Loe kɔɔ̃n kɔɔ̃n 3:7 - LAWA A BOO SONBORE

⁷ Salomɔn gũ ǹ màn lɛ á ke. Giĩn mɛnɛn bɛ́ doa boe, Izirayeli a zia nɛ doa-bɔlen bii, bɛn min pɔsɔrɔ na á da bii.

LAWA A BOO SONBORE 2011

⁷ Salomɔn gũ ǹ màn lɛ á ke. Giĩn mɛnɛn bɛ́ doa boe, Izirayeli a zia nɛ doa-bɔlen bii, bɛn min pɔsɔrɔ na á da bii.

Loe kɔɔ̃n kɔɔ̃n 3:7 ပူးပေါင်းရင်းမြစ်များ

Kiin1 14:27

Kii Roboamu lɛ tɔ́n goóron zɛnaa ka zan nɛ, á ǹ kaa bɛa sana goóron lɛn bǎã nɛ. Min mɛnɛn nə goã kii a kiɛnlɛ-lɛduə̃lin nyɛɛnaandɛnan lɛa, á ǹ gama walan sii toa bɛn gɔn.

Kiin1 9:22

Sɛnɛ Salomɔn Izirayeli minin lɛn kɔn da pàã dí ganaa wa. A giala ǹsɛn man nə́ goã zia nɛn lɛa, Salomɔn a dí-nyalin lɛa, a sii nyɛɛnaandɛnan laanka a ziabaa ǹ mànan-gũlin lɛa. Ka bɛ dɔ nɛ, maǹ nə́ goã a zia wotoron mìi la, ǹ nə́ dii a sùin la.

Kiin2 6:17

Yiliizee Lawa nyankɔ kɛnɛn: «Dɛnaa Lawa, n dí-nyali lɛ yii bũ, màn mɛn bɛ́ toɛ a yii wɔlɔ yɛ!» Dɛnaa Lawa dí-nyali lɛ yii bũ, a yii kele lɛ yɛ a lalan yii n piɛ̃ nɛ ka sùin laanka ziabaa ǹ wotoro tɛdɛnan nɛ, ǹ nə́ Yiliizee da bii.

Nehemii 4:13

Má tɔ́n pɛ goledɛnan lɛn manɛ kəni, ka sii yɔrɔ-bɔlen laanka zaman gialakun lɛ nɛ: «Di lɛ pàã á gole, wɔ n wɔ́ n pɛsɛ̃ kungɔn lɛ ganaa, wɔ wɔlɔ n lui-n kɔn ganaa.

Loe kɔɔ̃n kɔɔ̃n 1:16

N dɔ á siĩni dɛ, ma din foo dùũ wɔ, n tá siĩni á là da. Wɔa waa ǹ piì n buu buruu lɛa.

Loe kɔɔ̃n kɔɔ̃n 3:6

Die n ke á soo diə gole li die, gusuũ yui ka tɛmaa bara bɛ́ lɔn? A gìĩ tumaa n *miíri nyɔɔ gìĩ kɔɔ̃n lɛa, da yon gìĩ kɔɔ̃n lɛa, ka pii-kɔlen bɛ́ die ka màn gìĩ kɔɔ̃n tɔrɔ mɛn tumaa nɛ.

Loe kɔɔ̃n kɔɔ̃n 3:8

Gɔya sa nə ǹ tumaa ganaa. Ǹ tá zia biɛ doɛ̃ a tɔ-a. Didie a gɔya sa na a gisi ganaa. Bɛ̀ sii kaka daa tèlò-n, ǹ yɔ bɔ a ganaa.

Loe kɔɔ̃n kɔɔ̃n 3:9

Kii Salomɔn lɛ min gũ ǹ yoroon zɛnaa, a dinsɔɔ̃ wɔ lɛa, Liban gɔn na a lɛa.

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Samayeli1 14:52

A Sayulu toa a yii n koo, zia lɛ na á goã woɛ̃ nɛ ka kasagaa Filisiti minin lɛn gialaa. Min mɛnɛn tumaa goã ǹ foo n tã, ǹ nɛgininbaa dɔ, bɛ̀ Sayulu bɛ mɛn yɛ, a n kuĩ a da kun ka a din ni.

Samayeli1 28:2

Davida pɛ Akiisi ni: «Ma bɛ́ re sii mɛn zɛnɛɛ, n dinmaa lɛ tá re bɛ doɛ̃.» Akiisi tɔ́n pɛ Davida nɛ: «Bɛ̀ ń bɛ zɛnaa sɛn, masɛ n die n biɛ ma din lɛduə̃li lɛa miɛ̃ yǎa duduu.»

Samayeli1 8:16

A tá re kaa dí-nyali sonboren sii ka kaa min ten sonboren laanka kaa dundun sonboren ne, a ǹ kaa a dí ganaa.