Suusun 14:14 - LAWA A BOO SONBORE

¹⁴ Min mɛn bɛ́ a yiikoonaabaa zɛnɛɛ a din mìi gialaa, a bɛ́ kɔnboe ka màn mɛn nɛ, á re bɛ yii. Min mɛn a giã ǹ gɔn bɛ́ siĩni, bɛa sii á re bǐɛ̃ koe.

LAWA A BOO SONBORE 2011

¹⁴ Min mɛn bɛ́ a yiikoonaabaa zɛnɛɛ a din mìi gialaa, a bɛ́ kɔnboe ka màn mɛn nɛ, á re bɛ yii. Min mɛn a giã ǹ gɔn bɛ́ siĩni, bɛa sii á re bǐɛ̃ koe.

Suusun 14:14 ပူးပေါင်းရင်းမြစ်များ

Loen 109:17

Minin koe boo na á goã kɔɔ̃n a ganaa, bɛ lɛ die a wusoo, a na a din yɛ. Minin barka dama-a ǹ boo goã kɔɔ̃n a ganaa wa, a dɔ baran barka dama-a yɛ wa.

Suusun 12:14

Min a sii á boe la a yɔrɔ yɛ lɛ gɔ́ɔ̃ ǹ boo barka nɛ ka dí bɛ́ saraa koe min la lɔn.

Suusun 12:21

Koe a min pepere yii wa. Sɛnɛ, min baraa wɔ n ka fuu ni.

Suusun 14:10

Bɛ̀ min foo ziziɛ̃, a dinsɔɔ̃ na a foo busii doɛ̃. Bɛ̀ a foo á kɔɔ̃nɛ, min kɔn ba bɛa foo kɔɔ̃n lɛ gii kɔn nɛ wa.

Suusun 14:15

Ń bɛ́ boo mɛn tumaa diɛ yiriwɛɛnaa nɛ, a n gole li. Sɛnɛ, min mɛn bɛ́ boe a din la bɛ nə n taasɛ bɔrɔ.

Suusun 18:20

Didie á boe la a màn bii a boon paã ganaa. A bɛ́ boo mɛn diɛ, bɛ lɛ nə n doe lɛ a yii goã koo.

Suusun 9:12

Bɛ̀ ń yiridɛnaa baa, a là n die yii n din-a. Bɛ̀ ń din koa wole baa, a siin man die kuĩ n din mìi ni.

Zeremii 17:5

Dɛnaa Lawa n kɛ pii: Min mɛn bɛ́ n foo wɔlɔ lui ma ganaa, a nə́ n foo doɛ minbuiin nɛ ganaa, a dɔmalɛ n boe minbuiin nɛ nɛ, lɛn baraa bíi bɛa dɛnaa kũ!

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 8:5

Wàa na á baa Zeruzalɛmu zaman nə n lɛ goa zii kɛ ganaa, ǹ nə́ tɔn woe nyɛɛnɛ n piɛ̃ ka masɛ nɛ? Maǹ doa-n màn kooron ganaa, manə n piɛ̃ ǹ ba wusii die ma li wa.

Ezekieli 22:31

Bɛ lɛ nɛ ma foo tɔ́n yoo ǹ li, má ǹ tumaa dɛ lenlen, ka tɛ bɛ́ màn kuĩ lɔn. Má ǹ zɛnaa ǹ sii lɛ a dɔlɔ da ǹ mìi ni. Ma din Dɛnaa Lawa a da ǹ boo ne.

Ozee 4:16

Izirayeli minin lɛn man piã-wɔlen lɛa, maǹ ka dii piã-wɔlen bɛ́ lɔn. Sisia kəni Dɛnaa Lawa n die ǹ ne, buu sɔ̃ ǹ bǎã gole ne ka sère tenən bɛ́ lɔn.

Sofonii 1:6

Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Galaasi minin 6:4

Didie ga a din a zɛnaa ǹ sii ganaa. Bɛ̀ a tá a din laakalaa ǹ sii lɛa, bɛ n kɔɔ̃n a dinsɔɔ̃ ganaa. Bɛ ba n zoɛ̃ kɔn ka min kɔsɔn wɔ-n wa.

Galaasi minin 6:8

Bɛ̀ min màn da á kɔnpɛ ka a gɔ̀nɔn foo sii ni, gɔ̀nɔn foo sii bɛ́ màn mɛn koe, a n die bɛ kuri: Gɛ̀ nɛ. Sɛnɛ, bɛ̀ min màn da á kɔnpɛ ka Yiri Fu foo sii ni, Yiri Fu bɛ́ màn mɛn koe, a n die bɛ kuri: nyin nyabaã nɛ.

Ebrəə 3:12

Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.