Loe kɔɔ̃n kɔɔ̃n 6:10 - LAWA A BOO SONBORE

¹⁰ «Lɔ siĩn mɛn nə ke? A n tɛ pii ka baayɛlɛ a leere bɛ́ lɔn, siĩni ka mui bɛ́ lɔn, tɛ pii ka wasa bɛ́ lɔn, min yii ń boe li á la yii ni.»

LAWA A BOO SONBORE 2011

¹⁰ «Lɔ siĩn mɛn nə ke? A n tɛ pii ka baayɛlɛ a leere bɛ́ lɔn, siĩni ka mui bɛ́ lɔn, tɛ pii ka wasa bɛ́ lɔn, min yii ń boe li á la yii ni.»

Loe kɔɔ̃n kɔɔ̃n 6:10 ပူးပေါင်းရင်းမြစ်များ

Samayeli2 23:4

bɛ n ka wasa a folon bɛ́ lɔn a bɔ tán biikoo li baayɛlɛ, bɛ̀ labara ba lon ǹ mɛn pinaa wa. A n ka wasa a folon bɛ́ lɔn, buu diɛ bɔ tán ganaa la a kaa kio.»

Zɔbu 11:17

N tá kanaa lɛ á re n biɛ ka penleen wasa bɛ́ lɔn. Wɔlɔ tì din tá re n biɛ ka baayɛlɛ bɛ́ lɔn.

Zɔbu 31:26

Ta má wasa yɛ á bɔ, ta mui na á yoo á folon kiɛ,

Loen 14:5

Ǹ nə́ ke bìn diɛ nyɛ́ɛ gunun, a giala, Lawa n kun ka min sonboren ne.

Suusun 4:18

Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe.

Loe kɔɔ̃n kɔɔ̃n 1:15

N tá siĩn dɛ! Maa paa ǹ wɔ, n tá siĩni dɛ! N yii nànan gamaa á kɔɔ̃nɛ, maǹ siĩni ka zɛrɛkantoanan bɛ́ lɔn.

Loe kɔɔ̃n kɔɔ̃n 3:6

Die n ke á soo diə gole li die, gusuũ yui ka tɛmaa bara bɛ́ lɔn? A gìĩ tumaa n *miíri nyɔɔ gìĩ kɔɔ̃n lɛa, da yon gìĩ kɔɔ̃n lɛa, ka pii-kɔlen bɛ́ die ka màn gìĩ kɔɔ̃n tɔrɔ mɛn tumaa nɛ.

Loe kɔɔ̃n kɔɔ̃n 6:4

Maa paa ǹ wɔ, n tá siĩni ka Tirsaa kiwi ni, n tá kiɛ yii ni ka Zeruzalɛmu kiwi ni. Yii á boe n li á la yii ni.

Loe kɔɔ̃n kɔɔ̃n 8:5

Lɔ mɛn nə ke n toɛ diə gole li die, paraa-n denden a din foo dùũ wɔ gùrù ganaa? Man má n yii kaa pɔmu da kɛ giulun, n dan bɛ́ á n nɔ̀ si bǎã mɛn lɛ nɛ, a bɛ́ á n yɛ á n da kanaa bǎã mɛn lɛ nɛ.

Izayii 58:8

Ka bɛ nɛ, n wɔlɔ fúlu n die yui tán ka baayɛlɛ a wɔlɔ fúlu bɛ́ lɔn. N baayɛrɛ lɛ á re nyɛɛ fufuu. N peperebaa á re n nyɛɛnaan boe, Dɛnaa Lawa a gugurubaa kɔ n kio lɛ.

Izayii 63:1

Die n ke boe Edɔmu gána nɛ, boe a kiwi Bozira kɛ nɛ? Á mɔnaa tãtãn wɔ. Á mɔnaa sonboren wɔ, a n tɔ we ka din narɛɛ nɛ, a foo n doa nɛ a din ganaa. Dɛnaa Lawa pɛ: «Ma din ni kiri pepere we. Pàã tá ma lon ma ka kirisibaa.»

Ozee 6:5

Bɛ lɛ na á toa, má maa boo gii-dalin dia, ǹ nə́ daa boo dɔdɔrɔ ka ganaa, má ka dɛ ka ma lɛ gɔ́ɔ̃ ǹ boon ne. Maa kiri n foaã ka tɛ fúlu bɛ́ lɔn.

Matiə 13:43

Sɛnɛ, min peperen tá re tɛ pii ka wasa bɛ́ lɔn ǹ Díi Lawa a kiibaa ǹ bǎã kɛ nɛ. Toon bɛ́ ka lon, ka n too kɔ.

Matiə 17:2

Yezu nə́ n bɔyaa ǹ yɔrɔ-a. A yɔrɔ n tɛ pii ka wasa bɛ́ lɔn, a mɔnaan nə́ n baa fu, kiɛ min yii-n ka tɛ fúlu bɛ́ lɔn.

Rɔmu minin 8:37

Sɛnɛ, bɛ lɛ din tumaa gɔ́ɔ̃ nɛ, Krita mɛn wɔ narɛ, bɛ lɛ n wɔ biɛ gɔ̀lɔ̀n lɛa, wɔ́ la gɔ̀lɔ̀n dinin manɛ.

Efɛɛzi minin 5:27

A na á zɔɔ̃ li, mà Lawa a sɔmɔ lɛ goã asɛ din yɔrɔ-a, ka a nɛniɛ tii bɛ́ lɔn, a siĩnbaa tumaa gɔ́ɔ̃ nɛ, a gɔ̀nɔn nə́ zɔzɔnɔ, *gɔ̀ ná a ba a ganaa wa, wɔ̀lɔ̀ kɔ́n dɔ ná a ba a ganaa wa.

Sii-nyaan 1:16

Leere sɔbaa na a gusin a gɔn nɛ, gɔya sa lɛn paanan lɛbɔle n soe a lɛ-n. A yɔrɔ goã tɛ pii ka penleen a wasa bɛ́ lɔn.

Sii-nyaan 10:1

Má tɔ́n lon a dia dí-a wole pàã goledɛnaa goon kɔsɔ yɛ boe lon gisĩ tán. Labara goon nə pɛnɛɛ nɛ a ganaa, lamɛn ná a mìi lalan. A yɔrɔ n tɛ pii ka wasa bɛ́ lɔn, a gòãn man kuĩ ka fɔlɔ bàbàla bɛ́ lɔn.

Sii-nyaan 12:1

Kaãbaa ǹ sii gole nə́ n din nyaa lon: lɔ nɛ, á wasa wɔ a din ganaa dɔnkɛ lɛa, mui ná a gòãn giulun, leere fulupaa n pɛnɛɛ nɛ a mìi ganaa kii bafolo lɛa.

Sii-nyaan 21:23

Kiwi lɛ laadoo ba wasa ganaa ka mui ni wɔlɔ tɔn fulu wa, a giala mà Lawa a siĩnbaa n wɔlɔ fúlu kiɛ a ganaa, Sère Nɛ kɛ na a wasa lɛa.

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.

Sii-nyaan 22:5

Tèlò a re koe wa, min kɔ́n laadoo a re goɛ̃ bolon fúlu ganaa, ka wasa a yoo lon ne wa, a giala mà Dɛnaa din tá re a fúlu kiɛ ǹ ganaa. Ǹ tá re goɛ̃ pàã la baraabaraa yǎa duduu.