Sofonii 1:18 - LAWA A BOO SONBORE

¹⁸ Dɛnaa Lawa a foo-yoo lɛawaa kɛa pinaa, ǹ wɔrɔ hinlaa ǹ sana á re ǹ boe a-n wa. A giala, Dɛnaa Lawa a foo-yoo baraa a tɛ n die tán din tumaa kukuĩ. Taãn nɛ, minbuiin nɛ tumaa n die bɔ̀n biɛ lenlen.

LAWA A BOO SONBORE 2011

¹⁸ Dɛnaa Lawa a foo-yoo lɛawaa kɛa pinaa, ǹ wɔrɔ hinlaa ǹ sana á re ǹ boe a-n wa. A giala, Dɛnaa Lawa a foo-yoo baraa a tɛ n die tán din tumaa kukuĩ. Taãn nɛ, minbuiin nɛ tumaa n die bɔ̀n biɛ lenlen.

Sofonii 1:18 ပူးပေါင်းရင်းမြစ်များ

Siin Giala 6:7

á tɔ́n pɛ kɛnɛn: «Ma minbuiin nɛ mɛn zɛnaa, man die papaɛ̃ ma bɔ tán la, a saa minbuiinin ganaa, a wo màn yiikoonaa tumaa yaa, a dadaran nɛ ka a bisinin ni, ka bàanan nɛ. A giala, man má n gɔ́ɔ̃ bii ka wàa na á baa má zɛnaa.»

Kiin1 14:22

Sii mɛn bɛ́ baraa Dɛnaa Lawa yii li, Zudaa minin nə́ bɛ zɛnaa. Ǹ sii baraan mɛnɛn zɛnaa, bɛn nə́ Dɛnaa Lawa da miãgoã bɔ ganaa á la sii baraan kɛn tumaa nɛ, ǹ digolon nə́ zɛnaa.

Zɔbu 21:30

Bɛ̀ bɔ̀n daa ǹ mɛn pinaa, a min baraa yii wa. Lawa a foo-yoo pinaa, asɛ n kanbiɛ.

Zɔbu 3:15

Bɛ̀ a na á n baa miɛ̃, bɛ̀ man die goɛ̃ kun ka gánadɛnan nɛ, sana bɛ́ ǹ mɛnɛn lon, wɔrɔ dɔ nə́ ǹ kion piɛ̃.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Loen 79:5

Dɛnaa Lawa, n foo-yoo kɛ n die goɛ̃ miɛ̃, a ná a nyɛɛ wa, yǎa biĩ doo? N kakaarɛ kɔ wɔ ganaa ke, á n wɔ kuĩ ka tɛ bɛ́ lɔn, bɛ dɔ n die goɛ̃ yǎa biĩ?

Suusun 11:4

Gɛ̀ pinaa, naforo là banban. Sɛnɛ, giã ǹ gɔn sonbore n min sii gɛ̀ la.

Suusun 18:11

Pàãma foo n doa nɛ a naforo ganaa. A n tamɛɛ ka kungɔn sasa bɛ́ lɔn a lɛnpɛnɛ

Izayii 1:24

Bɛ lɛ nɛ, Pàãyiidɛnaa Lawa, Izirayeli a Lawa Kaka a daǹ boo á ke: Koe n ka kɛ nɛ! Ma á re yui gòãn dii wolen kɛn gialaa, ma maa gɛ̀ dòo bɔ maa zɔ́ɔn ganaa!

Izayii 10:17

Dɛnaa Lawa ke Izirayeli a wɔlɔ fúlu lɛa, á re tɛ biɛ. A sonborebaa kɛ n die tɛ biɛ, a nyan tewonən kɛn kũ, a ǹ nya lɛawaa goon toto.

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Zeremii 7:20

Bɛ lɛ nɛ, Dɛnaa Lawa pɛ: «Man die maa foo-yoo baraa kiɛ kiwi kɛ la, a minin ni a tɔɔn nɛ, kɔnlɛ ka a dan laanka a tán kɔsiɛ mànan nɛ. Á die n biɛ ka tɛ bɛ́ lɔn a ná a nimi wa.»

