Loe kɔɔ̃n kɔɔ̃n 4:11 - LAWA A BOO SONBORE

¹¹ Ee, maa nɛniɛ, n lɛ kìrin man paparɛ. N sɔɔ min ni n nɔnɔɔ ka bɔ̀nyaa bɛ́ lɔn, a n paparɛ ka zoo bɛ́ lɔn. N wɔ ǹ mɔnaan gìĩ n kɔɔ̃nɛ, ka Liban a da yon gìĩ kɔɔ̃n bɛ́ lɔn.

LAWA A BOO SONBORE 2011

¹¹ Ee, maa nɛniɛ, n lɛ kìrin man paparɛ. N sɔɔ min ni n nɔnɔɔ ka bɔ̀nyaa bɛ́ lɔn, a n paparɛ ka zoo bɛ́ lɔn. N wɔ ǹ mɔnaan gìĩ n kɔɔ̃nɛ, ka Liban a da yon gìĩ kɔɔ̃n bɛ́ lɔn.

Loe kɔɔ̃n kɔɔ̃n 4:11 ပူးပေါင်းရင်းမြစ်များ

Siin Giala 27:27

Zakɔba nə́ n zɔ̃ á n mɔrɔ a ganaa, á n sɔɔ a nɛ. Izaaki ná a wɔ ǹ mɔnaan lɛn gìĩ ma, á lɛn biɛ̃ bíi li bɛ̀ á pii: «Dɛnaa bɛ́ á tán mɛn basã, maa nɛgiĩ lɛ gìĩ n ka bɛ bɛ́ lɔn.

Loen 19:10

Nyɛ́ɛ baa Dɛnaa Lawa-n lɛ n sii siĩn lɛa, bɛ lɛ n goɛ̃ yǎa duduu. Dɛnaa Lawa a sii yɔrɔ-bɔn man sonbore lɛa, a sii yɔrɔ-bɔ tumaa n pepere.

Loen 45:8

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.

Loen 92:13

Min pepere n yui ka sèwo da bɛ́ lɔn, a n pàã boe a kaka kɔ, ka Liban a da dadaran kɛn bɛ́ lɔn.

Suusun 16:24

Boo kɔɔ̃n nə ka zoo nyɔɔ bɛ́ lɔn, a n foo basɛ̃, a n gɔ̀nɔn bǐɛ̃ koe.

Suusun 5:2

Ń tá re yiridɛnaa biɛ, ka bɛ dɔ nɛ, n da ǹ boon tá re yiridɛnan wɔ biɛ.

Suusun 5:3

A giala, min kɔsɔ a lɔ lɛ gɔ́ɔ̃ ǹ boo maǹ paparɛ ka zoo nyɔɔ bɛ́ lɔn, susuu á la nyɔɔ nɛ.

Loe kɔɔ̃n kɔɔ̃n 4:10

Miãnɛn, maa nɛniɛ, n kɔn-narɛɛ á kɔɔ̃nɛ á la yii ni, n sɔɔ min ni á kɔɔ̃nɛ á la duvɛ̃ nɛ. N nyɔɔ gìĩ á kɔɔ̃nɛ, á la nyɔɔ gìĩ kɔɔ̃n tumaa nɛ.

Loe kɔɔ̃n kɔɔ̃n 4:3

N lɛ n tã ka gɛ̀sɛ tã bɛ́ lɔn, á siĩn taãn-taãnɛ, n lon! N mɔnaa ke n yɔrɔ lɛ, n yɔrɔ á siĩni bɛ kio taãn-taãnɛ, ka grenadie da nɛ lɛkara nɛ.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Loe kɔɔ̃n kɔɔ̃n 5:13

A pàãn man ka miíri nyɔɔ gìĩ kɔɔ̃n bǎã bɛ́ lɔn.

Loe kɔɔ̃n kɔɔ̃n 7:9

Má pɛ ma din gɔ́ɔ̃ nɛ: máa yǎa ma dii sèwo da kɛ la, man gɔn diɛ a nɛ ganaa. N nyɔn kɛn die n lùlùù kɔ ma gɔn, ka *rezɛ̃ da nɛ bɛ́ lɔn. Piɛ̃ mɛn bɛ́ soe n lɛ-n, bɛ gìĩn kɔɔ̃nɛ ka da nɛ kɔɔ̃n gìĩ bɛ́ lɔn.

Izayii 7:15

Maǹ die toe ka nàari laanka zoo nyɔɔ nɛ, yǎa a sii baraa laanka sii sonbore bɔ kɔnlɛ doɛ̃.

Ozee 14:2

Izirayeli, wusoo n da Dɛnaa Lawa, n Lawa li, a giala, n sii baraa lɛ na á toa n mɛnaa.

Ebrəə 13:15

Ka daa, Yezu din barka nɛ, wɔ Lawa guguru kɔ, bɛ goã wɔa wúlu mànan lɛa, bɛ giala, mà wɔ a tɔ bɔ ka wɔ lɛ nɛ.