Loe kɔɔ̃n kɔɔ̃n 7:12 - LAWA A BOO SONBORE

¹² Ma din foo dùũ wɔ, daa! Daa wɔ soo, wɔ n ta lalaa, wɔ lɛ̀ waa gɛ̀bi daanan giulun.

LAWA A BOO SONBORE 2011

¹² Ma din foo dùũ wɔ, daa! Daa wɔ soo, wɔ n ta lalaa, wɔ lɛ̀ waa gɛ̀bi daanan giulun.

Loe kɔɔ̃n kɔɔ̃n 7:12 ပူးပေါင်းရင်းမြစ်များ

Loen 122:5

A giala, kiri wɔ ǹ kii dankanan tá koa-n tán walan, Davida a kion minin kii dankanan tá walan.

Loen 43:4

Bɛa biikoo li, ma á re doe n *wúlu bɔ ǹ bǎã kɛ nɛ. A giala, n din nə Lawa lɛa, ma foo kɔɔ̃n koe. Lawa, man die loe loe, ma tùtu da li, ma n tɔ bɔ nɛ, maa Lawa!

Loen 73:25

Maa min kɔsɔ banban lon wa, yǎa n din. Màn kɔsɔ a ma foo kɔɔ̃n koe tán la wa, yǎa n din.

Bɔ bɛ̀rɛbaa nɛ 25:22

Masɛ n die n toɛ walan lɛ nɛ, man din nyaa n nɛ, Goo lɛpii lɛ lalan, lon mànan lɛn bii ni dí-pɛn tamaa ǹ Goo lɛ la. Ma doamaa bɛ́ nɛ, ma boon mɛnɛn tumaa kɔ n la Izirayeli nɛnyaanan wɔ lɛa, ma á re bɛn tumaa pii n ni.

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Boo-laakalaali 9:10

N bɛ́ re dí mɛn tumaa nyɛɛ, bɛ kũ ka n foo ne. A giala, n bɛ́ re woe bǎã mɛn nɛ, geren piɛ lɛ, dí ba walan wa, taasiɛ banban wa, doɛ̃ laanka sii-doɛ̃ banban wa.

Loe kɔɔ̃n kɔɔ̃n 2:13

Gɔ́rɔ nɛ burun tá a gialaa miɛ. Rezɛ̃ dan man buũ lɛa, ǹ gìĩ kɔɔ̃n kɛ nə́ n diɛ wɔlɔ la. Maa paa ǹ wɔ siĩni, yoo n da kiɛ̃.

Loe kɔɔ̃n kɔɔ̃n 2:15

Ka tolokan kɛn kũ ka ǹ kɔ, toloka bisinin kɛn lɛn, basaã koe rezɛ̃ dan manɛ. A giala wɔa rezɛ̃ da lɛ n buu lɛa.

Loe kɔɔ̃n kɔɔ̃n 4:13

Ma n dù gɔrɔ sonbore lɛa, piɛ̃-n ka grenadie da nɛ, ka da nɛ kɔɔ̃n kɔɔ̃n nɛ. Gɛ̀-bi da tan, naare da nɛ,

Loe kɔɔ̃n kɔɔ̃n 4:16

Haya koɛ! Gɔsɛ a lɛ̀gɔn la a piɛ̃, gusin a lɛ̀gɔn la a piɛ̃, ka yoo! Ka bɔ maa dù gɔrɔ kɛ nɛ, ka a da gìĩ kɔɔ̃nɔn kɛn gìĩ da bɔ-a. Ma din foo dùũ wɔ kɛ die a da a dù gɔrɔ lɛ nɛ, a na a da nɛ kɔɔ̃n kɔɔ̃nɔn kɛn bii.

Loe kɔɔ̃n kɔɔ̃n 6:11

Dù gɔrɔ ke, da nɛ-kɔlen ná a nɛ, man má woo walan, ma ń giɛ, dan bɔ tán ganaa nyankɔrɔ lɛ kɛ nɛ. Ma ń giɛ, bɛ̀ *rezɛ̃ da fɔ̃, bɛ̀ grenadie da dɔ buũ kɔ.

Loe kɔɔ̃n kɔɔ̃n 7:11

Man ma din foo dùũ wɔ lɛ wɔ lɛa, ma sii ná a ganaa.

Loe kɔɔ̃n kɔɔ̃n 7:6

N mìi tá a giala la lon, ka Karmɛli kele bɛ́ lɔn. N mìi ka ke, bɛ n pɔsiaã nɛ, tì nɔnɔɔ. A siĩnbaa kii yiri si la.

Izayii 18:5

Kaa-piɛ laan bɛ̀ a dɔ, ǹ mɛn waáraa bɛ̀ *rezɛ̃ da buũ kɔ á nya, a nɛ n zoɛ̃ li a ma, gùrùn mɛnɛn bɛ́ ǹ là ná a banban, maǹ bɛn boe ka kuku ni. Maǹ nə ǹ kuri, maǹ a gɔnɔn boe.

Nya ǹ dín 15:36

Biikoo kɔ́n bɛ́ á kiɛ̃, Pooli pɛ Barnabaasi ni: «Wɔsɛn nə Dɛnaa a boo tii kɔɔ̃n lɛ pɛ kiwin mɛnɛn nɛ, daa, wɔ wusoo wɔ wo walan, wɔ n yii kɔ bɛa dɔɔ̃nɔn lɛn li, wɔ ǹ tɔ wɔ ǹ gɔn dɔ̃.»

Rɔmu minin 5:11

Ka bɛ din yii ni, wɔ foo á kɔɔ̃nɛ, a giala, wɔa Dɛnaa Yezu Krita na á daa wɔ bii kɔɔ̃n kɔ kɔn ka Lawa nɛ, wɔ ba Lawa a zɔ́ɔn lɛa doo wa.

Korɛnti2 13:5

Ka n dinin zɔɔ̃, ka n taasɛ ka ga a ganaa, bɛ̀ ka á goleemali gɔ́ɔ̃ nɛ. Ka á doɛ̃ mà Yezu Krita tá ka bii sɛn, ta mà lɔn? Yǎa tan, bɛ̀ ka a boe la ka a goleemali a siin zɛnɛɛ wa.

Efɛɛzi minin 6:24

Min mɛn tumaa bɛ́ Dɛnaa Yezu Krita narɛ taãn-taãnɛ, Lawa a bǐɛ̃ die a dɔ bɛn tumaa ganaa.

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Ebrəə 2:13

Á pɛ doo: «Man die n foo doɛ Lawa din ganaa.» Ka bɛ dɔ-n doo: «Ma á ke, n din Lawa minin mɛnɛn kɔ ma la, ma laanka bɛn manɛ.»

Ebrəə 2:15

min mɛnɛn bɛ́ ǹ tá kanaa din tumaa zɛnɛɛ, nyɛ́ɛ baa gɛ̀ nɛ a bɛ̀rɛbaa nɛ, a bɛn si a ǹ kaa.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.