Suusun 13:20 - LAWA A BOO SONBORE

²⁰ Bɛ̀ n koa kun ka sii-dɔ̃li ni, ma n sii-dɔ̃li biɛ. Bɛ̀ n koa kun baãnaa nɛ, n tá re nɔmaa we.

LAWA A BOO SONBORE 2011

²⁰ Bɛ̀ n koa kun ka sii-dɔ̃li ni, ma n sii-dɔ̃li biɛ. Bɛ̀ n koa kun baãnaa nɛ, n tá re nɔmaa we.

Suusun 13:20 ပူးပေါင်းရင်းမြစ်များ

Siin Giala 14:12

Ǹ nə́ Abramu ǹ dɔɔ̃ngiĩ a nɛ Lɔti dɔ kũ, ǹ ná a gɔn mànan tumaa goa, ǹ nə́ woo. A giala, a dɔ na á goã giã-n Sodɔmu.

Kiin1 12:10

Min tenən mɛnɛn lɛn bɛ́ Roboamu miã lɛn lɛa, bɛn ná a lɛ si ǹ nə́ pɛ: «Zaman mɛn lɛ pɛ n nɛ mà n di guĩ guguru da ǹsɛn mìi ni, mà n saa n bɔ ǹsɛn la, a pɛ ǹ nɛ kɛnɛn: Ma gòon nyɔɔn tá gole á la maa díi bonbon ne.

Kiin1 12:8

Sɛnɛ min golen lɛn nə yiri mɛn kɔ Roboamu la, á bɛ toa walan. Min tenən mɛnɛn nə goã dí nyɛɛ nɛ a din miã lɛn lɛa, ǹ nə́ yoo tán kun, á kɔn yɛ ka bɛn dɔn nɛ.

Kiin1 22:32

Ziabaa ǹ wotoro mìilandɛnan lɛn bɛ́ ǹ nə́ Zozafati yɛ, ǹ nə́ taasɛ mà Izirayeli gána a kii lɛ n ka a din ni. Ǹ nə́ yoo ǹ nə́ tele a ganaa ǹ nə́ die zia biɛ a ganaa, yǎa Zozafati bɔ á mɛ la a tá n lɛ dii.

Kiin1 22:4

Izirayeli gána a kii lɛ nɔ̀n da Zozafati la: «N tá li n wo zia baa Ramɔti kiwi ganaa Galaati gána nɛ kun ka masɛ-n ya?» Zozafati ná a lɛ si: «N bɛ́ re n sii we zia lɛ-n lɔn, ma dɔ n die maa wɔ we a-n miɛ̃. N zaman sii bɛ́ re goɛ̃ zia lɛ-n lɔn, ma dɔ a zaman sii n die goɛ̃ a-n miɛ̃. N sùin sii bɛ́ re goɛ̃ zia lɛ-n lɔn, ma dɔ wɔn sii n die goɛ̃ a-n miɛ̃.»

KZS2 10:8

Sɛnɛ, Roboamu min golen lɛn doroo si wa. Nɛ tenən mɛnɛn bɛ́ ǹ nə́ yoo tán kũ ka a din ni, ǹ nə́ dí nyɛɛ nɛ, á woo nɔ̀n da bɛn la.

KZS2 19:2

Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

KZS2 22:4

Sii mɛn bɛ́ bɔnɛɛ Dɛnaa Lawa yii li, a na á bɛ zɛnaa ka Akaabu a kion minin wɔ bɛ́ lɔn. Ǹ díi a gɛ̀ kio, ǹ dinin man nə́ goã a dorolin lɛa, ǹ nə́ koe bɔ a ganaa.

Loen 119:63

Min mɛn tumaa bɛ́ nyɛ́ɛ biɛ n nɛ, ǹ nə́ n minin doroo ǹ boon kɛn tamaɛ, masɛ n kun ka bɛn nɛ.

Suusun 13:19

Taasɛ sii ganaa a yɔrɔ yɛ n kɔɔ̃n foo ganaa. Sɛnɛ baãnaan a wusoo si baraa kio ba kɔɔ̃n a wa.

Suusun 14:7

N wɔlɔ lui baãnaa ganaa. A giala, n ba re sii-doɛ̃ boo kɔn miɛ̃ a lɛ-n wa.

Suusun 15:31

Min mɛn bɛ́ n too koe doroon li, n doe min lɛ, bɛa dɛnaa á re goɛ̃ kun sii-dɔ̃lin ni.

Suusun 22:24

N nyan foo goledɛnaa baa n giaára lɛa wa, min mɛn foo bɛ́ a golee yoo-n wa, n nyan koa kun ni wa.

Suusun 22:25

Bɛ bie wa, n tá re n siɛ li n na a lɛn zɔɔ̃, kan tɔn nə n kũ.

Suusun 7:27

Bɛ̀ n woo a li, ma nə́ n woo gɛ̀ li, ma nə́ n woo geren piɛ.

Suusun 9:6

Ka baãnaabaa toa walan, ka á re yiikoonaabaa yii. Ka yiridɛnaabaa ǹ zii saa.»

Malakii 3:16

Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

Nya ǹ dín 2:42

Bɛa minin kɛn lɛn man nə́ goã woe dia dí-a wolen minin daraa ǹ bǎã-n kun, ǹ nə́ goã dɔɔ̃nbaa ǹ kɔn-narɛɛ we, ǹ nə́ goã màn bii ǹ nə́ Lawa nyankoe kun.

Ebrəə 10:24

Ka daa wɔ n yiri kɔ kɔn li, wɔ kɔn da kɔn-narɛɛ ganaa ka dí sonboren nyɛɛ nɛ.

Sii-nyaan 18:4

Má lɛn kɔsɔ ma boe lon pii: – Lawa a minin lɛn, ka soo ka n bɔ kiwi kɛ nɛ, ń giɛ koe mɛn bɛ́ re ǹ yii, ka gii baran yɛ bɛ laanka ǹ sii baraan kɛn nɛ wa.