Suusun 12:21 - LAWA A BOO SONBORE

²¹ Koe a min pepere yii wa. Sɛnɛ, min baraa wɔ n ka fuu ni.

LAWA A BOO SONBORE 2011

²¹ Koe a min pepere yii wa. Sɛnɛ, min baraa wɔ n ka fuu ni.

Suusun 12:21 ပူးပေါင်းရင်းမြစ်များ

Loen 121:7

Dɛnaa Lawa á re n kanbiɛ sii baraa tumaa ganaa, á re n lɛduĩ.

Loen 91:10

bɔ̀n ba re n yii wa, sii baraa kɔn ba re we n kion wa.

Suusun 1:31

Kaa giã ǹ gɔn lɛ a siin man die kuĩ ka dinin mìi ni. Kaa sii yɔrɔ bɔn kɛn, ǹ tìĩ á re boe ka nyin ni kusikusi.

Suusun 1:33

Sɛnɛ, bɛ̀ min mɛn nə n too kɔ ma lon, bɛa dɛnaa á re goɛ̃ yii-nyɛɛ gɔ́ɔ̃ nɛ, kiĩn ni a ná a ba nyɛ́ɛ biɛ koe-n wa.

Suusun 11:21

Sàabaa ba la wa, sii baraa zɛnaa wole wɔ n ka dɔlɔ nɛ. Sɛnɛ, min mɛnɛn bɛ́ sii sonbore zɛnɛɛ, bɛn tá re kirisibiɛ.

Suusun 12:20

Baraa-zɛnaalin foo n piɛ̃ nɛ ka soɛ nɛ. Sɛnɛ, min mɛnɛn bɛ́ doroo sonbore koe, foo kɔɔ̃n nə bɛn wɔ lɛa.

Suusun 14:14

Min mɛn bɛ́ a yiikoonaabaa zɛnɛɛ a din mìi gialaa, a bɛ́ kɔnboe ka màn mɛn nɛ, á re bɛ yii. Min mɛn a giã ǹ gɔn bɛ́ siĩni, bɛa sii á re bǐɛ̃ koe.

Suusun 19:23

Dɛnaa Lawa guguru kɔ n yii toɛ koo. Min mɛnɛn bɛ́ a guguru koe, ǹ ba foɛ̃ màn kɔn li wa, koe dɔ a boe ǹ ganaa wa.

Boo-laakalaali 7:18

Á siĩni n nə n gɔn paraa bɛ lɛ ganaa, n nə n gɔn paraa bɛa doree màn paa kɛ lɛ ganaa. A giala, min mɛn bɛ́ nyɛ́ɛ biɛ Lawa nɛ, a foɛ̃ bɛa sii paa kɛ lɛ kɔn baalɛ wa.

Boo-laakalaali 8:5

Min mɛn bɛ́ gɔn-waa sii, sii a re bɛa dɛnaa yii wa. Sii-dɔ̃li á doɛ̃, mà ǹ kɔn pinaa, mà kiri tan.

Abakuku 2:16

Sɛnɛ, kaa wɔ ǹ die goɛ̃ ka sìi ni, gugurubaa ná a bie wa. A mii dɔ ka dɔn ganaa kanna. Ka dɔn tontoro á re goɛ̃, ǹ kaa soromabaa nyaa. Dɛnaa Lawa n die a foo-yoo baraa kɛ kiɛ ka la taãn-taãnɛ. Kaa gugurubaa kɛ á re n bɔyɛɛ a sìi baa.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Piɛrɛ1 3:13

Die n die boe la a baraa zɛnaa ka nɛ, bɛ̀ á daa yaa ka gù n kaa-n bǐɛ̃ zɛnaa li?

Sii-nyaan 18:6

A ka kũ lɔn, a dɔ die a n kũ miɛ̃. A sii mɛn zɛnaa ka nɛ, bɛ miã màn paa die a n zɛnaa a dɔ nɛ. A yɔ kaka mɛn kaa ka lon, bɛ miã nə n kaa a dɔ lon, a n kaka á la a wɔ-n gunyin paa.