Loe kɔɔ̃n kɔɔ̃n 3:11 - LAWA A BOO SONBORE

¹¹ *Siɔn nɛlɔn lɛn, ka da soo ka ga! Ka ga kii Salomɔn ganaa, a ná a kɔn wɔ ǹ bafolo wɔ. Ǹ dan nə bafolo mɛn lɛ kɔ la a kɔn-wɔ pinaa, a foo kɔɔ̃nbaa gole pinaa.

LAWA A BOO SONBORE 2011

¹¹ *Siɔn nɛlɔn lɛn, ka da soo ka ga! Ka ga kii Salomɔn ganaa, a ná a kɔn wɔ ǹ bafolo wɔ. Ǹ dan nə bafolo mɛn lɛ kɔ la a kɔn-wɔ pinaa, a foo kɔɔ̃nbaa gole pinaa.

Loe kɔɔ̃n kɔɔ̃n 3:11 ပူးပေါင်းရင်းမြစ်များ

Loen 48:11

Ee Lawa, maǹ nə n tɔ boe kanaa paǹ yii ni, maǹ nə n guguru koe kanaa paǹ yii ni. N zɛnaa ǹ sii tumaa n pepere.

Loen 9:14

Makara bɔ ma-a, Dɛnaa Lawa. Maa zɔ́ɔn kɛn nə nɔmaa mɛn da ma mìi ni, n din ga bɛ ganaa. N din ma kanbaa gɛ̀ ganaa,

Loe kɔɔ̃n kɔɔ̃n 1:5

Zeruzalɛmu nɛnɛn lɛn, masɛ gɔ̀nɔn nə tì birəəne, sɛnɛ ma á siĩni. Kedaara minin kionən kɛn, ma gɔnɔn lɛ n tì birəə miɛ̃. A laanka bɛ yii ni, masɛ n siĩni, ka Salomɔn a kion mɔnaa nyaǹ dɛnan kɛn bɛ́ lɔn.

Loe kɔɔ̃n kɔɔ̃n 2:7

Zeruzalɛmu nɛnɛn lɛn, ma gɛlɛɛ ka nɛ! Ma n ka nyankoe ka don woreen laanka don a yuunun tɔ nɛ. Ka baran bũ wa, ka baran ma din foo dùũ wɔ kɛ yii kaa, bɛ̀ a ná a tɔn dɔ a din wɔ lɛ-a wa.

Loe kɔɔ̃n kɔɔ̃n 7:11

Man ma din foo dùũ wɔ lɛ wɔ lɛa, ma sii ná a ganaa.

Loe kɔɔ̃n kɔɔ̃n 8:5

Lɔ mɛn nə ke n toɛ diə gole li die, paraa-n denden a din foo dùũ wɔ gùrù ganaa? Man má n yii kaa pɔmu da kɛ giulun, n dan bɛ́ á n nɔ̀ si bǎã mɛn lɛ nɛ, a bɛ́ á n yɛ á n da kanaa bǎã mɛn lɛ nɛ.

Izayii 4:4

Yiri mɛn bɛ peperebaa ka yoreenbaa koe, Dɛnaa á re Siɔn lɔn *gɔ̀ pii ka bɛ nɛ bibinaa nɛ. Á re Zeruzalɛmu yoreen koe mà kɛa lɛa á kaa a kiwi.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Izayii 62:5

Ká tɔntɔraa bɛ́ kɔn we ka a nɛniɛ-n lɔn, min mɛn bɛ́ n doe, bɛ lɛ n die n zuũ biɛ. Ka lɔ tii bɛ́ n zuũ foo kɔɔ̃n koe lɔn, n dɔ n die Dɛnaa Lawa foo kɔɔ̃n koe miɛ̃.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 2:2

Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Zeremii 32:41

Á die kɔɔ̃n koe ma ganaa ma bǐɛ̃ zɛnaa ǹ nɛ. Man die ǹ gòã we tán taãn-taãnɛ gána kɛ lɛ nɛ ka ma foo tumaa nɛ, ka ma pàã tumaa nɛ.»

