Loe kɔɔ̃n kɔɔ̃n 4:14 - LAWA A BOO SONBORE

¹⁴ safrɔn da laanka kanɛli da nɛ, da nɛ, ka da gìĩ kɔɔ̃n tɔrɔ tumaa nɛ. Dagòã gìĩ kɔɔ̃n laanka aloɛsi da dɔ tan, ka dan mɛnɛn gìĩ bɛ́ kɔɔ̃nɛ a tɔ-a.

LAWA A BOO SONBORE 2011

¹⁴ safrɔn da laanka kanɛli da nɛ, da nɛ, ka da gìĩ kɔɔ̃n tɔrɔ tumaa nɛ. Dagòã gìĩ kɔɔ̃n laanka aloɛsi da dɔ tan, ka dan mɛnɛn gìĩ bɛ́ kɔɔ̃nɛ a tɔ-a.

Loe kɔɔ̃n kɔɔ̃n 4:14 ပူးပေါင်းရင်းမြစ်များ

Siin Giala 43:11

Ǹ di Zakɔba lɛ tɔ́n pɛ: «Bɛ̀ á miɛ̃, ka gána lɛ a da nɛ sonbore kɔ́n na, ka kaa kaa mànan nɛ, ka wo giĩ lɛ gɔ nɛ. Ka wo ka da gon giĩ kɔɔ̃n kɔnɔn nɛ, ka zoo nyɔɔ nɛ, ka pistaasi laanka amandie nàn nɛ.

Kiin1 10:10

Á bǐɛ̃ baa kii Salomɔn lɛ la ka sana tɔnɔ sɔɔ ka talɛɛ nɛ, ka nyɔɔ gìĩ kɔɔ̃n gigiã laanka kɔlɔ giɔ̀mɔ kaka-an nɛ. Saabaa gána a kii lɔ lɛ nyɔɔ gìĩ kɔɔ̃n gigiã mɛn kɔ Salomɔn la, a bin bɛ miã yɛ duduu doo wa.

KZS2 9:9

Á bǐɛ̃ baa kii Salomɔn lɛ la ka sana tɔnɔ sɔɔ ka talɛɛ nɛ, ka nyɔɔ gìĩ kɔɔ̃n gigiã laanka kɔlɔ giɔ̀mɔ kaka-an nɛ. Sabaa gána a kii lɔ lɛ nyɔɔ gìĩ kɔɔ̃n gigiã mɛn kɔ Salomɔn la, min kɔn bin bɛ miã yɛ duduu doo wa.

Loen 45:8

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.

Bɔ bɛ̀rɛbaa nɛ 30:23

– Ga nyɔɔn li, ǹ goã nyɔɔ tɔrɔ sonboren lɛa, màn ná a ba ǹ nyɛɛn nyɔɔ lɛa wa. N ga nyɔɔ tɔrɔn kɛn li: *miíri nyɔɔ gìĩ kɔɔ̃n: bɛa kilo sooro, sinaamono nyɔɔ gìĩ kɔɔ̃n ke: bɛa kilo paa ka talɛɛ, buruu nyɔɔ gìĩ kɔɔ̃n kɛ dɔ: bɛa kilo paa ka talɛɛ,

Suusun 7:17

Má *miíri nyɔɔ gìĩ kɔɔ̃n pɛsɛ̃ la.

Loe kɔɔ̃n kɔɔ̃n 1:12

Kii lɛ laan bɛ̀ a n woe a susu ǹ bǎã nɛ, bɛ̀ maa nyɔɔ gìĩ kɔɔ̃n kɛ gìĩ nə́ n da wɔlɔ la.

Loe kɔɔ̃n kɔɔ̃n 3:6

Die n ke á soo diə gole li die, gusuũ yui ka tɛmaa bara bɛ́ lɔn? A gìĩ tumaa n *miíri nyɔɔ gìĩ kɔɔ̃n lɛa, da yon gìĩ kɔɔ̃n lɛa, ka pii-kɔlen bɛ́ die ka màn gìĩ kɔɔ̃n tɔrɔ mɛn tumaa nɛ.

Loe kɔɔ̃n kɔɔ̃n 4:6

Wɔlɔ laan bɛ̀ a n fúli, mà lɛ̀ n woe wɛɛ, man die woe n *miíri nyɔɔ gìĩ kɔɔ̃n kelen kɛn la.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Loe kɔɔ̃n kɔɔ̃n 6:2

Ma din foo dùũ wɔ lɛ na á woo a dù gɔrɔ-n, da gìĩ kɔɔ̃nɔn bǎã kɛ nɛ. A na á woo a tɔɔn lɛduə̃, a na á woo da buũ na.

Ezekieli 27:19

Dan tɔrɔn laanka Yavan tɔrɔn man nə́ goã n toɛ Uzali kiwi, bɛ̀ ǹ da fɔlɔ-zɛnaa sã n la, da fɔ́rɔ gìĩ kɔɔ̃n nɛ, ka buruu gìĩ kɔɔ̃n nɛ.

Minin nimi 24:6

Ǹ nə́ n da wɔlɔ la, ka tà mu bɛ́ lɔn. Maǹ ka dù gɔrɔ bɛ́ lɔn tà lɛ-a, ka aloɛsi da bɛ́ lɔn, Dɛnaa Lawa nə́ ǹ zumu. Maǹ ka *sɛdrə da bɛ́ lɔn mu lɛ-a.

Marki 16:1

*Susu ǹ pii bɛ́ á kiɛ̃, Magadalaan Mariya laanka Zaaki ǹ dan Mariya nɛ, ka Salomee ne, bɛn nə́ nyɔɔ gìĩ kɔɔ̃n pii, mà ǹsɛn man woe loe Yezu gere ganaa.

Zaã a sɛ́wɔ 19:39

Nikodɛmu mɛn bɛ́ á goã á woo Yezu li tèlò basa li, bɛ dɔ́ daa ka nyɔɔ gìĩ kɔɔ̃n kɔ́n nɛ, ǹ nə́ bíi *miíri, lɔloɛ-n kɔn ka nyɔɔ gìĩ kɔɔ̃n-a kɔ́n nɛ, ǹ nə́ bíi "aloɛsi"; á kilo pɔsɔɔ boe.

Sii-nyaan 18:13

dù wùsu tɔrɔ gigiã nɛ, nyɔɔ gìĩ kɔɔ̃n tɔrɔ gigiã laanka gón gìĩ kɔɔ̃n nɛ, duvɛ̃ nɛ, nyɔɔ nɛ, wùsu ni, ka *belee ne, diin ni, sèren ne, sùin ni, wotoron ne, ka minbuiinin dinin ni ǹ nə́ ǹ siɛ̃ bɛ̀rɛn lɛa.