnaabaa nɛ, ka peperebaa nɛ: Là nyantoro zii ni.

Suusun 8:20

Man tɔ we peperebaa zii la. Zii mɛn bɛ́ ǹ nə́ dí-pɛn tamaɛ la, maa wɔ n ka bɛ nɛ.

Boo-laakalaali 2:13

Ma yii màn mɛn yɛ, bɛ á ke: sii-doɛ̃ tá soɛ gàãnaabaa nɛ, ka wɔlɔ fúlu bɛ́ soɛ wɔlɔ tì-n lɔn.

Boo-laakalaali 2:16

Sonbore, yiri bie re gisĩ ka sii-dɔ̃li ni miɛ̃ duduu wa, yiri bie re gisĩ ni a la gàãnaa-n wa. Sii mɛn bɛ́ n zɛnɛɛ, yiri n die boe ka bɛ tumaa-n gɔrɔ, lɛawaan kɛn gɔ́ɔ̃-n die. Gàãnaa bɛ́ giɛ̃ lɔn, sii-dɔ̃li dɔ n giɛ̃ miɛ̃, bɛ giala?

Zeremii 13:20

Zeruzalɛmu, n yii saa n ga: Zɔ́ɔn man boe gɔsɛ a lɛ̀gɔn li. Ma tɔɔ kuru mɛn koa n li, bɛ á maa? Sèren mɛnɛn nə goã n foo kɔɔ̃n koe, ǹ tá maa?

Korɛnti1 3:19

A giala, kanaa kɛ a sii-doɛ̃ n gàãnaabaa lɛa Lawa yii li. Taãn nɛ, ka a n pɛ Lawa a sɛ́wɔ-n lɔn, «Sii-dɔ̃lin sii-zɛnaan bɛ́ kan mɛn koe, Lawa n die ǹ kuĩ ka bɛa kan lɛ-n gɔrɔ.»

Efɛɛzi minin 4:22

Ka goã gɔ̀nɔn foo siin mɛnɛn zɛnɛɛ, kaa giã ǹ gɔn zizi kɛ nɛ, ka n bɔ bɛn wɔlɔ li. Bɛa gɔ̀nɔn foo siin kɛn lɛn man nə́ goã ka siɛ̃, ǹ nə́ ka ziziɛ̃.

Efɛɛzi minin 5:17

Bɛ lɛ a lɛa, ka baran goã yiri baãnaan lɛa wa. Sɛnɛ, ka n doa, Dɛnaa bɛ́ giɛ li mà ka sii zɛnaa lɔn, ka bɛ giala ma.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Zaaki 3:13

Die n sii doɛ̃ ka bii, yiri ná a lon? Bɛa dɛnaa na a sii-doɛ̃ lɛ nyaa ka a tɔ wɔ ǹ gɔn sonbore ne, ka din-gisiĩ ni a zɛnaa ǹ siin gɔ́ɔ̃ nɛ.