Suusun 12:28 - LAWA A BOO SONBORE

²⁸ Yiikoonaabaa n peperebaa ǹ zii la. Min woo min kɔ bɛa zii lɛ lɛ, a n kanbiɛ gɛ̀ ganaa.

LAWA A BOO SONBORE 2011

²⁸ Yiikoonaabaa n peperebaa ǹ zii la. Min woo min kɔ bɛa zii lɛ lɛ, a n kanbiɛ gɛ̀ ganaa.

Suusun 12:28 ပူးပေါင်းရင်းမြစ်များ

Suusun 10:16

Min pepere gɔn màn nə yiikoonaabaa koe. Sɛnɛ, min kɔkɔrɔ n sii baraa zɛnɛɛ ka a gɔn màn nɛ.

Suusun 10:2

Koɛɛ̃n màn là a yii min-a wa. Sɛnɛ, giã ǹ gɔn pepere á min sii gɛ̀ la.

Suusun 11:19

Bɛ̀ min mɛn gole bǐɛ̃ zɛnaa li, a yii á re goɛ̃ koo. Min mɛn bɛ́ baa sii sii baraa kio, bɛ n die giɛ̃.

Suusun 8:35

Taãn nɛ, bɛ̀ min mɛn ma yɛ, a na á yiikoonaabaa yɛ. A sii n kɔɔ̃n koe Dɛnaa Lawa ganaa.

Suusun 9:11

Sii-doɛ̃ n màn diɛ yiikoonaabaa lɛawaan li, a n lɛ̀ lɛ mɔnɛɛ.

Zeremii 21:8

Ǹ tá re pii zaman lɛ-n kɛnɛn: – Dɛnaa Lawa n kɛ pii: «Á ke, man yiikoonaabaa laanka gɛ̀ diɛ ka nyɛɛnɛ.

Ezekieli 18:9

A n tɔ we a n kɔnpii ka maa landa boon kɛn nɛ, a n maa sii yɔrɔ bɔ ǹ boon kɛn tamɛɛ, a n sii zɛnɛɛ a peperebaa li, bɛa dɛnaa lɛ n min sonbore lɛa. Sàabaa ba la wa, a yii á re goɛ̃ koo. Ma din Dɛnaa Lawa a da ǹ boo ne.

Rɔmu minin 5:21

Sii baraa na a din pàã a golebaa nyɛɛ ka gɛ̀ nɛ. Sɛnɛ, Lawa a bǐɛ̃baa lɛ sɛ pàã á gole taãn-taãnɛ. Bɛ nə n nyɛɛ wɔ nɛ, ka Lawa a lɛ kɔ wɔ ganaa min peperen lɛa kɛ nɛ, ka nyin nyabaã kɛ dɔ nɛ, á kɔ wɔ la, ka wɔa Dɛnaa Yezu Krita barka nɛ.

Timəə dí-pɛn 30:15

Ka ga Izirayeli minin lɛn, pelo, masɛ n yiikoonaabaa laanka yii-nyɛɛ koɛ ka yɔrɔ-a, ka gɛ̀ laanka bɔ̀n nɛ.

Timəə dí-pɛn 30:19

Pelo, man lon laanka tán biɛ maa siére lɛa: yiikoonaabaa laanka gɛ̀-n ma á koɛ ka yɔrɔ-a, ka lɛn bǐɛ̃ laanka a baraa nɛ. Ka yiikoonaabaa ǹ zii saa, màn mɛn bɛ́ toɛ, ka yii goã koo, ka dinin laanka kaa nɛnyaanan nɛ.

Timəə dí-pɛn 32:46

á pɛ ǹ nɛ: «Ma boon mɛnɛn tumaa pɛ ka-n pelo, ka ǹ kũ ka parsiini. Ka dɔn die ka pɛ ka laa kaa nɛnyaanan ganaa, màn mɛn bɛ́ toɛ, ǹ nə n yiri koa dí-pɛ kɛ lɛ a boon tumaa li ǹ kɔ ǹ lɛ.

Zaã1 2:29

Ka á doɛ̃ mà Krita n pepere. Ka dɔ̃ dɔn mà min mɛn dɔ bɛ́ sii pepere zɛnɛɛ, mà bɛ n Lawa a nɛ lɛa.

Zaã1 3:7

Maa nɛnyaanan lɛn, ka baran toa min kɔ́n ka yiri sã wa. N mɛn bɛ́ sii pepere zɛnɛɛ, n dinmaa dɔ n pepere ka Krita bɛ́ pepere lɔn.

Zaã3 1:11

Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.