Loe kɔɔ̃n kɔɔ̃n 1:13 - LAWA A BOO SONBORE

¹³ Ma din foo dùũ wɔ lɛ n ka *miíri nyɔɔ gìĩ kɔɔ̃n bɛ́ lɔn, a n lɛ̀ wɛɛ a yii n koo kun ma nɛ.

LAWA A BOO SONBORE 2011

¹³ Ma din foo dùũ wɔ lɛ n ka *miíri nyɔɔ gìĩ kɔɔ̃n bɛ́ lɔn, a n lɛ̀ wɛɛ a yii n koo kun ma nɛ.

Loe kɔɔ̃n kɔɔ̃n 1:13 ပူးပေါင်းရင်းမြစ်များ

Siin Giala 43:11

Ǹ di Zakɔba lɛ tɔ́n pɛ: «Bɛ̀ á miɛ̃, ka gána lɛ a da nɛ sonbore kɔ́n na, ka kaa kaa mànan nɛ, ka wo giĩ lɛ gɔ nɛ. Ka wo ka da gon giĩ kɔɔ̃n kɔnɔn nɛ, ka zoo nyɔɔ nɛ, ka pistaasi laanka amandie nàn nɛ.

Loen 45:8

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.

Loe kɔɔ̃n kɔɔ̃n 2:7

Zeruzalɛmu nɛnɛn lɛn, ma gɛlɛɛ ka nɛ! Ma n ka nyankoe ka don woreen laanka don a yuunun tɔ nɛ. Ka baran bũ wa, ka baran ma din foo dùũ wɔ kɛ yii kaa, bɛ̀ a ná a tɔn dɔ a din wɔ lɛ-a wa.

Loe kɔɔ̃n kɔɔ̃n 3:5

Zeruzalɛmu nɛnɛn lɛn, ma gɛlɛɛ ka nɛ! Ma n ka nyankoe ka don woreen laanka don a yuùnun tɔ nɛ. Ka baran bũ wa, ka baran ma din foo dùũ wɔ lɛ yii kaa, bɛ̀ a ná a tɔn dɔ a din wɔ lɛ-a wa.

Loe kɔɔ̃n kɔɔ̃n 3:6

Die n ke á soo diə gole li die, gusuũ yui ka tɛmaa bara bɛ́ lɔn? A gìĩ tumaa n *miíri nyɔɔ gìĩ kɔɔ̃n lɛa, da yon gìĩ kɔɔ̃n lɛa, ka pii-kɔlen bɛ́ die ka màn gìĩ kɔɔ̃n tɔrɔ mɛn tumaa nɛ.

Loe kɔɔ̃n kɔɔ̃n 4:14

safrɔn da laanka kanɛli da nɛ, da nɛ, ka da gìĩ kɔɔ̃n tɔrɔ tumaa nɛ. Dagòã gìĩ kɔɔ̃n laanka aloɛsi da dɔ tan, ka dan mɛnɛn gìĩ bɛ́ kɔɔ̃nɛ a tɔ-a.

Loe kɔɔ̃n kɔɔ̃n 4:16

Haya koɛ! Gɔsɛ a lɛ̀gɔn la a piɛ̃, gusin a lɛ̀gɔn la a piɛ̃, ka yoo! Ka bɔ maa dù gɔrɔ kɛ nɛ, ka a da gìĩ kɔɔ̃nɔn kɛn gìĩ da bɔ-a. Ma din foo dùũ wɔ kɛ die a da a dù gɔrɔ lɛ nɛ, a na a da nɛ kɔɔ̃n kɔɔ̃nɔn kɛn bii.

Loe kɔɔ̃n kɔɔ̃n 4:6

Wɔlɔ laan bɛ̀ a n fúli, mà lɛ̀ n woe wɛɛ, man die woe n *miíri nyɔɔ gìĩ kɔɔ̃n kelen kɛn la.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Loe kɔɔ̃n kɔɔ̃n 5:13

A pàãn man ka miíri nyɔɔ gìĩ kɔɔ̃n bǎã bɛ́ lɔn.

Loe kɔɔ̃n kɔɔ̃n 5:5

Má yoo máa man kiɛnlɛ buĩ ma din foo dùũ wɔ lɛ nɛ. Ma bɛ́ kiɛnlɛ lɛ kuĩ a kũ ǹ bǎã ganaa, bɛ̀ ma gɔnɔn man *miíri nyɔɔ gìĩ kɔɔ̃n lɛa.

Zaã a sɛ́wɔ 19:39

Nikodɛmu mɛn bɛ́ á goã á woo Yezu li tèlò basa li, bɛ dɔ́ daa ka nyɔɔ gìĩ kɔɔ̃n kɔ́n nɛ, ǹ nə́ bíi *miíri, lɔloɛ-n kɔn ka nyɔɔ gìĩ kɔɔ̃n-a kɔ́n nɛ, ǹ nə́ bíi "aloɛsi"; á kilo pɔsɔɔ boe.

Efɛɛzi minin 3:17

A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ.