Suusun 14:10 - LAWA A BOO SONBORE

¹⁰ Bɛ̀ min foo ziziɛ̃, a dinsɔɔ̃ na a foo busii doɛ̃. Bɛ̀ a foo á kɔɔ̃nɛ, min kɔn ba bɛa foo kɔɔ̃n lɛ gii kɔn nɛ wa.

LAWA A BOO SONBORE 2011

¹⁰ Bɛ̀ min foo ziziɛ̃, a dinsɔɔ̃ na a foo busii doɛ̃. Bɛ̀ a foo á kɔɔ̃nɛ, min kɔn ba bɛa foo kɔɔ̃n lɛ gii kɔn nɛ wa.

Suusun 14:10 ပူးပေါင်းရင်းမြစ်များ

Siin Giala 42:21

Sɛnɛ, maǹ nə́ goã pii kɔn nɛ: «Ebe! Wɔ́ sii la wɔ diɛ̃ kɛ la lɛlɛ dɛ. A bɛ́ a foo-ziziɛ̃ lɛ gɔ́ɔ̃ nɛ ǹ mɛn waáraa, wɔ́ yɛ. Sɛnɛ, á wɔ nyankɔ á fɔ̃ li, wɔ n too kɔ a lon wa. Bɛ lɛ na á toa, bɛ miã foo-ziziɛ̃ kɛ tá wɔ dɔn yii pelo.»

Kiin2 4:27

Lɔ lɛ bɛ́ á woo dɔ Lawa a min lɛ li, kele lɛ la, á Lawa a min lɛ gòãn kũ. Geazi nə́ n zɔ̃ á dɔ, mà a n lɔ lɛ nyɛnɛɛ zuĩ, sɛnɛ, Yiliizee pɛ nɛ mà a toa walan, a giala mà a n yɔrɔ kɔsiɛ gɔ́ɔ̃ nɛ. Mà Dɛnaa Lawa na á duru asɛ la, a pɛ asɛ-n wa.

Zɔbu 10:1

Yiikoonaabaa din tìĩ bɔ ma nyin ni. Ma a re n lɛ tiɛ̃ maa busii kɛ-a doo wa. Man die n foo pii.

Zɔbu 21:25

Min dɔ n giɛ̃ foo-ziziɛ̃ gɔ́ɔ̃ nɛ, a ná a yii-nyɛɛ nɛ̀n da wa.

Zɔbu 7:11

Bɛ lɛ n ke, ma a re n lɛ tiɛ̃ wa. Man maa foo busu ǹ boo diɛ. Man gini maa foo busii taman yii.

Zɔbu 9:18

A toɛ ma á piɛ̃ sii wa. Sɛnɛ, a n toɛ sii kɔɔsɛ á liɛ ma yii ni.

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Suusun 15:13

Foo kɔɔ̃n nə yɔrɔ kiɛ, sɛnɛ, foo ziziɛ̃ n yiri lɔlɛkɔn.

Suusun 18:14

Foo tãbaa nə n doe busulə lɛ. Sɛnɛ, bɛ̀ a foo ziziɛ̃, die n siɛ a da lon?

Ezekieli 3:14

Lawa yiri lɛ na á ma saa, á woo ma nɛ. Man má woo, ma yɔrɔ ń kɔsiɛ nɛ, ma foo ń ziziɛ̃ nɛ. Dɛnaa Lawa pàã na á goã ma la taãn-taãnɛ.

Zaã a sɛ́wɔ 12:27

«Masɛ gɔ́ɔ̃ wɛ̃maa-n sisia, man die pii máa wàa? Ma pɛ máa maa Díi ma kanbaa biikoo kɛa nɔmaa kɛ ganaa? Sɛnɛ, ma bɛ́ n má daa bɛa nɔmaa kɛ lɛ a wɔ taman yii.

Zaã a sɛ́wɔ 14:18

«Ma á die ka toɛ nɛ toenən lɛa wa, ma á wusii die ka li.

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Filipi minin 4:7

Là nyantoro mɛn bɛ́ á kiɛ̃ minbuiinin doɛ̃ tumaa la, Lawa á re bɛ koe ka la, á re ka foo laanka ka yiri lɛduĩ Yezu *Krita wɔbaa gɔ́ɔ̃ nɛ.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,

Sii-nyaan 2:17

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.»

Samayeli1 1:10

A Anɛɛ toa a yɔrɔ-kɔsiɛ gole gɔ́ɔ̃ nɛ, á Dɛnaa Lawa nyankɔ ka yii mu gole ne.

Samayeli1 1:15

«Haayii, maa dɛnaagiĩ, masɛ n lɔ lɛa, lɔ mɛn foo á ke ziziɛ̃ nɛ. Ma yɔ mi wa, ma yɔ kakaarɛ kɔn mi wa. Man má goã ǹ gɔ́ɔ̃ dinsɔɔ̃ pii Dɛnaa Lawa yɔrɔ-a.