Suusun 14:2 - LAWA A BOO SONBORE

² Min mɛn a yiikoonaabaa bɛ́ pepere, bɛ n nyɛ́ɛbiɛ Dɛnaa Lawa yii ni. Sɛnɛ, min mɛn a giã ǹ gɔn bɛ́ kɔkɔrɔ, bɛ n pɔpɔsɛ.

LAWA A BOO SONBORE 2011

² Min mɛn a yiikoonaabaa bɛ́ pepere, bɛ n nyɛ́ɛbiɛ Dɛnaa Lawa yii ni. Sɛnɛ, min mɛn a giã ǹ gɔn bɛ́ kɔkɔrɔ, bɛ n pɔpɔsɛ.

Suusun 14:2 ပူးပေါင်းရင်းမြစ်များ

Samayeli2 12:9

Wàa na á baa, n tá sàn koe ka Dɛnaa Lawa a boo ne, ń sii zɛnɛɛ, sii mɛn nə́ ke a kɔɔ̃n Lawa ganaa wa? Ń Ɛti tɔrɔ Urii dɛ zia la. N din nə n toa Amɔn tɔrɔn nə́ Urii dɛ. Bɛ kio, ń Urii a lɔ saa ń baa n din wɔ lɛa.

Kiin1 3:6

Salomɔn ná a lɛ si: «Ma di Davida lɛ, n dí-nyali lɛa, ń bǐɛ̃ gole zɛnaa nɛ. A giala, Davida tɔ wɔ kunun n ni ka bɔlɔgoondɛnaabaa nɛ, peperebaa laanka gɔ́ɔ̃ fùbaa nɛ n wɔ paǹ li. Ma nə ń bɛa bǐɛ̃ gole lɛ zɛnaa nɛ, ń nɛgiĩ kɔ la, nɛgiĩ mɛn lɛ á ke a kiibaa lɛ la pelo.

Kiin2 17:34

Pelo, pelo, maǹ tɔn nə ǹ sii zɛnaa ǹ gɔn zizi la. Ǹ ba Dɛnaa Lawa guguru koe wa. Landa boon laanka sii yɔrɔ bɔ ǹ boon mɛnɛn nə ǹ wɔ baa, ǹ ba koe bɛn lɛ wa. Zakɔba mɛn bɛ́ Dɛnaa Lawa ná a tɔ kɔ mà Izirayeli, Dɛnaa Lawa goã á dí-pɛn laanka gɔn waa ǹ boon mɛnɛn kɔ bɛa nɛnyaanan kɛn la, ǹ ba koe bɛn dɔn lɛ wa.

Zɔbu 1:1

Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.

Zɔbu 12:4

Bɛ̀ ma á Lawa nyankoe lɛlɛ, a n ma lɛ sii. Kanna, maa giaáran man ma diɛ yaa lɛa. Masɛ din min pepere zɛ̀rɛbaãnaa lɛ, ǹ nə́ ke ma diɛ yaa lɛa.

Zɔbu 28:28

Bɛ kio á tɔ́n pɛ minbuiin nɛ nɛ: «N nyɛ́ɛ baa Dɛnaa Lawa nɛ, bɛ lɛ n sii-doɛ̃ lɛa, n nə n nyɛnaa sii baraa nɛ, bɛ n yiridɛnaabaa lɛa.»

Loen 112:1

Aleluya, ka Dɛnaa Lawa tɔ bɔ! Min mɛn bɛ́ nyɛ́ɛ biɛ Dɛnaa Lawa nɛ, a ná a dí-pɛn kɛn dɔn narɛ, bɛa dɛnaa wɔ na á bǐɛ̃ kɔ.

Loen 25:21

Ma bɛ́ má n foo doa n din ganaa, ma tamaa, sonborebaa laanka peperebaa gɔ́ɔ̃ nɛ.

Suusun 11:12

Min mɛnɛn bɛ́ ǹ miãn pɔpɔsɛ, yiriwɛɛ nə ǹ ganaa. Yiridɛnaa nə n lɛ tiɛ̃.

Suusun 16:17

Min pepere nə n nyɛnɛɛ baraa nɛ. Min mɛn bɛ́ n yiri koɛ a din a giã ǹ gɔn li, a nə n nyin tamɛɛ.

Suusun 16:6

Min mɛn bɛ́ bɔlɔgoondɛnaa lɛa, a sãn tá re n toɛ nɛ. Min mɛn bɛ́ nyɛ́ɛ biɛ Dɛnaa Lawa yii ni, a nə n wɔlɔ lui sii baraa ganaa.

Suusun 19:1

Bɛ̀ ń doobaa baa, n giã ǹ gɔn nə́ pepere, á soɛ soɛ-bɔle laanka baãnaa nɛ.

Suusun 2:15

Ǹ ba pepere wa, ǹ giã ǹ gɔn nə kɔkɔrɔ.

Suusun 28:6

Doobaa mɛn a giã ǹ gɔn bɛ́ pepere, á soɛ pàãma mɛn bɛ́ koe zii kɔkɔrɔ lɛ nɛ.

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Luku 16:14

*Fariziɛ̃n mɛnɛn bɛ́ wɔrɔ n kɔɔ̃nɛ ǹ ganaa, bɛn dɔn nə́ goã n too koe bɛa boo kɛ lɛ tumaa ganaa, bɛ̀ ǹ nə́ yaa we a ganaa.

Nya ǹ dín 10:22

Minin lɛn ná a lɛ si: «Wɔsɛn lɛn man wɔ́ daa Kɔrnɛyi a dí ganaa, Kɔrnɛyi mɛn bɛ́ sɔraasin goledɛnaa lɛa, a n pepere, a n Lawa guguru koe kun ka Zuifun ni, a tɔ sonbore dɔ n boe ne ǹ tumaa bii. Lawa a lon a dia dí-a wole goon na á nyaa Kɔrnɛyi ni, mà a doamaa nɛ a lɛ dia Piɛrɛ la a kion, siin mɛnɛn nə n zɛnaa, á die n too koe bɛn li Piɛrɛ lɛ lon.»

Nya ǹ dín 10:35

Gána din tumaa dɔ nɛ, min woo min, a n nyɛ́ɛ biɛ Lawa yii ni, a n sonborebaa zii tɔ we, Lawa n lɛ koe bɛa dɛnaa ganaa.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.