Zeremii 7:34

Zudaa kiwin ni, Zeruzalɛmu a ziin la, ma á re zɔ́n bìndiɛn lɛ kuri, foo kɔɔ̃n lɛ-dɛ nɛ, lɔ tii ǹ zuũ laanka lɔ tii a loe ne. Sonbore, gána lɛ n die kɛbɔlɔ biɛ.»

Zeremii 9:11

Sii-dɔ̃li tan a n boe la a siin kɛn giala ma? Bɛ̀ Dɛnaa Lawa boo da ǹ dɛnaa nɛ, gána lɛ ziziɛ̃ mìi mɛn ganaa, tɛ kũ ka yɔrɔ mɛn nɛ min ná a kiɛ̃ a-n doɛ̃ dinin wa, a bɛ giala pɛ.

Ezekieli 16:38

Lɔ naarɛn laanka ǹ mɛnɛn bɛ́ gɛ̀ dii, bɛn doamaa bɛ́ ka dɔlɔ mɛn nɛ, ma á re bɛ lɛ tɔrɔ diɛ n mìi ni. Ma á re mà boe n ganaa maa foo yoo kɛa pinaa, a giala ń ma sã.

Ezekieli 23:25

Ma foo mɛn yoo n li ke, ma á re toɛ, ǹ kakaarɛbaa ǹ sii zɛnaa n nɛ. Ǹ tá re n nyin kuri, ka n toon ne. N minin mɛnɛn bɛ́ re goɛ̃, ǹ tá re bɛn dii zia la. Ǹ tá re n nɛgiĩn laanka ǹ nɛlɔn kɛn goɛ, min mɛnɛn dɔn bɛ́ re goɛ̃ kiwi lɛ nɛ, tɛ á re bɛn kuĩ.

Ezekieli 7:11

Kakaarɛbaa na á yoo á golee, á gole kɔ sii baraa zɛnaa taman yii. Ka kɔn ba re goɛ̃ wa, kaa gugurubaa nɛ, ka gɔn mànan nɛ, ǹ kɔn ba re goɛ̃ wa.

Ezekieli 7:19

Ǹ tá re ǹ wɔrɔ kɛ pɛsɛ̃ tán zii la, ǹ sana kɛ á re màn kooro biɛ ǹ yii li. Lawa a foo-yoo kɛa pinaa, ǹ wɔrɔ laanka ǹ sana kɛ nɛ, bɛn ba re boe la ǹ nə ǹ kirisibaa wa. Ǹ nɔ̀ a re kiɛ̃ wa, ǹ nàn ba re kiɛ̃ wa. A giala, maǹ nə́ n saa sana laanka wɔrɔ li, ǹ nə́ sii baraa zɛnaa.

Ezekieli 7:5

Masɛ Dɛnaa Lawa n kɛ pii: Koe n ka kɛ nɛ die, koe gole! Min bin nə ǹ miã yɛ wa.

Sofonii 1:11

Ka n lɛ dɛ, kasɛn mɛnɛn bɛ́ kiwi lɛa tán-a a lɛ̀gɔn la, a giala, pii-kɔle tumaa n die giɛ̃. Min mɛnɛn bɛ́ ǹ wɔrɔ zoɛ̃ bɛn man die giɛ̃.

Sofonii 1:15

Foo-yoo lɛawaa nɛ, bɔ̀n ka nyɛ́ɛ lɛawaa nɛ, ziziɛ̃ nɛ, ka gɛ̀ nɛ, tèlò ka wɔlɔ tì lɛawaa nɛ.

Sofonii 2:2

kiri pinaa kɛ laan bɛ̀ a n doe, lɛawaan laan bɛ̀ maǹ papaɛ̃ ka kaã bɛ́ lɔn kiɛ̃ piɛ̃ li, Dɛnaa Lawa a foo-yoo baraa kɛ laan bɛ̀ a n doe ka-a, Dɛnaa Lawa a foo-yoo pinaa kɛ laan bɛ̀ a n gisĩ ka la.

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Matiə 16:26

A là n ka wàa nɛ min kanaa gɔn màn tumaa yɛ, a din nyin wusoo a papaã. Hinlaa bɛ̀ min mɛn nyin papaã, ǹ dɛnaa n die wàa koe Lawa la a tɔn wusoo a yɛ?

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Timəə dí-pɛn 31:17

Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»