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Zakarii 6:11

Sana laanka wɔrɔ bɔ, n kii bafolo zɛnaa nɛ, n wɔ Zozadaaki a nɛgiĩ Lawa a wúlu-bɔle gole Yesuwa mìi ganaa.

Matiə 12:42

Kiri kurii pinaa, lɔ mɛn bɛ́ á goã kii lɛa Saabaa gána nɛ, bɛ á re yui kun ka pelo minin kɛn nɛ, a ǹ zɛ̀rɛ baa. A giala, a na á bɔ kanaa bǎã sɔsɔɔ nɛ, á daa n too kɔ Salomɔn a sii-doɛ̃ boon kɛn ganaa. Màn tá kànaa á gole á la Salomɔn nɛ dɛ!

Luku 15:32

Sɛnɛ, n diɛ̃ ke, táa a n goon ka a na á gã a yii kaa, a na á papaã á wusoo á yɛ. Wɔsɛn doamaa nɛ wɔ zɔ́n zɛnaa bɛa lɛa.»

Zaã a sɛ́wɔ 15:11

Man má bɛ pɛ ka nɛ, màn mɛn bɛ́ toɛ, nyɛnyɛɛ mɛn bɛ́ masɛ lon, bɛ goã ka dɔn lon, kaa nyɛnyɛɛ lɛ pã.

Zaã a sɛ́wɔ 3:29

Lɔ tii nə ǹ zuũ wɔ lɛa haalɛ. Ǹ zuũ lɛ a giaára ke a li, bɛ̀ ǹ zuũ lɛ foo á kɔɔ̃nɛ, a giaára lɛ dɔ nə n nyɛnyɛɛ kun ni. Masɛ wɔ n miɛ̃, nyɛnyɛɛ lɛ piɛ̃ tá masɛ lon.

Kolɔɔsi minin 1:18

A din nə Lawa a sɔmɔ kɛ mìi lɛa, Lawa a sɔmɔ mɛn bɛ́ a din gɔ̀nɔn lɛa. Bɛa gɔ̀nɔn kɛ lɛ nyin nə boe a din ni, a giala, a din nə min bibinaa lɛa, a yii kaa á n bɔ geren bii, a din nə bibinaa lɛa sii din tumaa gɔ́ɔ̃ nɛ.

Ebrəə 13:13

Ka daa wɔ dɔn nə soo, wɔ wo a li kiwi lɛ kio, wɔ dɔn na a din sìi kɛ lɛ si wɔ ganaa.

Ebrəə 2:9

Sɛnɛ, wɔ yii n kɛ ganaa Yezu lɛ wɔ paǹ li: «Biikoo boɛɛn gɔ́ɔ̃ nɛ, Lawa ná a kiɛɛrɛ kɔ, á la lon a dia dí-a wolen manɛ,» màn mɛn bɛ́ toɛ, Lawa a bǐɛ̃baa barka nɛ, a gã minbuiin nɛ tumaa a lɛa. Sɛnɛ kanna, wɔ yii na a ganaa doo, wáa Lawa «gugurubaa laanka zín kɔ la» a gɛ̀-wɔ lɛ a lɛa.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!

Sii-nyaan 19:12

A yii nànan man kuĩ ka tɛ buə̃ bɛ́ lɔn. Kiibaa ǹ bafolo gigiã na a mìi ganaa. Tɔ mɛn bɛ́ kiɛ̃ nɛ a ganaa, min kɔ́n ba bɛ doɛ̃ wa, yǎa a dinsɔɔ̃.

Sii-nyaan 19:7

Ka daa wɔ n nyɛnyaa wɔ goã ka foo kɔɔ̃n nɛ, wɔ gugurubaa kɔ la! A giala Sère Nɛ a kɔn-wɔ ǹ zɔ́n dɔ, a bɛ́ kɔn-we ka min mɛn dɔ nɛ, bɛ dɔ nə́ n yɔrɔ bɔ.